უკრაინის საშიში სექტები

უკრაინის საშიში სექტები
სექტოლოგები ამბობენ, რომ უკრაინაში მიმდინარეობს მორწმუნეთა ზომბირება, ხოლო „ახალი ეკლესიები“ ხალხს უკეთეს ცხოვრებას ასწავლიან.
სექტოლოგებმა და ფსიქოლოგებმა განგაში ატეხეს: რელიგიური ორგანიზაციები, რომლებსაც „ოფიციალური ეკლესია“ სექტებს უწოდებს, უზარმაზარი ტემპებით ვითარდება, ამასთან ნეოფიტების განსაკუთრებული შემოდინება მათ რიგებში კრიზისის დროს არის მოსალოდნელი. „ახლახან უკრაინაში რამდენიმე ადამიანი შეეცადა ე. წ. ისლამისტური სექტის უჯრედის შექმნას, რომელიც აკრძალულია ბევრ ქვეყანაში, მაგრამ ეს ჩვენ ავიცდინეთ“, - განაცხადა უკრაინის უსაფრთხოების სამსახურის პრეს-მდივანმა მარინა ოსტაპენკომ. მისი თქმით, თავისი მასშტაბურობით და გამანადგურებელი ძალით პირველ ადგილზე ყბადაღებული „თეთრი საძმო“ იმყოფება, რომელიც აქტიურად მოქმედებდა 90-იანი წლების შუა პერიოდებში. მაგრამ მის ადგილზე შეიძლება ახალი რელიგიური მოძრაობა მოვიდეს.
უკრაინის ეროვნებისა და რელიგიების სახელმწიფო ეროვნულმა კომიტეტმა „სეგოდნიამ“ განაცხადა, რომ ისინი აკვირდებიან, ზოგიერთი უკრაინელის თვალსაზრისით, ისეთი სადავო ორგანიზაციების საქმიანობას, როგორიცაა იეღოვას მოწმეები და “ღვთის საელჩო”,  მაგრამ სექტებად მათ არ მიიჩნევენ. „იეღოვას მოწმეები“ არის ასობით ქვეყანაში რეგისტრირებული საერთაშორისო რელიგიური ორგანიზაცია, მაგრამ წარსულში აკრძალული გერმანიასა და ყოფილ სსრკ-ში“, - თქვა რელიგიის საკითხთა სახელმწიფო კომიტეტის ერთ-ერთი განყოფილების ხელმძღვანელმა ვლადიმერ ლიუბჩიკმა. „ახლა ეს ორგანიზაცია აკრძალულია ჩრდილოეთ კორეაში, ერაყში, ირანში, საუდის არაბეთში, თურქმენეთსა და ტაჯიკეთში“, - გვითხრა „იეღოვას მოწმეების“ უკრაინის ცენტრის პრეს-მდივანმა რუსლან მელნიკმა. „უკრაინაში მათი საქმიანობა ნებადართულია, მაგრამ მუშაობის ფორმა „ერთი სახლიდან მეორეში“ და სისხლის გადასხმის აკრძალვა ჩვენში შეშფოთებას იწვევს. რაც შეეხება „ღვთის საელჩოს“,  შინაგან საქმეთა სამინისტროს ოფიციალური მოთხოვნით, ჩვენ ვამზადებთ რელიგიათმცოდნეობით ექსპერტიზას“, - ამბობს ბატონი ლიუბჩიკი.
„იეღოვას მოწმეები“ თავის თავს ქრისტიანულ კონფესიას უწოდებენ. „ჩვენ ვცდილობთ დავეხმაროთ ადამიანებს ცხოვრების გაუმჯობესებაში. ჩვენ ვუკავშირდებით პატიმრებს, რომლებთან ერთად განვიხილავთ ბიბლიას. მაგალითად, 12 ადამიანს, რომლებიც სამუდამო პატიმრობის სასჯელს იხდიან ვინიცის რეგიონში, შეიძლება ეწოდოს „მოწმეები“. უკრაინაში დაახლოებით 250 ათასი „მოწმეა“, ხოლო 1991 წელს ჩვენ 10-ჯერ ნაკლები ვიყავით“,  - ამბობს რუსლან მელნიკი. „ღვთის საელჩო", სანდეა ადელაჯის თანაშემწის მარინა პირსკაიას თქმით, ქრისტიანული ეკლესიაა. მას აკრიტიკებენ ალბათ მხოლოდ არაევანგელისტური მოძღვრების მატერიალური კეთილდღეობის გამო.  მორწმუნეები ამაში ცუდს ვერაფერს ხედავენ, ხოლო ორგანიზაცია უარყოფს კავშირს „კინგზ კეპიტალის“ ფინანსურ პირამიდასთან. „ჩვენმა ორგანიზაციამ მნიშვნელოვანი წვლილი შეიტანა უკრაინის ეკონომიკაში. ყოველწლიურად ათასობით სტუმარი მოდის ჩვენს კონფერენციებზე. ისინი ასობით ათას დოლარს ტოვებენ სუვენირების შეძენით, სასტუმროებში ცხოვრებით და ა.შ.“, - ამბობს პირსკაია. შინაგან საქმეთა სამინისტროს საზოგადოებასთან ურთიერთობის დეპარტამენტში ჩვენ გვაცნობეს, რომ 1990-იანი წლების გახმაურებული სექტების შემდეგ, საშიში რელიგიური მოძრაობები, რომლებიც საფრთხეს უქმნიან ადამიანებს, უკრაინაში  არ ყოფილა.

მქადაგებელ ქალებს გადაეკიდა
რელიგიურ „გადამბირებლებს“ კურიოზული შემთხვევებიც ემართებად. როგორც „სეგოდნიას“ კიეველმა ანდრეი ნიკოლაევიჩმა განუცხადა, რომელიც დედაქალაქის ტროეშჩინაზე ცხოვრობს, როდესაც მასთან ორი მოძღვარი ქალი მოვიდა, მან ისეთი თბილი მიღება მოუწყო, რომ ისინი მომენტალურად უკან გაბრუნდნენ. „ღამის ცვლაში ვმუშაობდი, ეს-ეს იყო ჩამეძინა, რომ კარებზე ზარმა დარეკა. ვიფიქრე, ახლა ერთ-ორ ტკბილ სიტყვას ვეტყვი, ვინც არ უნდა იყოს. გამოვედი ტრუსებში, მძინარე, გაღეღილი მკერდით. კართან ორი ქალი იდგა რამდენიმე წიგნით ხელში და ქადაგების ნებართვა ითხოვეს. მე ვუპასუხე: „შენ, რომელიც ახალგაზრდა ხარ, შეგიძლია შემოხვიდე. შენ კი, მეორეს, შეგიძლია სასეირნოდ წახვიდე, ორი საათის შემდეგ კი შეგიძლია დაბრუნდე“. თითქოს ქარიშხალმა გადაურაო, ისე სწრაფად გაქრა ორივე. ახლა  ყოველთვის ვურჩევ მეზობლებს გამოიყენონ ჩემი მეთოდი, თუ არასასურველი სტუმრები მოვლენ“, - ღიმილით თქვა ანდრეი ნიკოლაევიჩმა. თავად მქადაგებლები ამბობენ, რომ ზოგჯერ მათ უყვირიან, აგინებენ და მუშტებსაც კი უღერენ, ასე რომ, კიეველთან შეხვედრა ერთ-ერთი ყველაზე უწყინარი შემთხვევაა მათთვის.

    „მე ქალიშვილი დავკარგე. დარწმუნებული ვარ, რომ ის ზომბირებულია“
ის დედები, რომელთა შვილები საკულტო ორგანიზაციებში არიან, სასოწარკვეთილები ყვებიან, რომ ასეთ სიტუაციას მტერსაც არ უსურვებდნენ. შვილი თითქოს ჰყავთ, მაგრამ ამავე დროს არ ჰყავთ. „ჩემი ლენა ზრდასრული ადამიანია. ის 26 წლისაა. მას შემდეგ, რაც „იეჰოვას მოწმეებს“ დაუახლოვდა, ის სახლიდან წავიდა და განაცხადა, რომ აღარ იცხოვრებდა ჩემთან ერთად, რადგან წმინდანია. როგორც აღმოჩნდა, მისი წასვლა ჩემი უბედურების დასაწყისი იყო. შემდეგ მან განმიცხადა, რომ ჩვენი ბინა უნდა გაგვეყიდა, ფული გაგვეყო, ხოლო თავისი თანხის ნაწილის მიცემას, როგორც გავიგე, უხუცესებისთვის აპირებდა. მითხრა, რომ ბინის გაყიდვის შემდეგ მისი ძმები და დები ამ ფულს საჭირო თანხას დაამატებდნენ, და ის ცალკე ბინას იყიდიდა თავისთვის. მე ნაკლებად მჯერა ამის, ამიტომ არაფერზე არ დავთანხმდი. მე მილიციასაც მივმართე, პროკურატურასაც, მაგრამ იქ მითხრეს, რომ ორგანიზაციის ქმედებებში არანაირი დანაშაული არ დაფიქსირებულა. წასვლისას, ქალიშვილმა წერილი მომწერა, სადაც წერდა: „დედა, ოდნავ თუ მაინც გიყვარვარ და კარგი გსურს ჩემთვის, თავი დამანებე ...“. დარწმუნებული ვარ, რომ ის ზომბირებულია, მე კი ქალიშვილი დავკარგე“, - თქვა თვალცრემლიანმა ევა გრუშევსკაიამ კიევიდან.
ლენას ერთ-ერთმა დამრიგებელმა, უხუცესმა ვიაჩესლავ ჟიცკიმ, ამ ბრალდებებს უსაფუძვლო უწოდა: „ჩვენ არ ვთხოვეთ ბინის გაყიდვა. სამაგიეროდ, მას შემდეგ, რაც ლენა სახლიდან წავიდა, უკეთესად და მშვიდად დაიწყო ცხოვრება“.

       ბრძოლა: „ჩვენ ქალიშვილი აივანზე გამოვკეტეთ“
ბოლო დროს უკრაინაში სატანისტები გააქტიურდნენ, - გვითხრა არალეგალური იმიგრაციის უკრაინული მოძრაობის ხელმძღვანელმა იაროსლავ დუნაევმა. სხვადასხვა ქალაქებში მოხდა სასტიკი მკვლელობები და სასაფლაოების დარბევა. „დნეპროპეტროვსკში, 17 წლის გოგონა ნათესავებმა ახლახანს ძალით გამოიყვანეს სექტიდან. სექტა შედგებოდა 6-7 ადამიანისგან, რომლებიც ოკულტიზმით იყვნენ გატაცებულნი და აპირებდნენ ახალი გოგოს ჯადოქრად კურთხევას. ადგილობრივ სასაფლაოზე მათ სურდათ თიკანის დაკვლა, მისი სისხლი კი სექტანტს უნდა დაელია. მაგრამ ახალგაზრდა გოგონას ახლობლებმა დროულად შეიტყვეს ამის შესახებ, და გოგონა აივანზე გამოკეტეს. ის იქ ყვიროდა, აკაკუნებდა, მერე კი, როგორც ამბობენ, დაშოშმინდა და გონს მოეგო. გაირკვა, რომ სექტაში შედის ახალგაზრდების ჯგუფი, რომლებიც შავად შეღებილ ნაქირავებ ბინაში იკრიბებიან. ლიდერმა სექტა შექმნა თავისი სექსუალური მოთხოვნილებების დასაკმაყოფილებლად იმ სექტანტ გოგონებთან, რომლებსაც ზომბირებდა“,- გვითხრა დესტრუქციული  სექტების მსხვერპლთა დახმარების ერთ-ერთი ცენტრის ხელმძღვანელმა იან შჩეკატუროვმა.
 ჭორები სატანისტების ხრიკების შესახებ მუდმივად ჩნდება, განსაკუთრებით პატარა  ქალაქებში. „ამ ზამთარში ამვროსიევკაში, კალინინის ქუჩაზე (დონეცკის ოლქი) ბავშვის დანაწევრებული ცხედარი ნახეს. ქალაქში გავრცელდა ჭორი, რომ ეს სატანისტების ნახელავია“, - გვითხრა ადგილობრივმა მკვიდრმა ვასილი სემიონოვმა. „დიახ, ასეთი შემთხვევა გვქონდა, მაგრამ სატანისტებს, როგორც გავარკვიეთ, ამ საქმესთან საერთო არაფერი აქვთ“, - გვითხრეს პოლიციის საქალაქო განყოფილებაში. სამართალდამცავების თქმით, ეს მკვლელობა საყოფაცხოვრებო ნიადაგზე მოხდა, რომ ბავშვი დედამ მოკლა, თუმცა, ექსპერტების აზრით, პოლიციისთვის უფრო ადვილია, ყველაფერი საყოფაცხოვრებო საკითხს მიაწერონ.
 გახმაურებული მკვლელობები დედაქალაქშიც ხდებოდა. „ერთ-ერთმა ოჯახმა შევჩენკოვსკის ოლქში თავისი შვილები შიმშილით დახოცა. შეინიშნებოდა იმის ნიშნები, რომ დამნაშავეებმა ეს ტრაგედია რელიგიური მოტივების გამო ჩაიდინეს“, - გვაცნობა წყარომ კიევის პოლიციაში. დედაქალაქის შევჩენკოვსკის რაიონული სამმართველოს პრეს-ოფიცერმა მარინა მაკარენკომ დაადასტურა ბავშვების დაღუპვის ფაქტი, მაგრამ იმის გარკვევა, თუ როგორ დასრულდა გამოძიება, გართულდა. ასევე, ორიოდე წლის წინ დარნიცკის სასაფლაოზე რამდენიმე დღის განმავლობაში პოულობდნენ ჩამოხრჩობილ ახალგაზრდებს. არ გამორიცხავდნენ, რომ ისინი სატანისტების მსხვერპლი ყოფილიყვნენ. მაშინ კიევის პოლიციამ განაცხადა, რომ ახალგაზრდები უიღბლო სიყვარულის გამო იკლავდნენ თავს. ადგილებს ირჩევდნენ მას შემდეგ, რაც შეიტყობდნენ წინა შემთხვევების შესახებ, ხოლო სატანისტები, მათი თქმით, აქ არაფერ შუაში არიან.
„არ გამოვრიცხავ იმასაც, რომ, მაგალითად, ბევრ დაკარგულ უსახლკაროს არასოდეს იპოვიან ცოცხალს - ისინი, ალბათ, მსხვერპლად შეწირეს სატანისტებმა, - ამბობს კიევის სასულიერო სემინარიის პედაგოგი ვიქტორ ჩერნიშევი. - სხვათა შორის, მოსკოვში შესანიშნავი რამ გამოიგონეს. იქ სექტების მოწინააღმდეგები სპეციალურად დადიან ქალაქში ბეჭდებით, ხოლო მეტროში საეჭვო ბროშურებზე უსვამენ ბეჭედს წარწერით „ფრთხილად, სექტაა!“

     ჰოროსკოპის გარეშე, მაგრამ ღვინის ბოკალით ხელში
ჩვენმა წყარომ „იეღოვას მოწმეებში“ აღიარა, რომ მათ ნამდვილად უხდებათ ხალხის გადაბირება, მაგრამ, რა თქმა უნდა, მათი აზრით, ეს ქადაგებაა. „არ ვიცი სხვა ქალაქებში როგორ ხდება, მაგრამ ჩვენთან მაკეევკაში (დონეცკის ოლქი) მიკრორაიონი დაყოფილია პირობით კვადრატებად, რომ ძმებმა და დებმა იცოდნენ, თუ სად მოუწევთ მუშაობა. დავდივართ ქუჩებში და ხალხს ვთავაზობთ ბიბლიის შესწავლას ჩვენი დახმარებით. გეგმის შესრულებად ახალბედების მიხედვით არ გვთხოვენ. მაგრამ ჩვენს პროვინციულ ქალაქში, 90-იანი წლებიდან დაწყებული, „იეღოვას მოწმე“ დაახლოებით ორი ათასი ადამიანი გახდა. მე ვიცი, რომ მსოფლიოში ჩემნაირი 7 მილიონამდე ადამიანია. ქადაგება შეუძლიათ იმ ძმებს და დებს, რომლებმაც სწავლების კურსი გაიარეს. მაგრამ არასათანადო ქცევისთვის, კერძოდ, ქორწინებამდე სექსუალური ურთიერთობისათვის - ამას ჩვენ სიძვას ვუწოდებთ - ადამიანს ჩამოერთმევა ეს უფლება. თუ მისი სიძვის შესახებ ინფორმაცია უხუცესებს აღწევს, მაშინ კრებაზე ცხადდება, რომ მას გამორიცხავენ მქადაგებლების რიცხვიდან. მაგრამ ასეთ ადამიანს შეუძლია დაესწროს ჩვენს შეკრებებს  და შეწიროს ფული. ყველა და-ძმამ უნდა შეწიროს. მე თვეში დაახლოებით 30 გრივნას ვჩუქნი. ხელფასიდან ვიხდი. ასევე ჩვენთვის არ შეიძლება  ჰოროსკოპების კითხვა (ეს ყველაფერი მაგიაა), სისხლის გადასხმა, თუნდაც დაავადება მძიმე იყოს, რადგან ეს ბიბლიით არის აკრძალული მოციქულთა წიგნში (თავ. 15, ლექსი 20: „ეკრძალონ კერპთაგან შებილწულსა და სიძვას, დამხრჩვალსა და სისხლს, და რომ  არ გაუკეთონ სხვებს ის, რაც არ უნდათ, რომ მათ გაუკეთონ“). ასევე არ შეიძლება მოწევა და ალკოჰოლის ბოროტად გამოყენება. მე შემიძლია ერთი სირჩა ღვინის დალევა. ჩემი რელიგიაც კი მეხმარება. მუშაობა დავიწყე დაცვის თანამშრომლად მცირე სავაჭრო ქსელში. სიამოვნებით ამიყვანეს, და იცით რატომ? კოლექტივისგან შევიტყვე, რომ უფროსს იმის იმედი აქვს, რომ, როგორც რელიგიური ორგანიზაციის წევრი, მაღაზიაში არაფერს მოვიპარავ“, - გვითხრა მრევლის ერთ-ერთმა წევრმა კირილმა.

ექსპერტი: „სექტა - ეს არის აგრესია და ფულის წყურვილი“
უკრაინის მართლმადიდებლურ წრეებში ცნობილი სექტოლოგი, კიევის სასულიერო სემინარიის დოცენტი ვიქტორ ჩერნიშევი სექტებს საზოგადოების სიმსივნეს უწოდებს. „სექტები, ფაქტობრივად, პასტორების თვითრეალიზაციის ფორმაა, სხვადასხვა ფსიქოლოგიური მეთოდიკის დამუშავების პოლიგონი და, რა თქმა უნდა, ფინანსური მოგება, რადგან მრევლი აგირავებს ბანკებში ბინებს, ხოლო ფულს მოძღვარს აძლევს! სექტაში ფობიების დანერგვას იყენებენ, აკონტროლებენ მრევლის ცნობიერებას და ზომბირებენ ადამიანებს. ადამიანს იტყუებენ, სარგებლობენ მის დეპრესიული მდგომარეობით, მაგალითად, ახლობელი ადამიანის გარდაცვალების, ავადმყოფობის, სამსახურის დაკარგვის ან უიღბლო  სიყვარულის გამო.
ასეთი გარემოდან მრევლის გამოყვანა ძნელია, და თუ გამოჰყავთ, ისინი ნარკომანებს ჰგვანან. ხშირად გუშინდელი სექტანტები მიჩვეული გარემოს გარეშე სიცოცხლეს თვითმკვლელობით ასრულებენ ან ჭკუიდან იშლებიან. ჩემთვის გაუგებარია, რატომ არეგისტრირებენ უკრაინაში ორგანიზაციებს, რომლებსაც აქვთ გაურკვეველი სარწმუნოება. მათ შემდეგი ტექნოლოგიები აქვთ: ადამიანის შესაჩერებლად „დამრიგებლები“ არწმუნებენ მათ, რომ მართლა სჭირდებათ ისინი. მაგალითად, შეუძლიათ გამოხატონ აღფრთოვანება იმით, რომ ადამიანს აქვს მარკების კოლექცია, კარგად უკრავს  გიტარაზე, და ამავე დროს გამოთქვენ წუხილს, რომ სახლში ცოლი „გულს უწვრილებს“, ხოლო ბავშვმა სკოლაში ორიანი მიიღო. სექტები საზოგადოებას კი არ ამდიდრებენ, არამედ მხოლოდ ფულის მოთხოვნა და ადამიანისთვის უკანასკნელის წართმევა,  მისი ოჯახის დანგრევა შეუძლიათ. სხვათა შორის, ამ უკანასკნელის შესახებ. ბევრი არ მალავს, რომ ანგრევენ სხვის ოჯახებს, უფრო მეტიც, ცინიკურად ამშვიდებენ და ამხნევებენ, ეუბნებიან, რომ ჩვენთან ახალ ცოლს შეირთავ, უფრო წესიერს“,  - ამბობს ვიქტორ მიხაილოვიჩი.
სექტანტობის მთავარი ნიშანია: აგრესია და შეუწყნარებლობა მორწმუნის მხრიდან, ასევე სახლიდან მთელი ფულის და ძვირფასეულობის გატანის სურვილი. ამისგან განსხვავებით, ვთქვათ, ქრისტიანული მოძღვრება ამბობს, რომ ქორწინების კავშირი არის წმინდა და თუ, მაგალითად, მარხვის დროს მამაკაცთან კავშირი აკრძალულია, ხოლო ურწმუნო ქმარი დაჟინებით მოითხოვს, ცოლმა უნდა დაუთმოს. ასევეა მატერიალურ საკითხშიც: არ შეგიძლიათ ტაძრისთვის ფულის შეწირვა - არ არის საჭირო, არავინ გაგაგდებს  ეკლესიიდან ამის გამო.

როგორ გადავარჩინოთ: ნათესავებისთვის მთავარია ახლობელი ადამიანისთვის სიყვარულის დამტკიცება
სექტოლოგები და ფსიქოლოგები მოგვითხრობდნენ იმის შესახებ, თუ როგორ უნდა ამოვიცნოთ საკულტო ორგანიზაციაში ქსელში გაბმული ადამიანი.  სექტოლოგის ვიქტორ ჩერნიშევის თქმით, რაც უფრო მალე ოჯახი შეამჩნევს, რომ ნათესავი სექტაშია, მით უფრო დიდია მისი გადარჩენის შანსი. აქ მნიშვნელოვანია გაირკვეს, თუ რომელ ორგანიზაციაში არის ადამიანი, რათა იცოდნენ, ვის უნდა ებრძოლონ და საჭიროა თუ არა ეს.
„შესვლის ნიშნებია - საეჭვო ლიტერატურა ოკულტური სიმბოლოების გამოსახულებით, ბიბლიის ციტირება ყოველდღიური კითხვების პასუხად, ქცევის მკვეთრი ცვლილება (მაგალითად, ადამიანი ხდება ჩაკეტილი და აღარ მონაწილეობს ოჯახურ ცხოვრებაში. მას ასევე შეუძლია გახდეს აგრესიული და „გული გაუწვრილოს“ ნათესავებს, შეეცადოს მათ მიყვანას სექტაში), იცვლება ჩაცმის მანერა - ან საგულდაგულოდ უვლის  თავს, რაც მანამდე არ ყოფილა, ან გულგრილი გახდა თავისი ჩაცმულობის მიმართ“, - განმარტავს დოცენტი ჩერნიშევი.
ფსიქოლოგის ვერა ტიმჩენკოს თქმით, რომელიც მუშაობს ამგვარი ორგანიზაციების მსხვერპლთან, სექტებში ხშირად მიდიან ოჯახში დარღვეული ურთიერთობების გამო. „ამიტომ დასაწყისისთვის ძალიან მნიშვნელოვანია იმაში გარკვევა, თუ სად არის პირველწყარო. არ შეიძლება კონფლიქტზე წასვლა. აუცილებელია საყვარელ ადამიანს მიეცეს იმის გაცნობიერების საშუალება, რომ ის სახლში სჭირდებათ, რომ მასზე ნერვიულობენ, დაუმტკიცონ ეს სიტყვით და საქმით. შემდეგ უნდა შეკრიბონ ცნობები იმ ორგანიზაციის შესახებ, რომელშიც ის არის გაერთიანებული, და მოძებნოს ადამიანები, რომლებიც იქიდან გამოვიდნენ (შეიძლება ეშმაკობის გამოყენება და სექტის რომელიმე წევრს გამოჰკითხონ, იქნებ ვინმემ თქვას მათ შესახებ, ვინც „მათთან ყოფნა ვერ შეძლო“), გაიგონ, როგორ მოახერხეს მათ ეს. მნიშვნელოვანია სახლში ისეთი გარემოს შექმნა, რომელშიც ახლობელი ადამიანი უკეთესად იგრძნობს თავს, ვიდრე სექტაში. მაშინ არსებობს  შანსი, რომ ის საჭიროდ არ ჩათვლის მისთვის  სექტას“, - ამბობს ტიმჩენკო.
ექსპერტების აზრით, სექტები სარგებლობენ იმით, რომ ქმნიან საჭიროების და სიყვარულის განცდას. „მოვიყვან ასეთ მაგალითს. ახალგაზრდა გოგო სახლიდან წავიდა იმიტომ, რომ ქმარი მასზე ზეწოლას ახდენდა, მე უნდა მიმადლოდე, რომ ცოლად შეგირთეო. ამავე დროს გოგონას მშობლები არწმუნებდნენ მას, რომ მათი მადლობელი უნდა იყოს, რადგან სიცოცხლე მისცეს. შედეგად, იგი წავიდა სექტაში, სადაც მას ეუბნებოდნენ, რომ აფასებენ და უყვართ ის. ახლა ის უკვე თავისუფლდება ამ დამოკიდებულებისგან, რადგან იღებს ფსიქოლოგიურ დახმარებას. ნათესავები მიხვდნენ თავის შეცდომას, შეიცვალეს ქცევა და უფრო ყურადღებიანები გახდნენ“.