კორონავირუსის (და უბრალო მწვავე რესპირატორული ვირუსული ინფექციის) სიმპტომების გამოვლენისას დროულად სასწრაფო დახმარების გამოძახებისთვის აუცილებელია სისხლში ჟანგბადის დონის კონტროლი. შეესაბამება ეს სიმართლეს?

  კორონავირუსის (და უბრალო მწვავე რესპირატორული ვირუსული ინფექციის) სიმპტომების გამოვლენისას დროულად სასწრაფო დახმარების გამოძახებისთვის აუცილებელია სისხლში ჟანგბადის დონის კონტროლი. შეესაბამება ეს სიმართლეს?

რა მოხდა?

2020 წლის მარტში რუსეთში მკვეთრად გაიზარდა საძიებო მოთხოვნა, რომელიც პულსოქსიმეტრს ეხება. ეს არის მოწყობილობა, რომელიც განსაზღვრავს სისხლში გაჯერებული ჟანგბადის დონეს; პნევმონიის დროს ეს მაჩვენებელი შეიძლება დაეცეს.

გარდა ამისა, მოსკოვის ჯანდაცვის დეპარტამენტის ახალი ბრძანების თანახმად, კორონავირუსზე დადებითი ტესტის შემთხვევაში ერთ-ერთი პარამეტრი, რომელიც განსაზღვრავს ჰოსპიტალიზაციის აუცილებლობას, იქნება პულსოქსიმეტრიის მაჩვენებლები 93%-ზე ქვემოთ.

ეს რა ხელსაწყოა?

 პულსოქსიმეტრი კარგია იმით, რომ მისი გამოყენება ძალიან მარტივია, სენსორი ჰგავს სარეცხის სამაგრს, რომელსაც თითზე უკეთებენ და 10-20 წამის შემდეგ აჩვენებს ჟანგბადის დონეს და პულსს. მხოლოდ უკეთესი იქნება შემდეგი პირობების შესრულება:

მშვიდ მდგომარეობაში ყოფნა;

დაჯდომა;

 გაზომვა 3-4 წუთის განმავლობაში (ადრეული მაჩვენებლები შეიძლება არასტაბილური იყოს). ჩვეულებრივ, ამ დროის განმავლობაში განისაზღვრება სავარაუდო საშუალო გაჯერების სიდიდე.

როგორ მუშაობს ეს ხელსაწყო?

ძირითადი პარამეტრი, რომელსაც პულსოქსიმეტრი განსაზღვრავს, არის სისხლის გაჯერება (ან სატურაცია) ჟანგბადით. სისხლის წითელი უჯრედების (ერითროციტების) შემადგენლობაში შედის ჰემოგლობინის ცილა, რომელსაც გადააქვს ჟანგბადი. ვენებში და არტერიებში ჟანგბადის მქონე ჰემოგლობინის რაოდენობა განსხვავებულია (არტერიებში უფრო მეტია), სწორედ ამის გამო არტერიული სისხლი უფრო კაშკაშაა, ხოლო ვენური სისხლი მუქი.

პულსოქსიმეტრი, უხეშად რომ ვთქვათ, განსაზღვრავს სისხლის სიკაშკაშეს და საშუალებას გაძლევთ განსაზღვროთ რამდენი ჰემოგლობინი არტერიულ სისხლში უკავშირდება ჟანგბადს. ეს ციფრი გამოიხატება პროცენტულად, და სწორედ მას ეწოდება სისხლის გაჯერება (უფრო სწორად ჰემოგლობინის) ჟანგბადით. თუ პულსოქსიმეტრი აჩვენებს 96%, ეს ნიშნავს, რომ ჰემოგლობინის 96%-ს გადააქვს  ჟანგბადი, ხოლო 4%-ს - არა.

 თუ პულსოქსიმეტრი განსაზღვრავს პულსის სიჩქარეს, ზოგიერთ მოწყობილობას ასევე შეუძლია აჩვენოს პულსის ტალღა, რაც იძლევა ირიბად განსჯის საშუალებას ორგანოებისთვის სისხლის მიწოდების შესახებ.

კორონავირუსული ინფექციის დროს რატომ არის ასე მნიშვნელოვანი იმის ცოდნა, თუ რამდენად არის გაჯერებული ჟანგბადით სისხლი?

სისხლში ჟანგბადის გაჯერების დონე ერთ-ერთი მთავარი მაჩვენებელია, რომლის მიხედვითაც მსჯელობენ, სჭირდება თუ არა პაციენტს ჟანგბადის მიცემა ნიღბის საშუალებით და სჭირდება თუ არა მას ფილტვების ხელოვნური ვენტილაცია. სწორედ ამიტომ მოსკოვში მხედველობაში მიიღეს სისხლის ჟანგბადის გაჯერების დონე, როდესაც აპირებენ გადაწყვიტონ, სჭირდება თუ არა პაციენტს ჰოსპიტალიზაცია.

კორონავირუსი აზიანებს ფილტვებს, კერძოდ, ფილტვის ალვეოლების ქსოვილს. მძიმე პნევმონიის დროს ფილტვებში დარღვეულია ჟანგბადის გადატანა ჰაერიდან სისხლში.

მსოფლიო ჯანდაცვის ორგანიზაციამ ადრე მისცა რეკომენდაცია ახალი კორონავირუსული ინფექციის შემთხვევაში  ჟანგბადი მიაწოდონ იმ პაციენტს, რომელსაც ეს მაჩვენებელუ 90%-ზე ნაკლები აქვს. მართალია, ახლა რეკომენდაციებში კონკრეტული მაჩვენებელი არ არის.

როგორია ნორმა?

 სინამდვილეში, არ არსებობს მკაფიო ნორმა. ჯანმრთელ ადამიანში ეს მაჩვენებელი სავარაუდოდ 95% და მეტია. ეს ჩვეულებრივ მიანიშნებს იმაზე, რომ ორგანიზმის ქსოვილები არ განიცდიან ზეწოლას ჟანგბადის ნაკლებობის გამო, და ჩვენი ფილტვები საკმაოდ ეფექტურად „გადასცემენ“ ჟანგბადს სისხლში.

თუ მაჩვენებელი დაბალია, ყველაფერი ცუდად არის?

არა. მაგალითად, ფილტვების სხვა ქრონიკული დაავადებების მქონე ადამიანებს აქვთ ჟანგბადით სისხლის გაჯერების დაბალი მაჩვენებელი (მაგალითად, 88%), ამასთან ადამიანის ორგანიზმი ადაპტირებულია ასეთი სიტუაციისთვის. თუმცა  ჩვეულებრივი მაჩვენებლების შემცირება ნამდვილად მოითხოვს ყურადღებას.

მაგრამ დაბალი მაჩვენებლები შეიძლება საერთოდ არ იყოს დაკავშირებული ჯანმრთელობასთან. წარმოგიდგენთ რამდენიმე შესაძლო მიზეზს:

ცივი თითი. პულოქსიმეტრის დახმარებით ყოველთვის არ ხერხდება  პულსური ტალღისა და ჟანგბადით გაჯერების დადგენა თითის სისხლით ცუდი მომარაგების შემთხვევაში, რაც, რეალურად, სიცივეში ხდება.

ფრჩხილის ლაქი, განსაკუთრებით მუქი ლაქი, ან გადაკრული ფრჩხილები. გარდა იმისა, რაც აშკარაა - ლაქის მოსაცილებლად საჭიროა ცოტათი დაელოდოთ: ზოგჯერ ლაქი უბრალოდ შენელდება და ოდნავ ამცირებს მაჩვენებლებს.

ბატარეები. დამჯდარი ბატარეები ზოგჯერ ამცირებენ სატურაციის მაჩვენებლებს.

თუ თავს კარგად გრძნობთ, მაშინ, ალბათ, თქვენ არ გაქვთ მიზეზი მიმართოთ სამედიცინო დახმარებას, მიუხედავად მოწყობილობის ნებისმიერი მაჩვენებლებისა.

აზრი აქვს პულსოქსიმეტრის ყიდვას თუ არა?

ეს რთული საკითხია. სამედიცინო საზოგადოებების რეკომენდაციებში ყველასთვის არ არის პულსოქსიმეტრის შეძენის რჩევა. მაგრამ ზოგიერთ პაციენტს, რომლებსაც აქვთ გულის უკმარისობა ან ფილტვების ქრონიკული დაავადება და რომლებიც იყენებენ ჟანგბადს სახლში, ექიმები ურჩევენ სახლში ჰქონდეთ პულსოქსიმეტრი. ეს აუცილებელია იმისათვის, რომ ადამიანმა განსაზღვროს, სჭირდება თუ არა ჟანგბადის სუნთქვა და, ზოგადად, აკონტროლოს მისი მდგომარეობა.

მიუხედავად ამისა ზოგიერთი ექიმი ურჩევს ადამიანებს პულსოქსიმეტრის შეძენას ასეთი მაჩვენებლების გარეშეც. ამ შემთხვევაში არგუმენტები შემდეგია:

რომ ზედმეტად არ დაემართოს პანიკა. გულმკერდში „ნადების“ შეგრძნება  და ქოშინი აუცილებლად არ არის დაკავშირებული ფილტვების მძიმე დაზიანებასთან. ზოგიერთ შემთხვევაში ტემპერატურამ, ხველამ, მღელვარებამ შეიძლება გამოიწვიოს იგივე შეგრძნებები. თუ პულსოქსიმეტრიის მაჩვენებლებია 94–96%, შეიძლება არ ინერვიულოთ: სავარაუდოდ, სასწრაფო ჰოსპიტალიზაცია არ იქნება საჭირო.

საკუთარ მდგომარეობაში ცვლილებების გაკონტროლება. მწვავე რესპირატორული ვირუსული ინფექციისას, რომელიც ჩვეულებრივ მიმდინარეობს, პულსოქსიმეტრით შეგიძლიათ საკმაოდ ადრე შეამჩნიოთ მდგომარეობის გაუარესება და ამის შესახებ აცნობოთ ექიმს. საუბარია მუდმივი სატურაციის შესახებ, რომელიც 92–93%–ზე დაბალია მღვიძარ მდგომარეობაში (ძილის დროს ის ნორმაშიც შეიძლება იყოს დაბალი).

ექიმის დასახმარებლად. თუ ექიმს მოუყვებით თქვენი ჩივილების შესახებ, აცნობეთ თქვენი ტემპერატურა, პულსი და სისხლის ჟანგბადით გაჯერების შესახებ, მისთვის უფრო ადვილია მკურნალობის შემდგომი ტაქტიკის განსაზღვრა, თუნდაც დისტანციური კონსულტაციის დროს.

საწინააღმდეგო არგუმენტები აშკარაა: მუდმივმა გაზომვებმა შეიძლება ვინმეს გაუზარდოს შფოთვა, ხოლო შემთხვევითმა დაბალმა მაჩვენებლებმა - მით უმეტეს. ნებისმიერ შემთხვევაში მნიშვნელოვანია გვესმოდეს, რომ ზოგადი მდგომარეობა უნდა შეფასდეს კომპლექსურად და არა მხოლოდ მოწყობილობის მაჩვენებლების მიხედვით.

თუ გსურთ შეიძინოთ პულსოქსიმეტრი, უმჯობესია ამის შესახებ რჩევა ჰკითხოთ  ექიმს.

რომელი უნდა  შევარჩიოთ? ისინი, ალბათ, განსხვავებულია.

მეტ-ნაკლებად ნებისმიერი. ისინი, დაახლოებით, ერთიდან რამდენიმე ათასი რუბლი ღირს.

პულსოქსიმეტრის უმრავლესობა სამედიცინო ხელსაწყოებია. თუმცა, უკვე გამოჩნდა სპორტული საათების რამდენიმე სახეობა, რომლებსაც აქვთ ჩამონტაჟებული პულსოქსიმეტრი. მართალია, ჯერჯერობით უცნობია, არის თუ არა ისინი ჩვეულებრივი მოწყობილობების ადეკვატური ჩანაცვლება.

===========

ღრმად და თანაბრად სუნთქვა: როგორ უნდა განისაზღვროს COVID-19-ის ფილტვისმიერი ფორმა ადრეულ ეტაპზე

COVID-19-ის  ფილტვისმიერი ფორმის განსაზღვრა  ადრეულ ეტაპზე პულსოქსიმეტრის დახმარებით შეიძლება.

პეტერბურგის გუბერნატორის ადმინისტრაციის მონაცემებით, ახლა სამედიცინო მეთვალყურეობის ქვეშ იმყოფება კორონავირუსული ინფექციით დაავადებული 4437 პაციენტი. პეტერბურგში COVID-19–ით დაავადების შემცირების ტენდენცია არ არის. როსპოტრებნადზორის მონაცემებით, ყოველდღიურად დაავადებულთა რიცხვი იზრდება 300-400 ადამიანით.

გატარებული ზომების მიუხედავად, სამედიცინო სტაციონარები აგრძელებენ  მუშაობას შეძლებისდაგვარად, და დაავადებულებს სახლში დარჩენას ურჩევენ.

„დღეს თითოეული საწოლი თვლით გვაქვს, და დამატებითი საწოლები მძიმე და საშუალოდ მძიმე პაციენტებისთვის გვჭირდება“, - თქვა ამ დღეებში ქალაქის გუბერნატორმა ალექსანდრ ბეგლოვმა.

მაგრამ ახალი ვირუსის მზაკვრულობა იმაში მდგომარეობს, რომ ზოგიერთ პაციენტში, განსაკუთრებით მათ, ვისაც თან ახლავს თანმდევი დაავადებები, მსუბუქი, კატარალური ფორმა, როდესაც მხოლოდ ცხვირ-ხახა აქვს დაინფიცირებული, შეიძლება გადაიზარდოს მძიმე, ფილტვისმიერ სტადიაში. პროცესის კონტროლის შესაძლებლობას მოგვცემს პულსოქსიმეტრი - სატურაციის დონის არაინვაზიური გაზომვის მოწყობილობა, ანუ კაპილარული სისხლის ჟანგბადის გაჯერების გაზომვის მოწყობილობა.

საგანგაშო მაჩვენებლები

ექსპერტების აზრით, მწვავე რესპირატორული დისტრეს-სინდრომის დროს, როდესაც ფილტვებია დაზიანებული, ადგილი აქვს გაზების გაცვლის ფუნქციის ცვლილებას, რაც ხასიათდება სისხლში ჟანგბადის გაჯერების შემცირებით.

ყველასთვის აშკარა ნიშანია ძლიერი ხველა, რომელსაც თან ახლავს ქოშინი.   სამედიცინო ცენტრის „ეკო-უსაფრთხოების“ მთავარი  ექიმის მოადგილის კლინიკურ-საექსპერტო დარგში, ელენა სოლოვეის თქმით სამუშაოების მთავარი ექიმის მოადგილის, ექიმი-თერაპევტის ელენა სოლოვეის აზრით, სისხლში ჟანგბადის სატურაციის ნორმალური დონეა 95-98%. ყველაფერი, რაც 95%-ზე ნაკლებია, მოითხოვს სამედიცინო დახმარებას.

„თუ გაჯერება 90%-ზე ნაკლებია, ეს სერიოზული პათოლოგიის ნიშანია“, - დასძენს „CM-კლინიკის“ ჰოლდინგის მთავარი ექიმის მოადგილე ეკატერინა ვოსტრიკოვა. სისხლში ჟანგბადის გაჯერების ასეთი დონის შემთხვევაში ავადმყოფს უვითარდება სისტემური ჰიპოქსია, ანუ ჟანგბადის უკმარისობა ზემოქმედებას ახდენს არა მხოლოდ ფილტვებზე, არამედ სხვა ორგანოებზე, პირველ რიგში,  ტვინზე, გულზე და თირკმელებზე.

სისხლში ჟანგბადის გაჯერების არასაკმარისი დონე დაუყოვნებლივი ჰოსპიტალიზაციის კარგი საბაბია, ამიტომ, ელენა სოლოვეის თქმით, ბევრისთვის თვითკონტროლის მსგავს ნაცნობ მოწყობილობებთან ერთად, როგორიცაა ტონომეტრი და გლუკომეტრი, ბოლო დროს საშინაო აფთიაქში პულსოქსიმეტრიც ინახება.

„განსაკუთრებით ეს ეხება ხანდაზმულებს და პაციენტებს ისეთი დაავადებებით, რომლის დროსაც შესაძლებელია ჰიპოქსიის სწრაფი განვითარება: ფილტვების ქრონიკული ობსტრუქციული დაავადება, ბრონქული ასთმა, გულის იშემიური დაავადება, შაქრიანი დიაბეტი, - ამბობს ელენა სოლოვეი. - პულსოქსიმეტრი საკმაოდ ადვილია გამოყენებისას და სახლის პირობებში შეუძლია დახმარება გაუწიოს ორიენტაციაში და გადაწყვეტილების მიღებაში სასწრაფო დახმარების ბრიგადის დროულად გამოძახებისთვის. მეორეს მხრივ, მსუბუქი კორონავირუსული ინფექციის მქონე პაციენტების დიდი პროცენტის გათვალისწინებით, ჟანგბადის სატურაციის დონის კონტროლი იძლევა სახლში დარჩენის საშუალებას, რათა არ გადაიტვრითოს სტაიონარული რგოლი“. 

ფაქიზი მომართვა

ეკატერინა ვოსტრიკოვა გვაფრთხილებს, რომ გაზომვების კორექტულობაზე შეიძლება გავლენა იქონიოს სუნთქვის შეჩერებამ, ამიტომ თვითდიაგნოსტიკის დროს, საჭიროა თანაბრად და ღრმად სუნთქვა.

ასევე, შედეგების კორექტულობა ირღვევა პერიფერიული სისხლძარღვთა დაავადებების შემთხვევაში, მაგალითად, თუ ადამიანს აქვს რეინოს სინდრომი. მოწყობილობას შეუძლია არასწორი მაჩვენებლების მიცემა იმ შემთხვევაშიც კი, თუ ადამიანს შეცივდა, თუ პულსოქსიმეტრის სენსორი მჭიდროდ არის მიბმული ხელზე ან თუ ფრჩხილები შეღებილია  შავი, მწვანე ან ლურჯი ლაქით.

„მოწყობილობა რეაგირებს თითზე პულსირებაზე, ამიტომ ცივი ხელები, არტერიული წნევის დაბალი დონე ან ხელზე მიმაგრებული ტონომეტრის მანჟეტმა შეიძლება დაამახინჯოს მოწყობილობის მაჩვენებლები. მოწყობილობის მაჩვენებლებზე გავლენა შეიძლება სისხლში შაქრის მომატებულ დონეს ჰქონდეს, - განმარტავს ელენა სოლოვეი. 

ბავშვისთვის სატურაციის გასაზომად სპეციალური მცირე ზომის პულსოქსიმეტრებია საჭირო. „ბავშვის პატარა თითები მოზრდილთა მოწყობილობაში ხშირად არ ხვდება პულსოქსიმეტრიის ორივე სხივში, და მოწყობილობის მაჩვენებლები შეიძლება შემცირებული აღმოჩნდეს“, - განმარტავს ელენა სოლოვეი.

სატურაციის დაბალი დონე ყოველთვის არ არის იმის მაჩვენებელი, რომ ადამიანს აქვს კორონავირუსის ინფექცია.

ეკატერინა ვოსტრიკოვას აზრით, სასუნთქი სისტემის დაავადებების გარდა, ჰიპოქსიის (ჟანგბადის შიმშილის) მიზეზი შეიძლება გახდეს გულსისხლძარღვთა დაავადებები, მოწევა, ანემია და ჭარბი წონა, რაც იწვევს გასუქებას.

ბოლო დრომდე ისეთი ხელსაწყოს არსებობის შესახებ, როგორიც პულსოქსიმეტრია, ჩვენი პაიენტებიდან წარმოდგენა ჰქონდათ მხოლოდ სასუნთქი სისტემის ქრონიკული დაავადებების მქონე ადამიანებს. პანდემიამ შეცვალა დამოკიდებულება რესპირატორული ვირუსული ინფექციების კლასიკური მიმდინარეობის, მათი მკურნალობისა და შესაძლო გართულებების მიმართ. მდგომარეობის სიმძიმის ერთ-ერთი კრიტერიუმია ჰიპოქსიის გამოვლინება (ჟანგბადის უკმარისობა) სუნთქვის უკმარისობის სახით.  ექიმს შეუძლია დაადგინოს სუნთქვის უკმარისობის არსებობა პაციენტის გამოკვლევისას. სახლის პირობებში ორიენტაცია პაციენტს ან მის ნათესავებს, სუნთქვის უკმარისობის არსებობის დადგენა ადვილი არ არის. ქოშინი და  გაძნელებული სუნთქვა შეიძლება არ გამოვლინდეს უძრაობის მდგომარეობაში.

დღევანდელ ეპიდემიოლოგიურ გარემოში ყველას ვურჩევდი ჰქონდეს პულსოქსიმეტრი სახლში. ამ გზით შეგიძლიათ გააკონტროლოთ თქვენი მდგომარეობა და არ გამოტოვოთ მომენტი, როდესაც საჭიროა სამედიცინო დახმარების მოთხოვნა. სპეციალისტების გადაუდებელი დახმარება საჭიროა, როდესაც სატურაცია (სისხლის ჟანგბადით გაჯერება) 94–92%–ზე დაბალია. დევაისების ძირითადი სახეობებია თითისთვის და მაჯისსთვის. შესაბამისად, პირველი ფიქსირდება თითზე. მათი დახმარებით შეიძლება ჟანგბადის დონის გაზომვა როგორც მოზრდილებში, ასევე ბავშვებში. სხვათა შორის, ბავშვებისთვის უფრო კომპაქტური მოწყობილობებია. მეორე ტიპის პულსოქსიმეტრები ხელზე კეთდება - ეს ფიტნეს სამაჯურებია. მათ ასევე შეუძლიათ გაზომონ პულსი და არტერიული წნევა. მთავარი დასკვნა, რომელსაც ექიმები აკეთებენ გაზომვების საფუძველზე, არის ის, თუ რამდენად ქსოვილები მარაგდებიან სისხლით და  ჟანგბადით, აქვს თუ არა ადგილი ჟანგბადის შიმშილს. მაგრამ მის მიზეზს პულსოქსიმეტრის დახმარებით ჩვენ ვერ დავადგენთ. 

ეკატერინა ვოსტრიკოვა,  „სმ-კლინიკის“ ჰოლდინგის მთავარი ექიმის მოადგილე

=============

ბელორუსის ჯანდაცვის სამინისტრომ ოფიციალურად ცნო COVID-19 ფსიქიკურ დაავადებად

გაფართოებულ კოლეგიაზე, რომელიც მიეძღვნა ქვეყანაში ახალი კორონავირუსის ინფექციის გავრცელებისთვის წინააღმდეგობის გაწევას, ბელორუსის ჯანდაცვის სამინისტრომ შეიტანა ცვლილებები სახელმწიფო სამედიცინო სტანდარტში.

  მთავარი სიახლე გახდა ფსიქიკური დაავადებების რაოდენობის გაფართოება, რომელთა კატეგორია COVID-19–ით შეივსო. ამავე დროს, კორონავირუსი გამოირიცხა ინფექციური დაავადებების კატეგორიიდან. ახალი სტანდარტის თანახმად, 1 აგვისტოდან COVID-19-ით ინფიცირებულს მკურნალობას ჩაუტარებენ ფსიქიატრიულ საავადმყოფოებში, რაც ბელორუსის სხვა სამედიცინო დაწესებულებებში საწოლების განთავისუფლებას შეუწყობს ხელს.

          „ამ წლის დასაწყისიდან მრავალი ბელორუსი მიმართავს სამედიცინო დახმარებას ტემპერატურის მცირედი მატების დროსაც კი. ბევრი ადამიანი კითხულობს უცხოურ საიტებს ან უყურებს უცხოურ ტელეარხებს, სადაც ფსევდოექსპერტები ყოველდღე საუბრობენ კორონავირუსის ახალი სიმპტომების შესახებ. ამ ფონზე ბევრი ფიქრობს, რომ ისინი დაავადებული არიან, და თუ ისინი ჩააბარებენ  დადებით ტესტს, მათ ეწყებათ პანიკა. სინამდვილეში, ტესტების ნდობაც არ შეიძლება, რადგან ისინი ყველა უცხოური წარმოებისაა და განკუთვნილია იმ ქვეყნების მოსახლეობაზე, სადაც ისინი წარმოებულია. ამიტომ, ჯანდაცვის სამინისტრომ მიიღო ერთადერთი სწორი გადაწყვეტილება - COVID-19 მიიჩნიოს ფსიქიურ დაავადებად შესაბამისი მკურნალობით“, - თქვა ბელორუსის ჯანდაცვის მინისტრის პირველმა მოადგილემ დიმიტრი პინევიჩმა.

        უწყების რეკომენდაციების შესაბამისად, ყველა მოქალაქეს, ვინც გადაუდებელი სამედიცინო დახმარებისთვის მიმართავს, გამოუძახებენ ფსიქიატრიულ სასწრაფო დახმარებას და მოათავსებენ სამკურნალოდ ფსიქიატრიული საავადმყოფოების სტაიონარში.