მეცნიერებმა დაადგინეს, რომ ადამიანს შეუძლია რეაგირება მოახდინოს დედამიწის მაგნიტური ველის ცვლილებებზე

 https://nauka.tass.ru/nauka/6234695/amp

მეცნიერებმა დაადგინეს, რომ ადამიანს შეუძლია რეაგირება მოახდინოს დედამიწის მაგნიტური ველის ცვლილებებზე

ბოლო დრომდე ითვლებოდა, რომ მხოლოდ ფაუნის წარმომადგენლები აღიქვამენ მაგნიტურ ველს.

ლონდონი, 19 მარტი /ტასი/. ადამიანს აქვს უნარი შეიგრძნოს დედამიწის მაგნიტური ველი. ამ დასკვნამდე მივიდა მეცნიერთა საერთაშორისო ჯგუფი მათ მიერ ჩატარებული კვლევის შედეგად, რომლის შედეგებსაც გაზეთი The Guardian ავრცელებს.

აღნიშნულია, რომ ცხოველთა სამყაროს მრავალ წარმომადგენელს, მათ შორის ფრინველებს, ღამურებს, ძაღლებს, კუებს და ვეშაპებს, ახასიათებს მაგნიტორეცეფცია - განცდა, რომელიც ორგანიზმს აძლევს უნარს რეაგირება მოახდინოს დედამიწის მაგნიტური ველის ცვლილებებზე. სწორედ ამ უნარის წყალობით შეუძლიათ ცოცხალ არსებებს სივრცეში ორიენტაცია და გადაადგილება. ბოლო დრომდე ითვლებოდა, რომ მხოლოდ ფაუნის წარმომადგენლები აღიქვამენ მაგნიტურ ველს, მაგრამ კალიფორნიის ტექნოლოგიური ინსტიტუტის (აშშ) სპეციალისტებმა იაპონელ კოლეგებთან თანამშრომლობით დაადგინეს, რომ მაგნიტური აღქმა გარკვეულწილად თანდაყოლილია ადამიანებშიც.

ექსპერიმენტში რამდენიმე ათეულმა ადამიანმა მიიღო მონაწილეობა. მეცნიერებმა შექმნეს სპეციალური საცდელი კამერა, რომელიც წარმოადგენს ექვსკუთხა კონსტრუქციას ხმის იზოლაციით, მისი კედლები დამზადებულია ალუმინისგან სხვადასხვა ელექტრომაგნიტური ჩარევისგან დასაცავად. მათზე მეცნიერებმა მოათავსეს კოჭები, რომლებშიც ელექტრული დენი გადიოდა დაახლოებით იმავე სიდიდის მაგნიტური ველის შესაქმნელად, როგორც დედამიწის ზედაპირზე. ყველა მოხალისეს სთხოვეს შესულიყვნენ ამ ბნელ ოთახში და დამსხდარიყვნენ იქ არსებულ ხის სკამზე და ჩრდილოეთისკენ მიბრუნებულიყვნენ.

მკვლევარები ჩართავდნენ მაგნიტური ველის წყაროებს და გადაადგილებდნენ მათ დანადგარზე, აკვირდებოდნენ ცვლილებებს გამოსაცდელთა ტვინის რხევების ამპლიტუდაში, ელექტროენცეფალოგრამის მონაცემებზე დაყრდნობით. შედეგებმა აჩვენა, რომ მონაწილეთა უმეტესობას ჰქონდა ალფა ტალღის აქტივობის 60%-იანი შემცირება, რაც მაგნიტური ველის ცვლილებებზე ტვინის რეაგირების მტკიცებულებაა. ექსპერტები აღნიშნავენ, რომ ეს კონკრეტული მაჩვენებელი დაკავშირებულია ცენტრალური ნერვული სისტემის ძირითადი ორგანოს უნართან, გადაამუშაოს შემომავალი ინფორმაცია.

„ჩვენ, როგორც სახეობამ, არ დავკარგეთ მაგნიტური ველის აღქმის უნარი, რომელიც ჩვენს წინაპრებს გააჩნდათ [მილიონობით წლის წინ], - თქვა კალიფორნიის ტექნოლოგიური ინსტიტუტის პროფესორმა ჯოზეფ კირშვინკმა. - ჩვენ დედამიწის მაგნიტური ბიოსფეროს ნაწილი ვართ“. ექსპერტები თვლიან, რომ იმისთვის, რომ უფრო ზუსტად ვთქვათ, რომელი მექანიზმია პასუხისმგებელი ადამიანის უნარზე რეაგირება მოახდინოს დედამიწის მაგნიტურ ველში ცვლილებებზე, საჭიროა დამატებითი კვლევების ჩატარება. თუმცა, მათი აზრით, მაგნიტორეცეპცია ცენტრალური ნერვული სისტემის ერთ-ერთ კომპონენტად შეიძლება ჩაითვალოს.