ვირუსით დაავადებულებს სახლში თვითმკურნალობას ურჩევენ

       კორონავირუსით დაავადებულებს სახლში თვითმკურნალობას ურჩევენ

 https://www.kommersant.ru/doc/4300938

დედაქალაქის მერიაში მსუბუქად დაავადებულ პაციენტებს აივ-ის საწინააღმდეგო პრეპარატები და პარაცეტამოლი  დაუნიშნეს

პაციენტებს მოსკოვში დადასტურებული დიაგნოზით COVID-19 ურჩევენ სახლში დარჩენას  და აივ-ის სამკურნალო საშუალებებით - ლოპინავირით და რიტონავირით მკურნალობას, ასევე პარაცეტამოლით. ამის შესახებ ნათქვამია ასეთი პაციენტების დახმარების გაწევის შესახებ დედაქალაქის ჯანდაცვის დეპარტამენტის მიერ დამტკიცებულ დებულებაში. ამ დოკუმენტის მიხედვით, მწვავე რესპირატორული ვირუსული ინფექციით დაავადებული პაციენტები სახლში იღებენ ნაცხს კოროვირუსზე, მაგრამ დადებითი შედეგის შემთხვევაშიც კი არ მოახდენენ ქრონიკული დაავადებების არმქონე, 65 წლამდე ასაკის ადამიანების ჰოსპიტალიზაციას 38,5 გრადუსზე ნაკლები ტემპერატურით, სუნთქვის სიხშირით წუთში 30 ჩასუნთქვა და „სისხლის ჟანგბადით გაჯერებით 93%-ზე მეტი“. კონკრეტულად როგორ უნდა გაიზომონ ჟანგბადის დონე სახლში მოქალაქეებმა, რეგლამენტში არ არის განმარტებული. ექსპერტს მიაჩნია, რომ ზოგიერთი პაციენტის ჰოსპიტალიზაციაზე უარის თქმით, ხელისუფლება ემზადება სცენარისთვის, როდესაც ვირუსით ინფიცირებულთა რიცხვი გაიზრდება.

პაციენტებს, რომლებსაც აქვთ კოროვირუსული დაავადების მსუბუქი მიმდინარეობა ან სიმპტომების გარეშე, ამიერიდან უფლება აქვთ იმკურნალონ სახლში, ჯანდაცვის დეპარტამენტის ხელმძღვანელის ალექსეი ხრიპუნის № 230 ბრძანების თანახმად. „თუ პაციენტის ტემპერატურა 38,5 გრადუსზე ნაკლებია, სუნთქვის სიხშირე 30-ზე ნაკლები, სისხლის ჟანგბადით სატურაცია 93%-ზე მეტია, სუნთქვა თავისუფალია, მაშინ პაციენტი (COVID-19-ის დადასტურებული დიაგნოზით - „Ъ“) რჩება სახლში“, - ასეთი მითითება მიეცა ბრძანების ტექსტში სასწრაფო დახმარების ბრიგადებს.

როგორ სთავაზობენ რუსეთში დასჯას კარანტინის დარღვევისთვის

 დოკუმენტში დამტკიცებულია სასწრაფო დახმარების ბრიგადების, ასევე უბნის ექიმებისა და ექთნების მუშაობის ახალი ალგორითმები 23 მარტიდან 30 მარტამდე პერიოდში. კერძოდ, მწვავე რესპირატორული ვირუსული ინფექციების მქონე პაციენტებისთვის სახლში გამოძახებისას ექიმებს ევალებათ ცალკეულ შემთხვევებში ჩაატარონ COVID-19-ს ანალიზები.

მაგალითად, ბიოლოგიური მასალა უნდა იქნას აღებული 60 წელზე უფროსი ასაკის პაციენტებისგან, შაქრიანი დიაბეტის, გულ-სისხლძარღვთა დაავადებების და სხვა ქრონიკული დაავადებების მქონე მოქალაქეებისგან, ან ევროკავშირიდან, აშშ-დან, ჩინეთიდან, ირანიდან და კორონავირუსის გავრცელების მაღალი დონის სხვა ქვეყნებიდან ჩამოსული ადამიანებისგან.  სხვა შემთხვევებში, ასეთი ანალიზი რჩება ექიმის გადასაწყვეტი.

მაგრამ COVID-19-ზე დადებითი ტესტის შემთხვევაშიც კი, ევალებათ საავადმყოფოში ყველა არ გადაიყვანონ.

ასე რომ, ამიერიდან უპირობო ჰოსპიტალიზაციას ექვემდებარებიან 65 წელზე უფროსი ასაკის პაციენტები, ქრონიკული (ბრონქოფილტვის, გულ-სისხლძარღვთა და ენდოკრინული სისტემების) დაავადებების მქონე პირები ან ორსულები, აგრეთვე ამ ჯგუფის ადამიანებთან ერთ ბინაში მცხოვრები ადამიანების შემთხვევაში, თუ „მათი განსახლება შეუძლებელია“.

  გარდა ამისა, სასწრაფო დახმარების ბრიგადებს ევალება გაaგზავნონ სტაციონარში პაციენტები კორონავირუსის დადასტურებული დიაგნოზით, „თუ მათ ციებ-ცხელების ფონზე აქვთ ორი ან მეტი ნიშანი“, მათ შორის ტემპერატურა 38,5 გრადუსზე მეტი, სუნთქვის სიხშირე 30-ზე მეტი ჩასუნთქვა წუთში და  „სისხლში ჟანგბადის სატურაციის დონე 93% -ზე მეტი“.

სხვა შემთხვევებში, ექიმებს ევალebათ, მიიღონ პაციენტისგან თანხმობა სახლში ამბულატორიულ მკურნალობაზე, ფოტოსურათი გადაუღონ მათ da დაუნიშნონ მკურნალობა - „უხვად სითხის დალევა“, პარაცეტამოლი, როგორც სიცხის დამწევი საშუალება და ყოველდღიური მიღება 400/100 მგ პრეპარატი ლოპინავირი + რიტონავირი ორი კვირის განმავლობაში. რუსეთის ფარმაცევტულ ბაზარზე ახლა წარმოდგენილია ორი პრეპარატი მოქმედ ნივთიერებათა ამ კომბინაციით - რუსული კალიდავირი (ფასი, დაახლოებით 3,5-3,7 ათასი რუბლი ერთი შეფუთვა) და გერმანული კალეტრა (4,9-7,6 ათასი რუბლი). საუბარია რეცეპტით გამოწერილ წამლებზე, რომლებიც გამოიყენება აივ-ის სამკურნალოდ. მიღებისას ყველაზე გავრცელებული გვერდითი მოვლენებია დიარეა, გულისრევა, ღებინება, ჰიპერტრიგლიცერიდემია და ჰიპერქოლესტერინემია, მაგრამ პაციენტებს ასევე ხშირად აღენიშნებათ ჩონჩხ-კუნთოვანი ტკივილი, ანემია და ერექციული დისფუნქცია.

ჯანდაცვის დეპარტამენტის ახალი რეგლამენტის მიხედვით, კორონავირუსით დაავადებულ პაციენტს, რომელიც გადის სახლში მკურნალობას, ასევე ვალდებული არიან აცნობონ სასწრაფო დახმარების გამოძახების აუცილებლობის შესახებ, თუ მას გაუხშირდება ხველა, ქოშინი, გაძნელებული სუნთქვა, ტემპერატურა 38,5 გრადუსს გადაცდება, ხოლო სისხლში ჟანგბადით გაჯერების დონე daეცემა 93%-ზე დაბლა. რამდენად შესაძლებელია სახლში სისხლში ჟანგბადით გაჯერების დონის დადგენა, რეგლამენტში არ არის განმარტებული. გაითვალისწინეთ, რომ ამ მაჩვენებლის გაზომვა შესაძლებელია სისხლის აღების გარეშე პულსოქსიმეტრის აპარატის დახმარებით (ღირებულება 2,5 ათასი რუბლიდან). აღსანიშნავია ისიც, რომ კორონავირუსით დაავადებული პაციენტი, რომელიც გადის სახლში მკურნალობას, რეგლამენტის მიხედვით, ვალდებულია დარჩეს თვითიზოლაციაში საკუთარ ბინაში.

ამავდროულად, პაციენტი ვერ შეძლებს სახლში მიტანით გამოწერილი პრეპარატების ლოპინავირის და რიტონავირის შეძენას.

შეგახსენებთ, რომ 17 მარტს პრეზიდენტმა ვლადიმერ პუტინმა ხელი მოაწერა განკარგულებას, რომელიც აფთიაქებს ნებას რთავს წამლებით დისტანციურად ვაჭრობას, მაგრამ ის ეხება მხოლოდ ურეცეპტო წამლებს. ცვლილებები კანონმდებლობაში, რომელიც საშუალებას მისცემს რეცეპტით გამოწერილი მედიკამენტების შეზღუდულ ონლაინ გაყიდვას, მათ შორის კორონავირუსის გავრცელებასთან დაკავშირებით, ახლა სახელმწიფო დუმაშია. პარლამენტის სპიკერის ვიაჩესლავ ვოლოდინის განცხადებით, ეს შესწორებები შეიძლება განხილული იყოს 31 მარტამდე.

ივან პიროგოვის სახელობის რუსეთის ეროვნული სამეცნიერო-კვლევითი სამედიცინო უნივერსიტეტის ინფექციური დაავადებების კათედრის დოცენტი კონოვალოვი დედაქალაქის ხელისუფლების ინიციატივას  „გამართლებულს“ უწოდებს.

 „კორონავირუსით დაავადებულთა რიცხვი გაიზრდება, ეს არავისთვის არის საიდუმლოება. აუცილებელია საავადმყოფოებში სპეციალიზებული ადგილების დეფიციტის აღმოფხვრა, მათი განტვირთვა“, - განაცხადა ბატონმა კონოვალოვმა. კითხვაზე, ემზადება თუ არა დედაქალაქის ხელისუფლება მოსკოვში COVID-19-ის გავრცელების სავარაუდო იტალიური სცენარისთვის, ექსპერტმა უპასუხა: „ყოველთვის უნდა მზად ვიყოთ ყველაზე ცუდი სცენარისთვის“. ბატონი კონოვალოვის თქმით, ქალაქის რეგლამენტში გაწერილი აივ-ის საწინააღმდეგო პრეპარატებმა, „როგორც საკმარისი რაოდენობის კვლევებმა აჩვენა, სხვადასხვა ქვეყანაში შესაძლებელი გახადა ვირუსის დროის შემცირება“. მსოფლიოში „პრინციპული თარგეტური ანტივირუსული თერაპია“ COVID-19-ის სამკურნალოდ ჯერ არ არის შემუშავებული. უნდა აღინიშნოს, რომ ადრე როსპოტრებნადზორი რეკომენდაციას უწევდა ლოპინავირის და რიტონავირის გამოყენებას კოროვირუსის სამკურნალოდ მალარიის საწინააღმდეგო საშუალებებთან ერთად, მაგრამ მისი რეკომენდაციები ეხებოდა მხოლოდ სტაციონარში  მკურნალობას.

რუსეთში COVID-19-ის 658 შემთხვევაა დაფიქსირებული, აქედან 410 მოსკოვში. გამოჯანმრთელდა 29 ადამიანი. მსოფლიოში ინფიცირებულთა რაოდენობამ 424 ათასს გადააჭარბა, თითქმის 19 ათასი გარდაიცვალა, 106 ათასზე მეტი კი გამოჯანმრთელდა.

ალექსანდრ  ვორონოვი, ვალერია მიშინა