ამერიკელი „ნოსტრადამუსი“ კლიმატის ცვლილების შესახებ აღარავინ იქნება ამინდით უკმაყოფილება რომ გამოთქვას

 https://www.energovector.com/replic-amerikanskiy-nostradamus-ob-izmenenii-klimata.html

ამერიკელი „ნოსტრადამუსი“ კლიმატის ცვლილების შესახებ

აღარავინ იქნება ამინდით უკმაყოფილება რომ გამოთქვას

ივან როგოჟკინი

ამერიკელმა მეცნიერმა დუგლას ვოგტმა წარმოადგინა გენიალური ახსნა იმისა, თუ რატომ არიან დასავლელი პოლიტიკოსები შეპყრობილნი გლობალური დათბობით და გამალებით ამტკიცებენ, რომ ჩვენ სასწრაფოდ გვჭირდება ნახშირორჟანგის გამოყოფის შემცირება.

ნებისმიერ საღად მოაზროვნე ადამიანს ესმის, რომ წყლის ორთქლი ბევრად უფრო ძლიერი სათბურის აირია, ვიდრე უვნებელი CO2. და მეცნიერები იტყვიან, რომ მეთანი და ამიაკი იწვევს ბევრად უფრო ძლიერ ეფექტს, მაგრამ მედია მუდმივად საუბრობს ნახშირორჟანგზე. ცხადია, აქ რაღაც არასწორია.

დუგლას ვოგტმა აღმოაჩინა და 1970-იანი წლების ბოლოს წიგნში დეტალურად აღწერა მიკრონოვა - მოვლენა, როდესაც ვარსკვლავი თითქოს აცემინებს, უზარმაზარი რაოდენობით ვარსკვლავის მტვერს უშვებს კოსმოსში, რის შემდეგაც იგი აგრძელებს ნორმალურად წვას. ამავდროულად, ვარსკვლავური სისტემის პლანეტებს ძლიერი გეომაგნიტური ქარიშხალი ურტყამს, რის შემდეგაც მათ ვარსკვლავური ფერფლი ეყრება. ვოგტის თქმით, როდესაც ჩვენი მზე „დააცემინებს“, დედამიწაზე მოხდება ნამდვილი კლიმატური კატასტროფა, მათ შორის მაგნიტური პოლუსების ცვლილება, ძლიერი წყალდიდობები და მკაცრი გამყინვარების პერიოდი. აპოკალიფსის სავარაუდო თარიღი 2046 წლის შემოდგომაა.

დუგლას ვოგტი აღნიშნავს, რომ ცენტრალურმა სადაზვერვო სამსახურმა იცის მიკრონოვის შესახებ, და იქ არის კეთილი სულის მქონე ადამიანი, რომელმაც გამოაქვეყნა მომავალი კატასტროფის დეტალური აღწერა სააგენტოს ოფიციალურ ვებსაიტზე დეკლარირებული, თითქოსდა, რელიგიური წიგნის „ადამისდა ევას ამბავი“, რომელიც გამოვიდა ჯერ კიდევ 1965 წელს. დუგლას ვოგტმა ჩაატარა გამოძიება და აღმოაჩინა, რომ ეს წიგნი არარსებული ავტორის მიერ იყო დაწერილი და არარსებული გამომცემლაშია გამოქვეყნებული.

ვოგტის თქმით, აშშ-ს ლიდერებმა აიშენეს თავისთვის თავშესაფრები მომავალი კლიმატური კატასტროფისგან, ხალხთან დაკვშირებით კი გადაწყვიტეს, რომ ისინი მაინც არ გადარჩებოდნენ, ამიტომ საჭირო იყო საზოგადოების მოტყუება ზუსტად საპირისპირო სურათის დახატვით - კატასტროფული გლობალური დათბობის პერსპექტივა.  მათთვის, ვინც გარკვეული არ არის ამ საკითხში, ეს შემზარავად ჟღერს, მაგრამ საზოგადოებრივი ცნობიერების მანიპულაციის სფეროში ექსპერტები იტყვიან, რომ ეს სიმართლის დამალვის ქმედითი საშუალებაა. როდესაც ადამიანები დარწმუნდებიან, რომ ჩვენ ყველას კატასტროფული გლობალური დათბობის საფრთხე გვემუქრება, ისინი თავიდანვე უარყოფენ ნებისმიერ ინფორმაციას შესაძლო კატასტროფაზე აცივებით: „ჰა-ჰა, ჩვენ უკვე ვიცით ამის შესახებ!“ შედეგად, მაშინაც კი, თუ სიმართლე მოულოდნელად გამოქვეყნდება, მხილება არ მოხდება: არავის მოსმენის სურვილიც კი არ ექნება. და, როგორც დუგლას ვოგტი დარწმუნებულია, სწორედ ამიტომ გადაწყვიტეს ამერიკის დაზვერვის სამსახურებმა მოეტყუებინათ ხალხი გლობალური დათბობის შესახებ.

ინგლისური ენის მცოდნე მკითხველს ვთავაზობთ საკუთარი თვალით ნახოს დუგლას ვოგტის განმარტება. ვისაც ინგლისური კარგად არ ესმის, გირჩევთ ჩართოთ სუბტიტრები.

დაბოლოს, აღვნიშნავთ, რომ სახელმწიფო სათათბიროს ენერგეტიკის კომიტეტის ხელმძღვანელმა, პაველ ზავალნიმ ერთხელ გააჟღერა კრამოლური აზრი ნახშირწყალბადების შესახებ: „დღეს ჩვენ მაქსიმალურად უნდა ვეცადოთ, მოვიპოვოთ ყველაფერი, რაც გვაქვს, და გავყიდოთ. რადგან მერე ეს არავის დასჭირდება“. იქნებ პაველ ნიკოლაევიჩმა იცის რამე?

https://www.dishisvobodno.ru/izmeneniya-klimata-i-ego-posledstviya.html

კლიმატის ცვლილებები და მისი შედეგები

ამჟამად, ბევრ ადამიანს უჩნდება კითხვა: რა ემართება კლიმატს? იმ დროს, როდესაც ზოგიერთ ქვეყანაში ადამიანებს მოულოდნელი სიცხე აწუხებთ, ზოგიერთ ქვეყანაში არ იციან რა მოუხერხონ  მოულოდნელ სიცივეს და დიდი რაოდენობით ნალექს. ეს პრობლემა დღეს ერთ-ერთი ყველაზე აქტუალურია.

ყველამ დაიწყო პლანეტაზე კლიმატის სწრაფი ცვლილების შემჩნევა, მაგრამ ყველა არ ფიქრობს იმაზე, თუ რა მიზეზები უდევს მათ საფუძვლად. სწორედ კლიმატის გლობალური ცვლილება, რომელიც მრავალი წლის განმავლობაში ზედმიწევნით იყო შესწავლილი სხვადასხვა მეცნიერებისა და მკვლევარების მიერ, ითვლება ერთ-ერთ ყველაზე საშის პროცესად ბუნებაში ჩვენი პლანეტის ადამიანების დიდი ნაწილისთვის.

 კლიმატის ცვლილებებზე სასაუბროდ, უპირველეს ყოვლისა, მკაფიოდ უნდა განვასხვავოთ ისეთი მსგავსი ცნებები, როგორიცაა ამინდი და კლიმატი, რადგან ბევრი მიიჩნევს, რომ ეს ცნებები ან იგივეა, ან ძალიან ხშირად ეშლებათ მათი მნიშვნელობები.

კლიმატი მრავალი წლის ამინდის საშუალო მნიშვნელობაა რამდენიმე წლის განმავლობაში, რაც გარკვეულ რეგიონებს ახასიათებს. ამინდი არის ატმოსფეროს მდგომარეობა კონკრეტული დროის შუალედში კონკრეტულ ტერიტორიაზე.    

ამინდი შეიძლება შეიცვალოს უზარმაზარი სიჩქარით, და ეს ადვილი შესამჩნევია, მაშინ როცა კლიმატის ცვლილების შემჩნევას ზოგჯერ შეიძლება ათასწლეულზე მეტი დასჭირდეს.

კლიმატის ცვლილების ძირითადი მიზეზები

მიუხედავად იმისა, რომ კლიმატის ცვლილების პირობებს ყველაზე ხშირად თავად ბუნება ადგენს, კლიმატის ცვლილებების ფორმირებაში არცთუ ნაკლებ როლს ადამიანები ასრულებენ. სწორედ ადამიანები დიდი ხნის განმავლობაში მუდმივად ცდილობენ ყოველმხრივ ჩაერიონ ბუნებაში. ბუნებაში რაიმე ცვლილების შეტანის შედეგად მიკროკლიმატიც იცვლება.

კლიმატის ცვლილების პროვოცირების მრავალი მიზეზი არსებობს, რომლებიც პირდაპირ კავშირშია ადამიანის საქმიანობასთან. ეს არის მძიმე მრეწველობის აქტიური საქმიანობა, საწვავის გამოყენება, ნაგავსაყრელები და ტყეების გაჩეხვა. ყოველივე ამის გამო ატმოსფეროში გროვდება ნახშირორჟანგი, რაც, რა თქმა უნდა,  პლანეტაზე ტემპერატურის მომატების  ერთ-ერთი მიზეზია.

მაგრამ, როდესაც კონკრეტულად ვსაუბრობთ კლიმატის გლობალურ ცვლილებებზე, მხოლოდ დათბობაზე საუბარი არასწორია, რადგან დედამიწაზე ტემპერატურის მატების გარდა არის სხვა სერიოზული ცვლილებებიც, რომლებიც სწორედ კლიმატის ცვალებადობაზეა დამოკიდებული. ასეთი ცვლილებებია, მაგალითად, მსოფლიო ოკეანის დონის თანდათანობითი მატება, მარადი გაყინულობის და მყინვარების დნობა.

რა შედეგები მოჰყვება კლიმატის ასეთ ცვლილებას?

კლიმატის ცვლილების შედეგები უზარმაზარია. ისინი შეიძლება იყოს სხვადასხვა საშიში ბუნებრივი მოვლენა, რომელიც არა მხოლოდ საფრთხეს უქმნის ეკოლოგიური სისტემების არსებობის სტაბილურობას, არამედ ჩვენს პლანეტაზე ადამიანების სიცოცხლეს და ჯანმრთელობას. კლიმატის ცვლილების შედეგები დღესაც თვალნათელია. ამას მოწმობს, თუ როგორ იზრდება სხვადასხვა ექსტრემალური ბუნებრივი მოვლენის სიხშირე.

სამწუხაროდ, ყოველწლიურად ეს შედეგები იწვევს ასზე მეტი ადამიანის სიკვდილს და მძიმე დარტყმას აყენებს გლობალურ ეკონომიკას.

დღემდე, მეცნიერები აგრძელებენ კამათს, მონაწილეობს თუ არა ადამიანი კლიმატის ცვლილებაში, მაგრამ ისინი დარწმუნებულნი არიან ერთ რამეში: ადამიანმა უნდა გააკეთოს ყველაფერი, რათა თუნდაც შეეცადოს კლიმატის ცვლილების შეჩერება.

https://www.belnovosti.by/poleznye-sovety/kak-izbavitsya-ot-zapaha-myshey-v-dachnom-dome-podruchnymi-sredstvami-sovety

 როგორ მოვიშოროთ თაგვების სუნი აგარაკზე ხელთ არსებული საშუალებებით: ეფექტური რჩევები

პირველი, რასაც ზაფხულში მოაგარაკეები გამოზამთრების შემდეგ სახლის კარის გაღებისას აწყდებიან, არის თაგვების სუნი, რომელიც ვერაფერში შეეშლებათ.

მხოლოდ განიავება და იატაკის მორეცხვა საკმარისი არ არის, და როცა ხელთ არ არის სამრეწველო ქიმიის საშუალებები, მათ წარმატებით ჩაანაცვლებს ხალხური ანალოგები.

კარგია, თუ გაზაფხულზე აგარაკზე წასვლისას მოუსმენთ თქვენს შინაგან ხმას და ბოთლით თან წაიღებთ ქლორის მათეთრებელს. მაშინ სუნი შეიძლება გაქრეს და ბაქტერიებიც განადგურდეს.

წყალბადის ზეჟანგი

ასევე გამოდგება წყალბადის ზეჟანგიც, რომელიც შეიძლება შემთხვევით აღმოჩნდეს ოჯახის აფთიაქში. მას აქვს ანტიბაქტერიული ეფექტი, გასაწმენდად უნდა დამზადდეს ხსნარი 0,8 ლიტრი 3%-იანი ზეჟანგიდან, 0,1 ლიტრი ჭურჭლის სარეცხი საშუალება და 10 სუფრის კოვზი საჭმლის სოდა.

ხსნარს შეურევენ მინის ჭურჭელში და დალაგებას დამცავი ხელთათმანებით იწყებენ.

კალიუმის პერმანგანატი

ალბათ ეს საშუალება ყველა მოაგარაკეს აქვს. ამისათვის დაამატეთ 10 ჩაის კოვზი საშუალება 1 ლიტრ წყალზე, მოურიეთ და დაამუშავეთ ყველა ზედაპირი. გაიკეთეთ ხელთათმანები.

შენობის რეგულარულმა დამუშავებამ კალიუმის პერმანგანატით შეიძლება მომავალში შეაშინოს თაგვები.

ძმარი

ძმარი ბუნებრივი სადეზინფექციო საშუალებაა. ხსნარი მზადდება 5 ლიტრი თბილი წყლისა და 10 ჩაის კოვზი 9% ძმარმჟავისგან.

სუნის მოსაშორებლად შეგიძლიათ ოთახში დააწყოთ პატარა ტომსიკით მარილი, რომელიც შთანთქავს ტენიანობას და უსიამოვნო სუნს.

კირით უნდა დაამუშაონ ადგილები, სადაც მკვდარი მღრღნელები აღმოაჩინეს.

სუნსა და პათოგენურ გარემოსთან ბრძოლის  კიდევ ერთი ვარიანტია საჭმლის სოდა.