ჩვენი პლანეტის გადარჩენის უჩვეულო გეგმა?!

 https://m.vk.com/wall249766224_482

Мартинас Пладас

⦁ ჩვენი პლანეტის გადარჩენის უჩვეულო გეგმა?!

          დედამიწის 50% უნდა განთავისუფლდეს ადამიანებისგან - ანუ ყველა ადამიანი უნდა გადასახლდეს დედამიწის 50%-ზე. უკაცრიელ ტერიტორიებზე კი ბუნება თვითაღდგენას დაიწყებს.

         როგორ ფიქრობთ, ეს იმუშავებს?

       ციტატა  ავააზ პროექტიდან:

          15 000-მა მეცნიერმა ცოტა ხნის წინ განგაში გამოაცხადა - „გაფრთხილება კაცობრიობისთვის“: თუ მალე არ შევწყვეტთ პლანეტის დაბინძურებას, ის განწირული იქნება!

         ფაქტები შემზარავია: სახეობების გადაშენება ბუნებრივ ტემპებზე ათასჯერ უფრო სწრაფად მიმდინარეობს. დიდი ბარიერული რიფის 90% მკვდარია ან კვდომის პროცესშია. პლასტიკმა ისე აავსო მსოფლიო ოკეანეები, რომ თევზები შეეჩვიენ მის ჭამას.

          თუმცა, მეცნიერებმა კიდევ სხვა რამ აღმოაჩინეს - ერთგვარი სასწაული, რომელსაც შეუძლია ჩვენი გადარჩენა. თუ ჩვენ გადავარჩენთ ჩვენი პლანეტის 50%-ს ადამიანის ექსპლუატაციისგან, ჩვენი ეკოსისტემა შეიძლება დასტაბილურდეს და აღდგეს. დედამიწაზე სიცოცხლე გაგრძელდება!

            ჩვენმა მთავრობებმა უკვე დადეს პირობა, რომ დაიცავენ პლანეტის მეოთხედს, ასე რომ, ჩვენ ვიცით, - ეს შესაძლებელია. მაგრამ არცერთმა სხვა გლობალურმა მოძრაობამ არ შემოგვთავაზა ბუნების აღდგენის ასეთი გასაოცარი გეგმა!

          ეს ჩვენზეა დამოკიდებული.

           თუ ჩვენი 50 000 წევრი ახლა გააკეთებს ფინჯანი ყავის ღირებულების ყოველკვირეულ შემოწირულობას, ჩვენ შევძლებთ ამ წინადადების პოპულარიზაციას, დაუპირისპირდებით დამბინძურებლებსა და ბრაკონიერებს, ასევე ჩავატარებთ კამპანიას, რათა  დავარწმუნოთ მსოფლიო ლიდერები მიაღწიონ შეთანხმებას მსოფლიო ბიომრავალფეროვნების სამიტზე პლანეტის გადასარჩენად.

           Avaaz - გლობალური ქსელური საზოგადოებაა, რომლის მიზანია გააკეთოს ისე, რომ ხალხის აზრმა განსაზღვროს საერთაშორისო პოლიტიკა და გავლენა მოახდინოს გადაწყვეტილების მიღებაზე მთელს მსოფლიოში.

           მეთანხმებით, რომ კაცობრიობა ბოროტებაა პლანეტისთვის??

           ამიტომ უნდა ვებრძოლოთ მას....

https://www.un.org/sustainabledevelopment/ru/takeaction/

ზარმაცი კაცის გზამკვლევი მსოფლიოს გადარჩენისთვის

უკიდურესი სიღარიბის აღმოფხვრა. უთანასწორობის და უსამართლობის დამარცხება. კლიმატის ცვლილების შეჩერება. რთული ამოცანაა! გლობალური მიზნები მნიშვნელოვანი ეტაპებია, რომელიც ცვლის მსოფლიოს და რომელთა მისაღწევად საჭიროა მთავრობების, საერთაშორისო ორგანიზაციებისა და მსოფლიო ლიდერების ერთობლივი ძალისხმევა. თითქოს წარმოუდგენელია, რომ ჩვეულებრივ ადამიანს შეუძლია რაიმე სახის გავლენა მოახდინოს ამ პროცესზე. როგორ მოვიქცეთ, უბრალოდ დავნებდეთ?

 არავითარ შემთხვევაში! ცვლილებები თქვენით იწყება. სერიოზულად. დედამიწაზე ყველა ადამიანი, თუნდაც ყველაზე გულგრილი და ზარმაცი, გადაწყვეტილების ნაწილია. საბედნიეროდ, არსებობს მთელი რიგი მარტივი ქმედებები, რომლებიც დაგვეხმარება: თუ ჩვენ ყველა მათგანს ყოველდღიურ ცხოვრებაში გამოვიყენებთ, მსოფლიოში დიდი ცვლილებები მოხდება.

ჩვენ გაგიადვილეთ ცხოვრება და შევაგროვეთ სია, რომელშიც შევიდა მხოლოდ მცირე ნაწილი იმისა, რისი გაკეთებაც შეგიძლიათ თქვენი წვლილის შესატანად.

რისი გაკეთება შეგიძლიათ დივანიდან აუდგომლათ 

დაზოგეთ ელექტროენერგია, საყოფაცხოვრებო ტექნიკა (მათ შორის კომპიუტერი) დამაგრძელებელს მიუერთეთ და მთლიანად გამორთეთ, როდესაც ტექნიკას არ იყენებთ.

შეწყვიტეთ ქაღალდის ქვითრების გამოყენება: გადაიხადეთ გადასახადები ინტერნეტის ან მობილური ტელეფონის მეშვეობით.

დააწკაპუნეთ არა მხოლოდ „მომწონ“-ზე, არამედ „გაზიარება“-ზე. თუ სოციალურ ქსელში ნახეთ საინტერესო გზავნილი ქალთა უფლებების ან კლიმატის ცვლილების შესახებ, გააზიარეთ, რომ თქვენმა ნაცნობებმაც ნახონ.

ნუ გაჩუმდებით! მოუწოდეთ ადგილობრივ და ეროვნულ ხელისუფლებას მონაწილეობა მიიღონ ინიციატივებში, რომლებიც არ აზიანებენ ადამიანებს ან პლანეტას.

გამორთეთ სინათლე. თქვენი ტელევიზორის ან კომპიუტერის ეკრანი კომფორტულად ანათებს, ამიტომ გამორთეთ სხვა განათება, თუ არ გჭირდებათ.

ჩაატარეთ მცირე ინტერნეტ-კვლევა ონლაინ და შეიძინეთ მხოლოდ იმ კომპანიებისგან, რომლების შესახებ თქვენთვის ცნობილია, რომ ისინი იყენებენ ეკოლოგიურად პასუხისმგებელ მეთოდებს და არ აზიანებენ გარემოს.

შეატყობინეთ ინტერნეტ უხეშობის შესახებ. თუ ფორუმზე ან ჩატში შეურაცხყოფას ხედავთ, გამოიყენეთ შესაბამისი ფუნქცია და შეატყობინეთ შეურაცხმყოფლის შესახებ

იყავით საქმის კურსში. თვალი ადევნეთ ადგილობრივ სიახლეებს და არ გამოგრჩეთ  გლობალური მიზნები ვებსაიტზე ინფორმაციის წაკითხვისას ან სოციალურ ქსელებში: @GlobalGoalsUN.

აცნობეთ სოციალურ ქსელებში თქვენი ქმედებების შესახებ გლობალური მიზნების მისაღწევად, ჰეშთეგის #globalgoals გამოყენებით.

გაანეიტრალეთ თქვენი ნახშირბადის კვალი! თქვენ შეგიძლიათ გამოთვალოთ თქვენი ნახშირბადის კვალი და შეიძინოთ კვოტები ამოფრქვევებზე საიტზე „კლიმატური ნეიტრალობა უკვე ახლა“.