პანიკაში მყოფთა მდგომარეობა: ფობიების კატალოგი

 https://euvsdisinfo.eu/ru/состояние-паники-каталог-фобий-кремл/

პანიკაში მყოფთა მდგომარეობა: ფობიების კატალოგი 

 ერთი მომენტი, რომელიც აღელვებს ყველას, ვინც თვალს ადევნებს პროკრემლისეულ მედიას, არის ყველგან მსუფევი შიში, შფოთვა, პანიკა და გულზე შემოწოლილი სევდის მდგომარეობა... ყველაფერი იძირება, ინგრევა და ნაწილებად იშლება. ამ კვირაში დეზინფორმაციის შემთხვევები კრემლის ფობიების კატალოგს წარმოადგენს.

ალეტეოფობია - სიმართლის შიში 

ძველი ბერძნულიდან ἀλήθεια (aletheia)—„ჭეშმარიტება“, φόβος (phóbos) – „შიში“ ან „ფობია.

 სიმართლე შეიძლება ვინმესთვის შიშის მომგვრელი იყოს, მაგრამ პრო-კრემლისეული დეზინფორმაციის შემთხვევაში შეიძლება შეამჩნიოთ თითქმის ფანატიკური შეპყრობილობა სიმართლის თავიდან აცილების სურვილით. როგორც, მაგალითად, ყირიმთან დაკავშირებული სიტუაცია. კრემლის მედია აგრძელებს განცხადებების გამეორებას იმის შესახებ, რომ უკრაინის ტერიტორიის ეს უკანონო ანექსია ე.წ. „რეფერენდუმის“ შემდეგ განხორციელდა დემოკრატიული გზით და საერთაშორისო სამართლის ნორმების სრული დაცვით. თუმცა ეს ასე არ არის.  ყირიმის უკანონო ანექსია რჩება საერთაშორისო სამართლის დარღვევად, მიუხედავად იმისა, რამდენჯერ და რამდენად ხშირად ცდილობთ მოიტყუოთ, თუ რა მოხდა. საქართველოს მოქალაქის მკვლელობასთან დაკავშირებით გერმანიიდან გაძევებული რუსი დიპლომატების საქმესთან დაკავშირებით, სახელმწიფო მედიის რეაქცია მდგომარეობს იმაში, რომ გამოიყენოს „ყველაფრის უარყოფის“ მათი საფირმო მიდგომა, მიუხედავად გერმანიის პოლიციის დამაჯერებელი მტკიცებულებისა.

ალოდოქსაფობია - სხვა მოსაზრებათა შიში

ძველი ბერძნულიდან ἄλλος (állos) – „სხვა“, δόξα (dóxa) — «мнение», φόβος (phóbos) — „შიში“ ან „ფობია.

 შესაძლოა, ეს არის კრემლის ერთ-ერთი ყველაზე ფუნდამენტური ფობია დღეს. ვებგვერდმა EUvsDisinfo-მ გამოაქვეყნა რამდენიმე მასალა რუსეთის ხელისუფლების მცდელობების შესახებ გააჩუმონ განსხვავებულად მოაზროვნენი და გააკონტროლონ მედია, რათა ისინი იქცნენ ერთიან ხმად, რომელიც ადიდებს მთავრობას. მაგალითები შეგიძლიათ იხილოთ აქ და აქ. გარდა ამისა, შეგიძლიათ წაიკითხოთ იმ რუს ჟურნალისტთა მასალები, რომლებიც უარს ამბობენ გაჩუმებაზე!

ატელოფობია — არასრულყოფილების შიში

ძველი ბერძნულიდან ατελής (atelès)—„არასრულყოფილი, არასრული“, φόβος (phóbos)— „შიში“ ან „ფობია.

პროკრემლისეული მედიისთვის ცოტა რამ იქნება უფრო საშინელი, ვიდრე მათი შეცდომების ან დანაშაულის აღიარებისა, იქნება ეს საეჭვო და იმპერიული დიპლომატიური ნაბიჯები წარსულში, დაკვეთილი მკვლელობები, ხელოვნური გზით სპორტში შედეგების გაუმჯობესების მცდელობები თუ კატასტროფული გადაწყვეტილებები ბრძოლის ველზე: კრემლს უბრალოდ არ შეუძლია მიიღოს ფაქტები, ისტორიული დოკუმენტები ან მტკიცებულებები. პასუხისმგებლობის აღიარება უბრალოდ შემზარავი ქმედებაა კრემლის მხარდამჭერთათვის.

აუტოფობია - მარტოობის შიში 

ძველი ბერძნულიდან αὐτός (autos) - „მარტოხელა, მე, იგივე, მარტო“, φόβος (phóbos) — „შიში“ ან „ფობია.

 ალბათ, კრემლის დეზინფორმაციის გავრცელების საქმიანობაში არც ერთი სხვა შიში არ ვლინდება ისე ძლიერად, როგორც შიში იმისა, რომ აღმოჩნდე არამოთხოვნადი, დაუფასებელი, არასაყვარელი. მონაცემთა ბაზაში დეზინფორმაციის დაახლოებით 350 შემთხვევა დაკავშირებულია „რუსოფობიასთან“ - კონცეფციასთან, რომელიც დაფუძნებულია იდეაზე, რომ რუსეთი არავის უყვარს. ამ კვირაში ჩვენ ვხედავთ, თუ როგორ გამოიყენება „რუსოფობია“ ნატოს ქმედებების ასახსნელად რუსეთის წინააღმდეგ, ლიტვის პოლიტიკა და დასავლური ჟურნალისტიკა.

დემოფობია - ბრბოს შიში

ძველი ბერძნულიდან δῆμος (demos) – „უბრალო ადამიანები“, φόβος (phóbos)— „შიში“ ან „ფობია.

 პროტესტები, მასობრივი საზოგადოებრივი მოძრაობები და სამოქალაქო საზოგადოება - კრემლის თვალსაზრისით, ცოტა რამ შეიძლება იყოს უფრო საშიში. დასავლეთმა წამოიწყო „ფერადი რევოლუციების“ მეორე ტალღა რუსეთისა და ჩინეთის გავლენის შესუსტების მიზნით, ისევე როგორც ანგლო-საქსებმა ასი წლის წინ რუსეთში სამოქალაქო ომის პროვოცირება მოაწყვეს. მონაცემთა ბაზაში დეზინფორმაციის თითქმის 500 შემთხვევა უკავშირდება იმ იდეას, რომ ნებისმიერი საჯარო პროტესტი, იქნება ეს ჰონგ კონგში, უკრაინაში, ბოლივიაში თუ ვენესუელაში, ყოველთვის გარე ძალების მაქინაციის შედეგია.

ელეუტეროფობია -თავისუფლების შიში 

ძველი ბერძნულიდან ἐλευθερία (eleuthería)—„თავისუფლება“, φόβος (phóbos)— „შიში“ ან „ფობია.

 ეს შიში მჭიდროდ არის დაკავშირებული დემოფობიასთან და ალოდოქსაფობიასთან. ის ვლინდება როგორც პლურალიზმისა და განსხვავებული აზრის ღრმად ფესვგადგმული შიში. ნებისმიერი, ვინც ხელისუფლებას კითხვით მიმართავს, ნგრევის იარაღი და რევოლუციის წამქეზებელია. შეუძლებელია ხელისუფლების ქმედებების ეჭვქვეშ დაყენება, თუ შეთქმულების მონაწილე არ ხარ. სარწმუნოების თავისუფლება სხვა არაფერია, თუ არა აშშ-ს გეგმა ქრისტიანობის აღმოსაფხვრელად.

ეფებიფობია - მოზარდების შიში

ძველი ბერძნულიდან ἔφηβος (éphēbos)—„ახალგაზრდობა“ ან „მოზარდი“, φόβος (phóbos)— „შიში“ ან „ფობია.

გრეტა ტუნბერგი, სკოლის მოსწავლე შვედეთიდან, რომელმაც დაიწყო მოძრაობა „სკოლის ბრძოლა კლიმატის დასაცავად“, უკვე თვეებია კრემლის შიშის ობიექტია. მისმა „ომმა თეთრ ადამიანებთან“ სისხლი გაუყინა კრემლის პოლიტტექნოლოგებს. კრემლის მომხრე დეზინფორმაციული მედია ერთ და იგივე განცხადებებს იმეორებს მეორე კვირაა.

მიზოფობია - ბაქტერიების შიში 

ძველი ბერძნულიდან μύσος (musos) —„სიბინძურე“, φόβος (phóbos) —„შიში“ ან „ფობია.

„

 რა თქმა უნდა, ეს არ არის კრემლის ფობიების სრული სია. ასევე არის ევროპოფობია, უკრაინოფობია, ქსენოფობია, ოქსიდოფობია, პოლონოფობია და მრავალი სხვა. ამავდროულად, კრემლის მომხრე დეზინფორმაციული მედია გამოხატავს შიშისა და პანიკის მდგომარეობას.

 

https://www.avito.ru/moskva/knigi_i_zhurnaly/sozina_e._soznanie_i_pismo_v_russkoy_literature_1892809145 

ე. სოზინა. ცნობიერება და მწერლობა რუსულ ლიტერატურაში

მონოგრაფიაში განხილულია ლიტერატურაში ცნობიერების არსებობის ფორმები. ცნობიერების „ცოცხალ ორგანოდ“ წარმოდგენილია მწერლობა – ლიტერატურული ფორმის „მორალი“ (რ. ბარტი), რომელიც ობიექტურად წარმოადგენს თვით ცნობიერების აზრობრივ განმასხვავებელ საქმიანობას. ცნობიერებისა და მწერლობის პრობლემა განხილულია მე-19-მე-20 საუკუნეების სიტყვის ოსტატების - რუსი მწერლების: ა.პუშკინის, ფ.ტიუტჩევის, ა.ჰერცენის, ფ.დოსტოევსკის, მ.სალტიკოვ-შჩედრინის, ს. აქსაკოვის, ლ.ტოლსტოის, ნ.ლესკოვის, ი.ბუნინის, ვ.კატაევის, ვ.ნაბოკოვის შემოქმედების მაგალითზე. განსაზღვრულია კლასიკური რეალიზმის მწერლობის წამყვანი სტრატეგია, ბოლო ორი საუკუნის სხვადასხვა მწერლის ავტობიოგრაფიულ ნაწარმოებებში, გამოვლენილია ХХ საუკუნის ლიტერატურის არაკლასიკური დამწერლობის ნიშნები.

https://books.google.ge/books?id=HlQkEAAAQBAJ&pg=PA74&lpg=PA74&dq=ноополитика+что+значит&source=bl&ots=AvFDHYT6pQ&sig=ACfU3U2dlIONlMy6H74ZBZaLyMMae-uHOA&hl=en&sa=X&redir_esc=y

საინფორმაციო-ფსიქოლოგიური და ფსიქოტრონული ომი

ანატოლი ტარას 

 საინფორმაციო-ფსიქოლოგიური ომი არის ინფორმაციის (ზეპირი, ბეჭდური, ვიდეო) მიზანმიმართული ზემოქმედება ადამიანების ცნობიერებაზე და ემოციურ-ნებაყოფლობით სფეროზე. სხვა სიტყვებით რომ ვთქვათ, ეს არის დახვეწილი პროპაგანდა, რომელიც ხორციელდება მეცნიერების მიერ ადამიანის ფსიქიკის ფუნქციონირების კანონზომიერებისა და პრინციპების გათვალისწინებით. „ფსიქოტრონიული ომის“ ცნება აერთიანებს ადამიანის ფსიქიკის არაცნობიერ სფეროზე ზემოქმედების სხვადასხვა მეთოდებსა და ტექნიკას ექსტრასენსორული აღქმის „არხებით“. ასეთი ზემოქმედება დაკავშირებულია განსაკუთრებული ტექნიკური საშუალებების გამოყენებასთან (მაღალი და დაბალი სიხშირის გენერატორები, ლაზერული სინათლის კომპლექსები, ქიმიური პრეპარატების გამფრქვევები და ა.შ.). დღეისათვის გარკვეული პოპულარობა მოიპოვა სხვადასხვა მითებმა ფსიქოლოგიური და ფსიქოტრონიული ომის შესახებ. ანგარებიანი მიზნებისთვის მათ ქმნიან როგორც აკადემიური ხარისხის მქონე თაღლითები, ასევე ნახევრად განათლებული შარლატანები, ავრცელებენ მედიის უცოდინარი თანამშრომლები. ეს ქრესტომათია საშუალებას მისცემს მკითხველს გაერკვიოს ადამიანთა ცოდნისა და ილუზიების მითითებულ სფეროში, განასხვავონ სიმართლის მარცვლები ფსევდომეცნიერული სისულელიდან.

==

http://www.2social.info/zhenshhinyi-na-sovetskih-voennyih-plakatah/

ქალები საბჭოთა სამხედრო პლაკატებზე

ომის დროს პლაკატებზე (1941-1945) ქალის გამოსახულებამ მნიშვნელოვანი როლი ითამაშა საბჭოთა პროპაგანდაში. არ მინდა გავამარტივო თითოეული ცალკეული ნამუშევრის მნიშვნელობა, მაგრამ ქალი ხშირად იყო მებრძოლებისთვის მშვიდობიანი ცხოვრების სიმბოლო, რისთვისაც ღირდა ბრძოლა.

გარდა ამისა, აგიტაციის ნაწილი განკუთვნილი იყო ქალთა აუდიტორიისთვის. ასეთ პლაკატებზე გოგონებსა და ქალებს მოუწოდებდნენ მხარდაჭერასა და საწარმოში საომრად წასულ დამცველთა სამუშაო ადგილზე  შეცვლას.

სამშობლო ქალის სახით. ალბათ, ეს არის ყველაზე პოპულარული პლაკატი, მრავალჯერ ტირაჟირებული, რომელიც ცნობილია თითქმის ყველასთვის. და მიუხედავად იმისა, რომ მხატვარმა ირაკლი თოიძემ შექმნა მეტაფორული სახე და არა რეალური, ის შეიძლება ჩაითვალოს „ჯარისკაცის დედის“ განსახიერებად. ამ გამოსახულების მთავარი კომპონენტია სიძლიერე.

1941 წელი. „დედა სამშობლო გიძახის“.

„შეუერთდით ფრონტის წინა ხაზზე მეგობარ გოგონებს, რაზმელი ქალი - მებრძოლის დამხმარე და მეგობარია! - ეს სლოგანი ასახავს ქალთა მოლოდინებს სამამულო ომის დროს. ვიქტორ კორეცკი, 1941 წ

„შევცვალოთ!“ - ურთულეს სამუშაოზე მამაკაცები, რომლებიც ფრონტზე წავიდნენ. 1941 წელი, ავტორი - ვლადიმერ სეროვი.

ახალგაზრდა დედა მხატვრის ვასილი ელკინის პლაკატზე.

„ძმური დახმარების ხელი გავუწოდოთ ნაცისტებისაგან გათავისუფლებული სოფლებისა და ქალაქების მცხოვრებლებს“. 1942 წ.

ტილოს ღირსია მხატვარ დემენტი შმარინოვის პლაკატზე გამოსახული ტრაგიკული სახე. მაგრამ მხატვარი მუშაობდა სხვა ჟანრში და „გააძლიერა“ სურათი სტალინის ციტატით - პოპულარული პროპაგანდისტული ხერხით. 1942 წელი. „გაათავისუფლე! გავათავისუფლოთ... ჩვენი ქალები იმ სირცხვილისგან და დამცირებისგან, რომელსაც ისინი გერმანელი ფაშისტური მოძალადეებისგან განიცდიან“.

დემენტი შმარინოვის კიდევ ერთი ნამუშევარი. „შურისძიება“, 1942 წ.

კიდევ ერთი გულისამაჩუყებელი სააგიტაციო პლაკატი. ქერა ბავშვი (გოგონა? ბიჭი?), უკანა ფონზე დაღუპული დედაა ნაჩვენები. „მამა, მოკალი გერმანელი“. საინტერესოა, რომ პლაკატის ავტორი ქალია, მხატვარი მარია ბერზინა-ნესტეროვა. 1942 წ.

„ყველაფერი გამარჯვებისთვის! ფრონტს საბჭოთა კავშირის ქალებისგან“. ალექსეი კოკორეკინი, 1942 წელი.

„წითელი არმიის მეომარო, გადამარჩინე!“ ვიქტორ კორეცკი, 1942 წ.

ეს პლაკატი შეიძლება მივიჩნიოთ, როგორც დონორობის შესახებ თანამედროვე სოციალური რეკლამის „წინაპარი“. იგი დაიწერა მეორე მსოფლიო ომის დროს.

„იყო დონორი - დიდი პატივია პატრიოტისთვის“. ალექს კეილი, 1942 წ

ამ სამხედრო პლაკატზე სახე თითქმის არ ჩანს. ახალგაზრდა გოგონა ჯარისკაცს ესალმება.

„შენ დაგვიბრუნე სიცოცხლე“. ვიქტორ ივანოვი, 1943 წელი.

„ღირსეულო მეომრებო, უფრო ძლიერად შეუტიეთ მტერს! წინ დასავლეთისკენ, საბჭოთა მიწის სრული თავისუფლებისთვის“. მხატვრის ლეონიდ გოლოვანოვის პლაკატი, დაწერილია 1943 წელს.

კიდევ ერთი ომისდროინდელი პლაკატი. ძალიან ცოცხალი, ემოციური სახე. დაღლილი, მაგრამ ძლიერი ნებისყოფის მქონე ქალის სახე. „1944 წელს უზრუნველვყოფთ მაღალ მოსავალს! ფრონტს და ქვეყანას მეტი სურსათი მივცეთ!“

ვიქტორ კორეცკი, 1944 წ

„ვაშენოთ დიდებულად“. ვიქტორ ივანოვი, 1945 წ.