მაგნიტური ქარიშხალი: ბუნება და გავლენა ადამიანზე. ცნობა

 https://ria.ru/20091030/191289322.html

           მაგნიტური ქარიშხალი: ბუნება და გავლენა ადამიანზე. ცნობა 

გეომაგნიტური ქარიშხალი დედამიწის მაგნიტური ველის აღშფოთებას წარმოადგენს, რომელიც გრძელდება რამდენიმე საათიდან რამდენიმე დღის განმავლობაში, და გამოწვეულია აღშფოთებული მაღალსიჩქარიანი მზის ქარის ნაკადებით და მასთან დაკავშირებული დედამიწის სიახლოვეს არსებული დარტყმითი ტალღებით. გეომაგნიტური ქარიშხლები ძირითადად დედამიწის შუა და დაბალ განედებზე ხდება.

მზეზე ანთებების შედეგად, კოსმოსურ სივრცეში გამოიყოფა დიდი რაოდენობით ნივთიერება (ძირითადად, პროტონები და ელექტრონები), რომელთა ნაწილი 400-1000 კმ/წმ სიჩქარით მოძრაობს, და ერთ ან ორ დღეში აღწევს დედამიწის ატმოსფეროს. დედამიწის მაგნიტური ველი კოსმოსური სივრციდან იჭერს დამუხტულ ნაწილაკებს. ნაწილაკების ძალიან დიდი ნაკადი იწვევს პლანეტის მაგნიტური ველის აღშფოთებას, რის გამოც მაგნიტური ველის მახასიათებლები სწრაფად და მკვეთრად იცვლება.

ამრიგად, გეომაგნიტური ქარიშხალი დედამიწის მაგნიტური ველის სწრაფი და ძლიერი ცვლილებაა, რომელიც ხდება მზის აქტივობის გაზრდის პერიოდში.

მზის აქტივობის პიკი წინა მზის ციკლის დროს 2001-2002 წლებში დაფიქსირდა, როდესაც მზის ქარები ჩვენი მნათობის ზედაპირიდან თითქმის მუდმივად მოედინებოდა, ხოლო მზის ლაქებმა მაქსიმუმს მიაღწია. ექსპერტებმა მაშინვე აღნიშნეს აქტივობის სუკიდურესად არახელსაყრელი შედეგები ჩვენი პლანეტისთვის - ელექტრონული აღჭურვილობა მწყობრიდან გამოდიოდა, თანამგზავრები ორბიტაზე შეცდომებით მუშაობდნენ.

დაკვირვებითი ასტრონომიის ისტორიაში ყველაზე ძლიერი აფეთქება მოხდა 2003 წლის 4 ნოემბერს. როგორც გამოთვლებმა აჩვენა, მისი ენერგია 200 მილიონი წლის განმავლობაში შეიძლება საკმარისი ყოფილიყო ისეთი ქალაქის ელექტროენერგიით მომარაგებისთვის, როგორიც მოსკოვია.

მაგნიტური ქარიშხლების გავლენა ადამიანის სიცოცხლესა და ჯანმრთელობაზე

გეომაგნიტური ქარიშხალი გავლენას ახდენს ადამიანის საქმიანობის ბევრ სფეროზე, საიდანაც შეიძლება გამოვყოთ კავშირის დარღვევა, კოსმოსური ხომალდების სანავიგაციო სისტემები, ტრანსფორმატორებზე და მილსადენებზე ზედაპირული მუხტების გამოჩენა და ენერგეტიკული სისტემების განადგურებაც კი.

მაგნიტური ქარიშხალი ასევე გავლენას ახდენს ადამიანების ჯანმრთელობასა და გუნება-განწყობაზე. ისინი საშიშია, პირველ რიგში, მათთვის, ვისაც აწუხებს არტერიული ჰიპერტენზია და ჰიპოტონია, გულის დაავადება. ინფარქტის, ჰიპერტონული კრიზების და ინსულტების დაახლოებით 70% მზის ქარიშხლის დროს ხდება.

მაგნიტურ ქარიშხალს ხშირად თან ახლავს თავის ტკივილი, შაკიკი, გახშირებული გულისცემა, უძილობა, ცუდი გუნება-განწყობა, სასიცოცხლო ტონუსის დაქვეითება და წნევის ვარდნა. მეცნიერები ამას უკავშირებენ იმ გარემოებას, რომ როდესაც მაგნიტური ველი იცვლება, კაპილარული სისხლის ნაკადის შენელება და ქსოვილების ჟანგბადის შიმშილი იწყება.

1930-იან წლებში ნიცაში (საფრანგეთი) შემთხვევით შენიშნეს, რომ ხანდაზმულებში მიოკარდიუმის ინფარქტისა და ინსულტის სიხშირე მკვეთრად გაიზარდა იმ დღეებში, როდესაც სერიოზული შეფერხებები დაიწყო ადგილობრივი სატელეფონო სადგურის მუშაობაში, კავშირის სრულ შეწყვეტამდე. შემდგომში აღმოჩნდა, რომ სატელეფონო კავშირის შეფერხებები მაგნიტური ქარიშხლის დროს ხდება. ამის საფუძველზე დაასკვნეს, რომ ინფარქტი და ინსულტი, ისევე როგორც სატელეფონო ქსელის შეფერხებები, მაგნიტურ ქარიშხლებთან არის დაკავშირებული.

თავის დროს მწვავე კამათი გამოიწვია მზის აქტივობის გავლენის საკითხმა ტრანსპორტისა და წარმოებაში ავარიების და დაზიანებების გამომწვევ მიზეზებზე. ამაზე პირველად ჯერ კიდევ 1928 წელს მიუთითა ალექსანდრ ჩიჟევსკიმ, ხოლო 1950-იან წლებში გერმანელმა მეცნიერებმა რაინჰოლდ რეიტერმა და კარლ ვერნერმა, დაახლოებით 100 ათასი ავტოკატასტროფის ანალიზის საფუძველზე დაადგინეს მათი მკვეთრი ზრდა მზის აფეთქების შემდეგ მეორე დღეს. მოგვიანებით, რუსმა სასამართლო ექიმმა ტომსკიდან, ვლადიმირ დესიატოემ, აღმოაჩინა თვითმკვლელობების მკვეთრი ზრდა (4-5-ჯერ მეტი წყნარ მზის დღეებთან შედარებით) ასევე მზის აფეთქებიდან მეორე დღეს. და ეს მხოლოდ მაგნიტური ქარიშხლების დასაწყისს შეესაბამება.

მაგნიტური ქარიშხლების ნეგატიურ ზემოქმედებას ექვემდებარება, სხვადასხვა მონაცემების მიხედვით, დედამიწის მოსახლეობის 50-დან 75%-მდე. ამ შემთხვევაში, სტრესული რეაქციის დაწყების მომენტი შეიძლება გადავიდეს, ქარიშხლის დასაწყისთან შედარებით სხვადასხვა პერიოდზე, სხვადასხვა ქარიშხლისთვის და კონკრეტული ადამიანისთვის. ბევრი ადამიანი იწყებს რეაგირებას არა თავად მაგნიტურ ქარიშხლებზე, არამედ 1-2 დღით ადრე, ე.ი. თავად მზეზე აფეთქების მომენტში.

 ასევე დაფიქსირდა, რომ პლანეტის მოსახლეობის დაახლოებით 50%-ს ადაპტაციის უნარი აქვს, ე.ი. რამდენიმე თანმიმდევრული მაგნიტური ქარიშხლის რეაქციის ნულამდე შემცირებისკენ 6-7 დღის ინტერვალით, და რომ ახალგაზრდები პრაქტიკულად არ გრძნობენ მაგნიტური ქარიშხლის ზემოქმედებას.

ადამიანებზე მაგნიტური ქარიშხლების გავლენის თეორიას ჰყავს მოწინააღმდეგეები, რომლებიც თვლიან, რომ გრავიტაციული აღშფოთება, რომელიც დაკავშირებულია დედამიწის, მთვარის და მზის სისტემის პლანეტების შედარებითი განლაგების ცვლილებასთან, განუზომლად მცირეა იმასთან შედარებით, რასაც  ადამიანები განიცდიან ჩვეულებრივ ცხოვრებაში (რხევა, აჩქარება და დამუხრუჭება საზოგადოებრივ ტრანსპორტში, მკვეთრი დაღმართი და აღმართი და ა.შ.).

https://podrobnosti.ua/2142704-magnitnye-buri-kak-uberech-sebja-ot-negativnyh-posledstvij.html

ბევრმა ადამიანმა პირადი გამოცდილებიდან იცის, რა არის მაგნიტური ქარიშხალი. ცხოვრებაში ხშირად ვხვდებით უცნაურ მდგომარეობებს, როცა, თითქოს, განსაკუთრებით არაფერი გტკივა, მაგრამ ადამიანი თავს „გაწურული ლიმონივით“ გრძნობს.

მაგრამ ჩვენ ამ მდგომარეობებს სხვადასხვაგვარად ვხსნით, არც კი ვფიქრობთ, რომ ისინი დაკავშირებულია მზის გავლენასთან ჩვენს პლანეტაზე, უფრო სწორად, მაგნიტურ ქალიშხლებთან.

რა გავლენას ახდენს მაგნიტური ქარიშხალი ჩვენს ჯანმრთელობაზე და არის თუ არა გზა მათი ზემოქმედებისგან თავის დასაცავად

სიცოცხლის განმავლობაში ადამიანი განიცდის 2000-2500 მაგნიტური ქარიშხლის გავლენას - თითოეული თავისი ხანგრძლივობით (1-4 დღე) და ინტენსივობით გამოირჩევა. მაგნიტურ ქარიშხალს არ აქვს მკაფიო განრიგი – მათ შეუძლიათ „გეწვიონ“ დღისით ან ღამით, ზაფხულის სიცხეში და ზამთარში,  მათი გავლენა მოქმედებს აბსოლუტურად ყველასა და ყველაფერზე.

მეცნიერები ამტკიცებენ, რომ პლანეტის მაცხოვრებლების 50 პროცენტზე მეტი განიცდის მაგნიტური ქარიშხლების გავლენას.

როგორ მოქმედებს მაგნიტური ქარიშხალი ადამიანებზე

მზის აქტივობის შესაბამისად ხდება ლეიკოციტების რაოდენობის ცვლილება: მზის მაღალი აქტივობისას მათი კონცენტრაცია მცირდება და მზის დაბალი აქტივობისას იზრდება.

მაგნიტური ქარიშხალის ზემოქმედებას მთელი ორგანიზმი განიცდის. რაც უფრო მეტი ქრონიკული დაავადებაა, მით უფრო ძლიერია ქარიშხლის მოქმედება.

იზრდება თრომბის წარმოქმნის რისკი.

იცვლება სისხლში ერითროციტების დალექვის სიჩქარე, სისხლის შედედება ნელდება.

ირღვევა ჟანგბადის „მიწოდება“ ქსოვილებსა და ორგანოებში, სისხლი სქელდება.

ჩნდება შაკიკი, თავის ტკივილი, სახსრების ტკივილი, თავბრუსხვევა.

გულისცემა ხშირდება და ზოგადი სასიცოცხლო ტონუსი იკლებს.

აღინიშნება უძილობა, წნევის მატება.

მიმდინარეობს ქრონიკული დაავადებების პროგრესირება, რომელიც განსაკუთრებით ნერვულ სისტემას ეხება.

იზრდება მიოკარდიუმის ინფარქტისა და ინსულტის რიცხვი.

იზრდება ფიბრინოგენის კონცენტრაცია და სტრესის ჰორმონების გამოყოფა.

როგორ დავიცვათ თავი მაგნიტური ქარიშხლებისგან

 მაგრამ, რა თქმა უნდა, შეუძლებელია მაგნიტური ქარიშხლებისგან დამალვა, მაგრამ ქარიშხლის ყველაზე ძლიერი გავლენა იგრძნობა:

სიმაღლეზე - თვითმფრინავში (საჰაერო საბანი  - დედამიწა - არ იცავს სიმაღლეზე).

ჩვენი ქვეყნის ჩრდილოეთ რაიონებში და ჩრდილოეთის ქვეყნებში (ფინეთი, შვედეთი და სხვ.).

მეტროში: მიწისქვეშეთში წარმოქმნილი დაბალი სიხშირის მაგნიტური ველები, ჩვენი პლანეტის ელექტრომაგნიტური ველის დარღვევასთან ერთად, ქმნის ძლიერ ნეგატიურ ზემოქმედებას ადამიანის ორგანიზმზე.

როგორ დავიცვათ ჩვენი ჯანმრთელობა მაგნიტური ქარიშხლის გავლენისგან

გამორიცხეთ ალკოჰოლი, ნიკოტინი და მაღალი ფიზიკური აქტივობა.

ქრონიკული დაავადებების (განსაკუთრებით გულის დაავადების) გამწვავებისას ხელთ გქონდეთ „გადაუდებელი რეაგირების“ მედიკამენტები.

დილით მკვეთრად არ ადგეთ საწოლიდან (განსაკუთრებით ჰიპოტენზიური პაციენტები).

მიიღეთ ასპირინი სისხლის შედედების თავიდან ასაცილებლად (არ დაგავიწყდეთ ექიმთან კონსულტაცია - მაგალითად, ასპირინი უკუნაჩვენებია წყლულისა და გასტრიტის დროს).

უძილობის, ნევროზის, მომატებული შფოთვის დროს - ევკალიპტის, ვალერიანის, ბარამბოს, შავბალახას ნაყენი და ალოეს წვენი (ეს არ შეუშლის ხელს ყველა მეტეოდამოკიდებულს).

ქარიშხლის დროს ჭამეთ - თევზი, ბოსტნეული და ფაფები.

უზრუნველყავით სრულყოფილი, მშვიდი ძილი.

გაზარდეთ ბუნებრივი ანტიოქსიდანტების მიღება (ყავა ჩაანაცვლეთ მწვანე ჩაით).

დალიეთ მეტი სითხე სისხლის სიბლანტის შესამცირებლად.

მიიღეთ მცენარეული/ზეთოვანი აბაზანები და კონტრასტული შხაპი.