გამწმენდი ნიღაბი PureBubble – სასარგებლო ნახშირორჟანგია

გამწმენდი ნიღაბი PureBubble – სასარგებლო ნახშირორჟანგია

 https://seiketsu.ru/stati-i-obzory/obzory-brenda-sun-smile/ochishchayushchaya-maska-pure-bubble--poleznyy-uglekislyy-gaz/

გაოცებას და აღფრთოვანებას იწვევს იაპონურ-კორეული კოსმეტიკა PureSmile. ადრე ჩვენ ვისაუბრეთ ფურცლოვანი ნიღბების სერიაზე ნატურალური ესენციებით - იხ. სტატია კოსმეტიკური ნიღბები PureSmileEssence - სახის ეფექტური მოვლა. ამჯერად ჩვენი თემაა გამწმენდი ქაფის ნიღბები სახისთვის ნახშირორჟანგის PureBubble საფუძველზე.

ნახშირორჟანგის (ნახშირბადის დიოქსიდის) გამოყენება ორგანიზმის გაჯანსაღების მიზნით უკვე დიდი ხანია ცნობილია. ეს ბიოქიმიური ნაერთი აქტიურად გამოიყენება მედიცინაში კანის და საყრდენ-მამოძრავებელი აპარატის დაავადებების სამკურნალოდ. ბოლო დროს სილამაზის სალონებში პოპულარული გახდა ინვაზიური კარბოქსითერაპიის პროცედურა, ანუ ნახშირორჟანგით მკურნალობა, კანქვეშ ინექციის გამოყენებით. მაგრამ ესთეტიკურ კოსმეტოლოგიაში მოვლის სავსებით რევოლუციური მეთოდი იქნა შემოთავაზებული კორეელი მეცნიერების მიერ: კანზე ნახშირორჟანგით ზემოქმედება კანის საფარის დაზიანების გარეშე (არაინვაზიურად). ეს სრულიად უსაფრთხო პროცედურა იძლევა სწრაფად და ხარისხიანად საოცარი შედეგების მიღების  საშუალებას კანის მდგომარეობის გასაუმჯობესებლად.

ბიოლოგიის სკოლის კურსიდან ცნობილია, რომ ნახშირორჟანგი ცოცხალი უჯრედების სასიცოცხლო საქმიანობის საბოლოო პროდუქტია, ორგანიზმი თავისუფლდება მათგან და სუნთქვის საშუალებით გამოყოფს მათ ატმოსფეროში. ორგანიზმის ეს ფუნქცია საფუძვლად დაედო კარბოქსითერაპიას.  როგორ მუშაობს ის?

ნახშირორჟანგის (ნიღაბი, გელი და სხვა) შემცველი სპეციალურად შემუშავებული პროდუქტი კანზე ისმება. ნახშირორჟანგი აღწევს დერმის ზედა ფენებში. ნახშირორჟანგის კონცენტრაციის გაზრდის შედეგად ხდება სისხლძარღვების გაფართოება, იზრდება სისხლის მიმოქცევა, ჟანგბადის და მასაზრდოებელი  ნივთიერებების ნაკადი, შედეგად ხდება ნივთიერებათა ცვლის გააქტიურება და უჯრედების რეგენერაციის პროცესი. შემდგომ, ნახშირორჟანგი ჩვეულებისამებრ გამოიყოფა ორგანიზმიდან, ხოლო მიღებული ჟანგბადი აგრძელებს კოლაგენის გამომუშავების სტიმულირებას, რაც ხელს უწყობს ქსოვილების ბუნებრივ დაჭიმვას და სახის ფერის გაუმჯობესებას, ხოლო სისხლის მიმოქცევის წყალობით ისეთი მოვლენები, როგორიცაა სახის შეშუპება, ქრება. ამრიგად, მავნე ნახშირორჟანგს სასარგელი მოაქვს.

 ნოვატორულ კოსმეტიკურ ბრენდს PureSmile ასევე აქვს ნახშირორჟანგის საფუძველზე შექმნილი გამწმენდი საშუალება - ქაფის ნიღაბი PureBubble.

ნიღაბი ხელმისაწვდომია ორი ფორმით: ერთჯერადი 3 გრამიანი პაკეტი და 50 მლ პატარა ბალონი. არსებობს ნიღბის ხუთი ვარიანტი სხვადასხვა ექსტრაქტებით: მარგალიტებით, ზღვის წყალმცენარეებით, მწვანე ვაშლით, ვარდით და ფუტკრების რძით. გამოვცადოთ ქაფიანი ნიღაბი მარგალიტის ექსტრაქტით (კონკვიოლინ-ამინომჟავით).

აღწერილობა: გამწმენდი ქაფის ნიღაბი სახისთვის ნახშირორჟანგის და კონკვიოლინ-ამინომჟავის საფუძველზე 50 მლ. (026457). ნიღაბი წარმოადგენს გამჭვირვალე პროდუქტს, რომელიც კანზე წასმისას იწყებს აქაფებას - ეს ნახშირორჟანგი მუშაობს. შედეგად წარმოიქმნება სქელი, მაგრამ ძალიან რბილი ქაფი.

გამოყენება: წაისვით საკმარისი რაოდენობა სუფთა კანზე, როდესაც ნიღაბი აქაფდება, გაიკეთეთ სახის მსუბუქი მასაჟი, გაიმეორეთ პროცედურა 2-3-ჯერ. ამის შემდეგ, ჩამოიბანეთ ნიღაბი თბილი წყლით და წაისვით დამატენიანებელი კრემი.

ვისთვის არის შესაფერისი: ნიღაბი შესაფერისია ნებისმიერი ტიპის კანისთვის და არის სახის მოვლის განუყოფელი ნაწილი, ვინაიდან პირველადი გაწმენდის გარეშე კანი მიუწვდომელი რჩება სასარგებლო ნივთიერებების შეღწევისათვის და ყველა სხვა პროცედურას აზრი ეკარგება.

ძირითადი აქტიური კომპონენტებია:

ჰიალურონის მჟავა - პოლისაქარიდი, რომელიც ატენიანებს კანს, ხელს უწყობს რეგენერაციას და ხელს უშლის ნაოჭების გაჩენას.

 კონკვიოლინი არის ცილა, რომელიც ფარავს მოლუსკი-მარგალიტის გარსს. მას აქვს ანტიოქსიდანტური თვისებები, არეგულირებს pH დონეს,გამოჰყავს ორგანიზმიდან ტოქსინები, აშორებს მუწუკებს, იცავს ულტრაიისფერი გამოსხივებისგან.

 ნახშირორჟანგი - ხელს უწყობს კანის ბუნებრივ დაჭიმვას და სახის ფერის გაუმჯობესებას, ხსნის ანთებით პროცესებს, აქვს სამკურნალო და გამაახალგაზრდავებელი ეფექტი კანზე, აშორებს მუქ წრეებს და დამამშვიდებლად მოქმედებს შესიებულ თვალებზე, ასწორებს ნაოჭებს თვალების კუთხეებში.

       რეკომენდაციები:  ეს ნიღაბი შეიძლება ყველასთვის იყოს რეკომენდებული, გამონაკლისის გარეშე, როგორც სახლის პირობებში მოვლის რეგულარული პროცედურა. ნიღაბი სწრაფად და ნაზად წმენდს კანს ჭუჭყისგან, ამასთან ინარჩუნებს დატენიანების ბუნებრივ დონეს. სახე ხდება სუფთა, ჩნდება ნაზი სიწითლე.