რით განსხვავდებიან სოციოფობები ინტროვერტებისგან?

რით განსხვავდებიან სოციოფობები ინტროვერტებისგან?

 https://www.psychologies.ru/articles/chem-sotsiofobyi-otlichayutsya-ot-introvertov/

ინტროვერტები ხშირად ეშლებათ სოციოფობებში - ადამიანებში, რომლებსაც აბსოლუტურად არ შეუძლიათ საზოგადოებაში ყოფნა. თუმცა, მათ შორის ძალიან მნიშვნელოვანი განსხვავებებია.

ბევრმა ადამიანმა იცის, რომ ინტროვერტებს არ უყვართ ხალხში ყოფნა და გუნდურ საქმიანობას ინდივიდუალური დავალებები ურჩევნიათ. ამავე დროს, მათ შორის არიან შესანიშნავი ხელმძღვანელები და ცნობილი მოტივაციური სპიკერები. სოციოფობები უნებლიეთ არიან მარტოხელა ადამიანები, რომლებიც ხშირად განიცდიან თავიანთ მდგომარეობას.

1.  ინტროვერტებად იბადებიან, სოციოფებად ხდებიან

ინტროვერსია თანდაყოლილი თვისებაა. ინტროვერტები ისვენებენ და ენერგიით იმუხტებიან საკუთარ თავთან მარტოდ ყოფნისას ან ახლობლების ვიწრო წრეში. სოციოფობია, პირიქით, შეძენილი თვისებაა. ცხოვრებისეული გამოცდილება არწმუნებს ასეთ ადამიანებს, რომ მათ გარშემო მყოფნი უსამართლო, შურიანი და დაუნდობელნი არიან.

2.  სოციოფები გაურბიან ნებისმიერ კონტაქტს

ისინი იშვიათად დადიან წვეულებებზე და საჯარო ღონისძიებებზე. თუ, მიუხედავად ამისა, ისინი გადაწყვეტენ „საზოგადოებაში გასვლას“, თავს არიდებენ პირისპირ ურთიერთობას, ცდილობენ იპოვონ განმარტოებული ადგილი, სადაც ტელეფონთან ერთად ატარებენ დროს მარტო. ასეთი ადამიანები იშვიათად პასუხობენ ზარებს, ამჯობინებენ მიიღონ sms და ხმოვანი შეტყობინებები.

3.  სოციოფობები შეიძლება იყოს ექსტრავერტები

როგორი პარადოქსულიც არ უნდა იყოს, თქვენ შეიძლება დაიმუხტოთ ენერგიით ადამიანებთან ურთიერთობისგან და ამავე დროს გეშინოდეთ მათი. მაგალითად, გსურთ სადილზე წასვლა თქვენს კოლეგებთან ერთად, მაგრამ გეშინიათ, რომ მათ არ ექნებათ თქვენთან ურთიერთობის სურვილი, ან ფიქრობთ წვეულების მოწყობაზე, მაგრამ შიშობთ, რომ სტუმრები თქვენზე არასასურველ შთაბეჭდილებას შეიქმნიან.

კლინიკური ფსიქოლოგი ჰელენ ჰენდრიკსენი აღნიშნავს: „ძნელია დისკომფორტის შეგრძნება როგორც საკუთარ თავთან ერთად, ასევე ადამიანებს შორის. ასეთი სიტუაცია გამოუვალად ჩანს“.

4.  ინტროვერტებს უყვართ მარტოობა, სოციოფებს არა

ინტროვერტისთვის მარტოობა და განმარტოება დასვენების აუცილებელი პირობაა. სოციოფობი თავს არიდებს ურთიერთობას სხვა მიზეზის გამო: რათა არ განიცადოს იმედგაცრუება და სინანული. ურთიერთობისგან თავის დაცვით ასეთი ადამიანები ამცირებენ შფოთვის დონეს, მაგრამ არ განიცდიან სიხარულს მარტოობისგან.

5.   სოციოფობები ძალიან არიან შეწუხებული იმით, თუ რას ფიქრობენ მათზე სხვები

ინტროვერტებს ურჩევნიათ იყვნენ ისეთები, როგორებიც არიან, იმის ნაცვლად, რომ იფიქრონ, „რას იტყვის კნეინა მარია ალექსეევნა“. ისინი თვითკმარი არიან და უმეტეს შემთხვევაში არ არიან მიდრეკილნი პერფექციონიზმისკენ.

სოციოფობიის მქონე ადამიანებისთვის საზოგადოებაში ნებისმიერი გამოჩენა არის გარკვეული სტანდარტების დაკმაყოფილების და იმაზე უკეთესად გამოყურების მცდელობა, ვიდრე სინამდვილეში არიან.

ისინი საკუთარ თავს ეუბნებიან: „არ უნდა ვიყო ჩუმად საუბრის დროს, თითქოს არაფერი მაქვს სათქმელი“ ან „მასპინძელთან საუბრისას უნდა ვთქვა რაღაც სახალისო და მახვილგონივრული“. სოციოფობიები იმდენ დროს და ენერგიას ხარჯავენ შთაბეჭდილების მოხდენაზე და შფოთვასთან გამკლავებაზე, რომ მათ არ შეუძლიათ ფოკუსირება თავად საუბარზე, სასარგებლო ინფორმაციის ან საუბრით სიამოვნების მიღება.

6.   სოციოფობები პრაქტიკაში იყენებენ „უსაფრთხო ქცევას“

სოციალური შფოთვის მქონე ადამიანები ხშირად საკუთარ თავს ადანაშაულებენ სოციალური უნარების არარსებობაში. ისინი ამბობენ: „მე არ შემიძლია საუბრის გაბმა“, „მე ძალიან მოუქნელი ვარ“. საკუთარ თავში რწმენის უქონლობის გამო ისინი მიმართავენ „უსაფრთხო ქცევას“: მალავენ თვალებს, საუბრობენ ძალიან ჩუმად, მუდამ იღიმებიან და საუბრობენ პირფერობით.

ჰელენ ჰენდრიქსენის აზრით, ეს ადამიანები უბრალოდ საკუთარ თავს სათანადოდ არ აფასებენ. ისინი შესანიშნავი მსმენელები არიან, რადგან ცდილობენ ნაკლებად ისაუბრონ საკუთარ თავზე.

თუ სოციალური შფოთვა ხელს უშლის თქვენს ნორმალურ ცხოვრებას, სცადეთ შეიცვალოთ.

1. გამოდით კომფორტის ზონიდან და აიძულეთ საკუთარი თავი გააკეთოთ ის, რისიც ყველაზე მეტად გეშინიათ.

2. მოუღეთ ბოლო „უსაფრთხო ქცევას“: შეხედეთ თანამოსაუბრეს თვალებში, ისაუბრეთ საკმარისად ხმამაღლა და მკაფიოდ.

3. გადაიტანეთ ყურადღება გარე საგნებზე: იმის ნაცვლად, რომ წუხდეთ, თუ როგორ გამოიყურებით და რას ფიქრობენ თქვენზე, შეხედეთ გარშემომყოფებს, მოუსმინეთ საუბარს და გამოთქვით თქვენი აზრი.