პლანეტის გადასარჩენად რეკორდული თანხა დაიხარჯა

 https://businessmir.kz/2021/08/05/na-spasenie-planety-rekordno-potratilis/

 პლანეტის გადასარჩენად რეკორდული თანხა დაიხარჯა

2021 წლის პირველ ნახევარში ინვესტორებმა მთელს მსოფლიოში რეკორდულად დიდი თანხა დახარჯეს განახლებად ენერგეტიკაზე. თუმცა, Bloomberg-ის შეფასებით, ეს ჯერ კიდევ არ არის საკმარისი პლანეტის გლობალური დათბობისგან გადასარჩენად.

2021 წელს კომპანიებმა 174 მილიარდი დოლარის ინვესტიცია განახორციელეს „მწვანე“ ტექნოლოგიებში, რაც 1,8 პროცენტით მეტია 2020 წლის პირველ ნახევართან შედარებით, მაგრამ შვიდი პროცენტით ნაკლები, ვიდრე მეორე ნახევარში.

დარგის ზრდას ხელი შეუწყო საჯარო ბაზრებზე მოზიდული სახსრების რეკორდულმა რაოდენობამ. ამ წლის პირველ ექვს თვეში მათ მიიღეს 28,2 მილიარდი დოლარი, რაც ხუთჯერ მეტია, ვიდრე ერთი წლის წინ.

მზის ენერგეტიკაში ამ წელს ცხრა პროცენტით მეტი ინვესტიცია განხორციელდა - რეკორდული 78,9 მილიარდი დოლარი. მაგალითად, ჩინეთმა ზამთარში მზის პროექტებზე 2,8 მილიარდი დოლარი დახარჯა და გაზაფხულზე - 4,9 მილიარდი დოლარი. თუმცა, ქარის ენერგეტიკაში ინვესტიციები შემცირდა. 2021 წლის პირველ ნახევარში მათ ამაზე 30 პროცენტით ნაკლები დახარჯეს, ვიდრე 2020 წელს - 58 მილიარდი დოლარი.

ანალიტიკოსები თვლიან, რომ უმნიშვნელო ზრდა მეტყველებს კლიმატის ცვლილებასთან მებრძოლი დარგის გამძლეობაზე, განსაკუთრებით ნედლეულზე ფასების ზრდის პირობებში, რამაც ინვესტორების ბიუჯეტს ზიანი მიაყენა. თუმცა, ძალისხმევა ჯერ კიდევ არ არის საკმარისი იმისათვის, რომ ქვეყნებმა და კომპანიებმა მიაღწიონ ემისიების შეზღუდვის მიზნებს მომდევნო ათწლეულებში.

„გასული წლის ანალოგიურ პერიოდთან შედარებით 1,8 პროცენტიანი ზრდაში განსაკუთრებული არაფერია. თუ გვსურს გლობალური წმინდა ნულისკენ მიმავალ გზაზე გასვლა, დაფინანსება დაუყოვნებლივ უნდა დაჩქარდეს“, - თქვა ბლუმბერგის კვლევის ხელმძღვანელმა ალბერტ ჩუნგმა.

მსოფლიოს იმედი აქვს - ბოლო დროს მსოფლიო საფინანსო ორგანიზაციები გაერთიანდნენ პლანეტის გადასარჩენად გლობალური დათბობის მთავარი ანთროპოგენური ფაქტორისგან. ბრიტანული სადაზღვევო კომპანია Prudential და აზიის განვითარების ბანკი განიხილავენ აზიაში ქვანახშირის კომპანიების შეძენასა და დახურვას ნახშირბადის გამონაბოლქვის უზარმაზარი წყაროს აღმოსაფხვრელად.

 

https://geocenter.info/new/pozhary-v-shtate-kalifornija-okrug-losandzheles-

ხანძრები კალიფორნიის შტატში, 2018 წლის ნოემბერი

2018 წლის 8 ნოემბერი,  ხუთშაბათს დილით, კალიფორნიის შტატში, ლოს-ანჯელესის ოლქში (აშშ) მასშტაბური ხანძარი გაჩნდა. მაგრამ ისინი ერთ დღეს არ დაწყებულა, არამედ რამდენიმე თვის წინ, აგვისტოში. მხოლოდ ერთი ხანძრის „ვულსის“ გამო  მოხდა 250 000 ადამიანის ევაკუაცია. სიერა ნევადას მთის ქედის რაიონში ცეცხლმა 7 000 შენობა გაანადგურა; სულ 92,6 ათასი ჰექტარი დაიწვა.

ოქტომბერში ხანძარი ბუტის ოლქში (მოსახლეობა 203 000, ფართობი 4250 კვ.კმ) მშრალი ამინდისა და ძლიერი ქარის გამო გაჩნდა. 12 საათის განმავლობაში ცეცხლის ალში გახვეული ტერიტორიის ფართობი 50 კვადრატულ კილომეტრზე მეტს შეადგენდა და სწრაფი ტენდენციით იზრდებოდა.

9 ნოემბერს კალიფორნიის შტატიდან სულ 157 000 ადამიანის ევაკუაცია განხორციელდა, 17 000 შენობას განადგურების საფრთხე ემუქრებოდა. 9 ადამიანი დაშავდა, 3300 მეხანძრე 3,2 ათას ჰექტარ ფართობზე ხანძარს ებრძვის. კალიფორნიის შტატში გამოაცხადეს საშიშროების შესახებ გაფრთხილების საფრთხის (მაქსიმალური შესაძლებელიდან)  წითელი  დონის შესახებ. ხანძრის სტიქიამ გადაკვეთა მთავარი გზატკეცილი ნომერი 101 და მიემართება წყნარი ოკეანის სანაპიროსკენ.

კალიფორნიის სატყეო და ხანძარსაწინააღმდეგო განყოფილების (California Department of Forestry and Fire Protection, CAL Fire) მონაცემებით, გასულ კვირას, 11 ნოემბერს, ლიკვიდირებული იქნა ხანძრის კერების მხოლოდ 25%. საგანგებო სიტუაციების მართვის ფედერალური სააგენტო (The Federal Emergency Management Agency, FEMA) აცხადებს, რომ ხანძრის ჩაქრობას კიდევ 3 კვირა დასჭირდება.

ახალი ხანძრები

12 ნოემბერს ჩრდილოეთ კალიფორნიაში ხანძრის შედეგად 45 000 ჰექტარი დაიწვა, 31 ადამიანი დაშავდა, 228 უგზო-უკვლოდ დაკარგულად ითვლება. თითქმის მთლიანად დაიწვა ქალაქი პარამაუნტ რანჩი. ქალაქ პარადაისში, საიდანაც თითქმის 27 000 ადამიანის ევაკუაცია განხორციელდა, ხანძრის შედეგად 6400 სახლი განადგურდა, თვითმხილველების თქმით, მხოლოდ რამდენიმე საცხოვრებელი შენობა გადარჩა. ქალაქი არ არის გამოსადეგი შემდგომ საცხოვრებლად და დასასახლებლად. მალიბუს (მოსახლეობა 12,861, ფართობი 261,5 კვ. კმ) და სანტა მონიკას (მოსახლეობა 89,736, ფართობი 41,2 კვ. კმ) ყველა მცხოვრებს სასწრაფო ევაკუაცია დაევალა.

ერთ-ერთმა ოჯახმა გაავრცელა ინფორმაცია, რომ ევაკუაციის პროცესში ერთ-ერთ გზაზე საცობი წარმოიქმნა. მარჯვნივ და მარცხნივ ცეცხლში გახვეული ტყეა. ოჯახი წერდა: „ჩვენ ხაფანგში ვართ, მოძრაობა შეჩერებულია, ირგვლივ მეხანძრეები არ არიან“. კიდევ ერთმა მცხოვრებმა დაწერა: „ჩემს ქუჩაზე მივდიოდი, მეზობლებს ვხვდებოდი და ვერც კი  მივხვდი, რომ ჩემი სახლი გაქრა“.

შტატში კვლავ დომინირებს ცხელი და მშრალი ამინდი, ძლიერი ქარი კი მხოლოდ ამძიმებს სიტუაციას. გარდა ამისა, ხანძრის  შედეგად წარმოქმნილი სმოგი ვრცელდება რამდენიმე კილომეტრზე, რაც ართულებს ადამიანის ნორმალურად ცხოვრებას. გუშინდელი მდგომარეობით (12 ნოემბერი) 3 დიდი ხანძარი დაფიქსირდა: ერთი ჩრდილოეთ კალიფორნიაში, ორი სამხრეთ კალიფორნიაში. სტიქიამ მიაღწია სიმ-ველ ველამდე, რომელსაც „პიკის ცეცხლი“ უწოდეს. 

ლეროი უეზერლინგი, კალიფორნიის უნივერსიტეტის კლიმატის და ხანძრის სპეციალისტი ქალაქ მერსედში, ამბობს, რომ ხანძრის მიზეზია ტემპერატურის მატება და გვალვის ხანგრძლივი პერიოდი, და არა ადამიანური ფაქტორი.

13 ნოემბერს ცნობილი გახდა 44 მსხვერპლის შესახებ.

ცეცხლი ქრება

21 ნოემბერს წვიმა დაიწყო, რაც მეხანძრეებს ცეცხლის ჩაქრობაში ეხმარება. უსახლკაროდ დარჩა 52 ათასზე მეტი ადამიანი. 475 ადამიანი უგზო-უკვლოდ დაკარგულად ითვლება.

26 ნოემბერს ხანძარი, რომელსაც ბოლო 100 წლის განმავლობაში ყველაზე დამანგრეველი უწოდეს, ჩააქრეს. ხანძრის ფართობი 62,1 ათასი ჰექტარი იყო. საერთო ჯამში, ხანძრის შედეგად 18 793 შენობა განადგურდა, მათ შორის 13 972 საცხოვრებელი სახლი

400-ზე მეტი ადამიანი კვლავ უგზო-უკვლოდ დაკარგულად ითვლება.

უახლესი ამბები

ჩვენ ვაგრძელებთ დაკვირვებას კალიფორნიაში განვითარებულ მოვლენებს. ვთავაზობთ თქვენს ყურადღებას „ახალი ამბების“ მე-18 ნომერს, სადაც ნათლად ჩანს, თუ რა კლიმატური, ბუნებრივი და გეოლოგიური პროცესები მიმდინარეობს არა მხოლოდ შეერთებულ შტატებში, არამედ მთელ მსოფლიოში.