ქალთა დახმარების პლატფორმის „Feelicity“ შექმნის ისტორია - ინტერვიუ დამფუძნებელთან

ქალთა დახმარების პლატფორმის „Feelicity“ შექმნის ისტორია  - ინტერვიუ დამფუძნებელთან

გამოაქვეყნა ნატალია შპიტულამ

 https://www.logaster.ru/blog/assist-women-project-story/

ნიშა: ონლაინ პროექტი ;

პროექტი: რთულ ცხოვრებისეულ სიტუაციებში ქალთა დახმარების პლატფორმა „Feelicity“  ;

როლი: იდეის ავტორი, დამფუძნებელი  და თანახელმძღვანელი;

რეგიონი: რუსეთი;

მოსკოვის კრიზისულ ცენტრ „ანას“ მონაცემებით, ოჯახში ძალადობის შემთხვევების მხოლოდ 3% აღწევს სასამართლო განხილვამდე სისხლის სამართლის საქმის ფარგლებში და ასახულია სტატისტიკაში. რთულ ცხოვრებისეულ სიტუაციაში აღმოჩენილ ქალთა დახმარების პლატფორმა „Feelicity“-ის დამფუძნებლები - იგორ ბარინოვი და ელენა ფილიმონოვა, ჩვენს ინტერვიუში საუბრობენ პლატფორმის შექმნაზე, სამუშაოს ორგანიზებაზე, პროექტებსა და გეგმებზე. 

როგორ გაგიჩნდათ პროექტი  „Feelicity“-ის შექმნის იდეა? რომელ ფილოსოფიას ეყრდნობა თქვენი კომპანია?

სოციალურ სფეროში მუშაობის დროს, 15 წლის განმავლობაში ვხელმძღვანელობდი მოსკოვის ერთ-ერთ მუნიციპალიტეტს. ხშირად მიწევდა ვყოფილიყავი ოჯახური არაკეთილდღეობის, ოჯახში ძალადობის, უსახლკარობის, ასევე მშობლების მიერ მშობლის მოვალეობის შეუსრულებლობის მოწმე. ასეთი მოვლენების პროფილაქტიკის სახელმწიფო სისტემა, ვერ ვიტყვი, რომ არაეფექტურია, მაგრამ სხვა რამეს ეხება. ის, ჩემი აზრით, არ არის ძალიან მოქნილი და დიფერენცირებულად არ უდგება ადამიანის, როგორც ინდივიდის პრობლემას. ადგილობრივი თვითმმართველობის ორგანოების სისტემაში მუშაობისას მოქმედებთ მხოლოდ თქვენი უფლებამოსილების ფარგლებში, არ გაქვთ შესაძლებლობა გასცდეთ მის ფარგლებს. და მხოლოდ ჩემი სამსახურიდან წამოსვლის შემდეგ, მშვენიერ ოჯახის ფსიქოლოგთან, ელენა ფილიმონოვასთან ერთად, გადავწყვიტეთ შეგვექმნა ინტერნეტ-პროექტი „Feelicity“. ჩვენი კონცეფციის მიხედვით, ეს არის საიტი, რომელიც საწყის ეტაპზე მოიცავს ონლაინ სკოლას სახელწოდებით „Proგანქორწინება“. 

რატომ გავაკეთეთ ეს?

ინტერნეტში არის მრავალი იურიდიული რესურსი იმის შესახებ, თუ როგორ უნდა მოხდეს განქორწინების გაფორმება სწორად, რა საბუთებია საჭირო ამისთვის და ა.შ. მაგრამ ისინი ზოგჯერ გადატვირთულია პროფესიული სლენგით და ჩვეულებრივი ადამიანებისთვის გაუგებარია.

ასევე არსებობს მრავალი სხვადასხვა სპეციალისტი, ქალთა ჯგუფი და საიტი, რომლებიც  ამა თუ იმ ფორმით ფსიქოლოგიურ დახმარებას  უწევენ.

სტრესულ მდგომარეობაში მყოფი ადამიანებისთვის ამ ყველაფერში გარკვევა საკმაოდ რთულია და ზოგჯერ შეუძლებელიც. იურისტებთან და ფსიქოლოგებთან ვიზიტებს ხშირად არა მხოლოდ დიდი დრო, არამედ ფულიც სჭირდება.

ჩვენ ჩვენს თავზე ავიღეთ მისია, შეგვექმნა ადვილად გასაგები კურსი, რომელიც აერთიანებს როგორც განქორწინების ფსიქოლოგიურ ასპექტს, ასევე მასთან დაკავშირებულ იურიდიულ საკითხებს.

ჩვენი ონლაინ კურსის განსხვავებები და უპირატესობები: 

ჩვენ შევეცადეთ გაგვეთავისუფლებინა ჩვენი კურსის გავლის მსურველები მშრალი, რთული იურიდიული ენისგან და „საშინელი“ ფსიქოლოგიური ტერმინებისგან.

გავხადეთ კურსი ადვილად გასაგები, რომელიც მარტივი ადამიანური ენით ახსნის განქორწინების ყველა ეტაპს, ამ პროცესის ყველა ფსიქოლოგიურ ხვრელს და იურიდიულ წვრილმანებს.

ჩვენ შევიმუშავეთ უნიკალური ფსიქოლოგიური მეთოდიკა სახელწოდებით „ფილისიტის ბორბალი“ და შევავსეთ იგი იურიდიული ბლოკით, გასაგები პრაქტიკული გამოყენებისთვის, სახელწოდებით „განქორწინება გამოუცდელებისთვის“

რა ტიპის პრობლემებს აგვარებთ  ან გეგმავთ მოგვარებას? 

როგორც უკვე აღვნიშნეთ, ჩვენი კურსი ორი ნაწილისგან შედგება. პირველი ნაწილი ფსიქოლოგებმა შეიმუშავეს და მას ჰქვია „ფილისიტის ბორბალი“.

რატომ ასეთი სახელი? ეს უკავშირდება სანსარას ბორბალს, რომლის მსგავსად ჩვენი ურთიერთობაც იგივე ციკლური ხასიათისაა. ურთიერთობები მუდმივად ხელახლა ჩნდება, წარმოიქმნება ან უფრო მაღალ დონეზე, ან დეგრადირებს უფრო დაბალ დონეზე. ჩვენი უნიკალური მეთოდოლოგიის ამოცანაა, რომ მისი გამოყენებით თქვენი ურთიერთობა ყოველთვის განვითარდეს აღმავალი თანმიმდევრობით.

მიჰყევით ჩვენს მეთოდს, და თქვენ:

ისწავლით ემოციებთან გამკლავება;

გაარკვევთ  თქვენს როლს ცხოვრებაში;

გაარკვევთ, ვის უნდა დაეყრდნოთ განქორწინების რთულ სიტუაციაში;

გაარკვევთ, რატომ გემართებათ ეს;

გაიგებთ, როგორ მოიქცეთ, როცა ძალა ამოგეწურება;

გააცნობიერებთ, რომ განქორწინება არ არის დასასრული, არამედ მხოლოდ ბედნიერი დასაწყისია;

და ასევე გაარკვევთ, ღირს თუ არა ოჯახის გადარჩენა თუ წერტილის დასმა ჯობია.

მეორე ნაწილი შემუშავებულია იურისტების მიერ და ჰქვია „განქორწინება გამოუცდელებისთვის“ .

თითოეულ ვიდეო გაკვეთილს ახლავს საშინაო დავალება, ტრენინგები და საინტერესო სქემები საკუთარი თავის შეცნობისათვის. სახელი თავისთავად ცხადია. ეს გამარტივებული კურსია მათთვის, ვისაც არ აქვს იურიდიული განათლება, მაგრამ განქორწინების დროს იურიდიული პრობლემების წინაშე აღმოჩნდა და მათ გარკვევაში მსურველები არც ისე ბევრი არიან. ეს კურსი მათთვის არის, ვისაც არ აქვს არც დრო და არც ფული იურისტებისთვის.

კურსი განმარტავს შემდეგ კითხვებს მარტივ, ხელმისაწვდომ ენაზე:

სად და რის საფუძველზე უნდა მივმართო განქორწინებისთვის?

რა არის საჭირო განქორწინებისთვის? რა დოკუმენტები და განცხადებები?

როგორ გავყოთ ქონება?

როგორ დავეხმაროთ ბავშვებს განქორწინებისას?

როგორ უნდა დაინიშნოს ალიმენტები ბავშვებისთვის და თქვენთვის?

როგორ შევადგინოთ და შევწყვიტოთ საქორწინო ხელშეკრულება?

თითოეულ კითხვას თან ახლავს არა მხოლოდ ვიდეო გაკვეთილი, არამედ მენტალური რუქებიც, რომლებიც დაგეხმარებათ სწრაფად, რამდენიმე წუთში გაერკვეთ  რთულ იურიდიულ პრობლემაში.

 თქვენ მუშაობთ მხოლოდ კლიენტებთან რუსეთიდან, თუ თქვენი მომსახურება ხელმისაწვდომია ყველასთვის მსოფლიოში, ვისაც დახმარება სჭირდება?

ეს ინტერნეტ-პროექტია და მისი გამოყენება შეუძლია ჩვენი პლანეტის ნებისმიერ რუსულენოვან მკვიდრს, მიუხედავად მისი საცხოვრებელი ადგილისა. ჯერ ონლაინ სკოლის შექმნის პროცესი არ დასრულებულა და საიტი დამუშავების პროცესშია, ამიტომ ჩვენ შევქმენით ჯგუფი VKontakte მწვავე თემების და ადამიანების სოციალიზაციის განსახილველად, ძირითადად ქალების, რომლებიც რთულ ცხოვრებისეულ სიტუაციებში აღმოჩნდებიან.

გეგმავთ თუ არა გახსნათ ანგარიში შემოწირულობისთვის, რათა გქონდეთ შესაძლებლობა დაეხმაროთ იმ ქალებს, ვინც მატერიალურად შეზღუდულია?

შემოწირულობაზე და ფინანსებზე ჯერ არ გვიფიქრია, მაგრამ ყველაფერი შესაძლებელია. მნიშვნელოვანია დაწყება და ყურადღების მიქცევა პრობლემაზე. იცით თუ არა, რომ რუსეთში სტატისტიკის მიხედვით, 1 000 რეგისტრირებული ქორწინებიდან 621 განქორწინებულია? იცით თუ არა, რომ რუსეთში ყოველი მეხუთე მამაკაცი თავის შვილს არ ზრდის? ყოველი მეხუთე ქალი ოჯახში ფიზიკური ძალადობის მსხვერპლია, ხოლო ჩვენს ქვეყანაში ქალების 38% განიცდის ფსიქოლოგიურ ძალადობას ოჯახში. ადამიანებს ძირითადად ფსიქოლოგების ეშინიათ, ხშირად არ აქვთ საკმარისი დრო და ფინანსები იურისტებისთვის. ჩვენ ვცდილობთ ამ პრობლემის ადგილიდან დაძვრას  საკუთარი მწირი ძალებით. მაგრამ ჩვენ გვაქვს ძალა და სურვილი.

როგორ მოახერხეთ თქვენი პლატფორმის მუშაობის ორგანიზება: რამდენმა ადამიანმა დაიწყო პროექტი და რამდენი მუშაობს ახლა?

ჯერ-ჯერობით ორნი ვართ. მე (განათლებით იურისტი) და ფსიქოლოგი ელენა ფილიმონოვა. მაგრამ სამომავლოდ ჩვენ ვაპირებთ ადამიანების და თანამოაზრეების მოზიდვას დახმარებისთვის. დაგვჭირდება იურისტები, ფსიქოლოგები, პროგრამისტები და ადამიანები, რომლებიც ერკვევიან სოციალურ ქსელებში პოპულარიზაციაში.

არის თუ არა ისტორია, რომელმაც ყველაზე დიდი შთაბეჭდილება მოახდინა თქვენზე? 

ისტორია ბევრია, განსაკუთრებით მაშინ, როცა მე ვხელმძღვანელობდი არასრულწლოვანთა საკითხთა და მათი უფლებების დაცვის კომისიას. ზოგჯერ ვერ ხვდები, როგორ შეიძლება, როცა დედა სახლიდან ორი დღით მიდის და ტოვებს 10 წლის შვილს სახლში მარტოს, იოგურტის კოლოფით აივანზე. ან როგორ შეიძლება დედამ სახლში მიიყვანოს მამაკაცები და მათთან ერთად დაიძინოს იმავე საწოლში, სადაც ბავშვს სძინავს? ან როგორ შეიძლება არასრულწლოვან ბავშვს ძაღლთან ერთად დერეფანში ფარდაგზე აიძულო ძილი? ყველა ეს ამბავი და ბევრი სხვა გავიარე და მოვაგვარე.

რას ურჩევდით ჩვენს მკითხველებს, რომლებიც მხოლოდ გეგმავენ პროექტის დაწყებას გაჭირვებულთა დასახმარებლად (იქნება ეს სოციალური თუ კომერციული)?

რჩევა, ალბათ, მარტივი იქნება. მაგრამ ის მთელი გულით უნდა იგრძნო.  უნდა გჯეროდეთ პროექტის და მან სარგებლობა უნდა მოუტანოს ადამიანებს.

https://refugee.ru/news/магнит-компенсация-мигрантке/

   „მაგნეტში“ ნაცემი მიგრანტი ქალი 35 ათას რუბლ კომპენსაციას მიიღებს

გულნარა ბობოჯანოვამ, „სამოქალაქო ხელშეწყობის“ კომიტეტის ადვოკატმა, მიაღწია კომპენსაციის ანაზღაურებას მიგრანტისთვის ტაჯიკეთიდან, რომელსაც 2019 წლის მარტში თავს დაესხა მაღაზია „მაგნიტის“ თანამშრომელი. მოსკოვის რეგიონის შჩელკოვოს საქალაქო სასამართლომ მიიღო გადაწყვეტილება სს „ტანდერის“ დამსაქმებლისგან 35 ათასი რუბლის ზღვევინების შესახებ სამსახურებრივი მოვალეობის შესრულებისას მათი თანამშრომლის ქმედებების გამო. 

„კომპენსაციის ოდენობა დამოკიდებულია კონკრეტული საქმის გარემოებებზე. მაღაზიათა ქსელ „მაგნიტის“ ხელმძღვანელობას ბოდიში დღემდე არ მოუხდია დაზარალებული მომხმარებლისთვის, დამნაშავემ - მაღაზია „მაგნიტის“ თანამშრომელმა - ასევე არ მოუხადა მას ბოდიში, ზიანის ანაზღაურების აბსოლუტურად არანაირი წინადადებები არ ყოფილა. სს „ტანდერის“ სამოქალაქო საქმეზე მოპასუხემ უარი თქვა სამომრიგებლო შეთანხმების დადებაზე. მათ შორის, ამ გარემოებებმაც მოახდინა გავლენა სასამართლოს მიერ მოპასუხისგან - სს „ტანდერისგან“ ამოღებული მორალური ზიანის ანაზღაურების ოდენობაზე“, - კომენტარს აკეთებს სასამართლოს გადაწყვეტილებაზე გულნარა ბობოჯანოვა.

ასევე სასამართლოში სიტყვით გამოსვლისას, ადვოკატმა ცალკე აღნიშნა არა მხოლოდ მსხვერპლის მორალური ტანჯვა, რომელიც დაკავშირებულია მასზე სხეულის დაზიანებისა და ფიზიკური ტკივილის მიყენებასთან, „მაგნიტის“ მაღაზიის თანამშრომლის უსამართლობასთან და უკანონო ქმედებებთან, არამედ მისი არასრულწლოვანი შვილების მორალური ტანჯვის შესახებ, როდესაც მათ დედა ნაცემი ნახეს.

რა მოხდა

2019 წლის მარტში, მეან-გინეკოლოგი ტაჯიკეთიდან სამსახურის შემდეგ შევიდა მაღაზიაში „მაგნიტი“, შჩელკოვოში, მოსკოვის მახლობლად, პროდუქტების შესაძენად, იქიდან კი გამოვიდა სრულიად დეზორიენტირებული, დაჟეჟილობებით და თვალის ქვეშ სისხლჩაქცევებით. სუპერმარკეტში მას თავს დაესხა მაღაზიის თანამშრომელი ირინა მამაევა. მან მიგრანტს ჯერ ქსენოფობიური შეურაცხყოფა მიაყენა, შემდეგ კი შტრიხკოდის სკანერი სახეში და თავში ჩაარტყა, ხოლო როდესაც ქალი დაეცა, მუცელში ფეხებით დაუწყო ცემა. მიგრანტის დასახმარებლად არავინ მოსულა. გამოძახებით მისულმა პოლიციის თანამშრომლებმა ოქმის შედგენაზე უარი განაცხადეს. „მიგრანტი ხარ, ჩივილის უფლება არ გაქვს“, - იყო პასუხი. სასწრაფოს თანამშრომლებმა გაუზომეს წნევა და მისცეს ხელმოსაწერად ორი ბლანკი - სამედიცინო დახმარებაზე უარი. მოგვიანებით, შჩელკოვოს №2 რაიონული საავადმყოფოს ტრავმპუნქტში დაზარალებულს დაუფიქსირეს დაჟეჟილობები და სისხლჩაქცევები და გააგზავნეს ოფთალმოლოგსა და ქირურგთან. „სამოქალაქო ხელშეწყობის“ კომიტეტი მიგრანტს დაეხმარა  ნ.ვ. სკლიფოსოვსკის  სახელობის სამეცნიერო-კვლევით ინსტიტუტში კონსულტაციების და მედიკამენტების ანაზღაურებაში.

მაღაზიის თანამშრომლის თავდასხმის მიზეზი წყენა გახდა. რამდენიმე თვით ადრე მომხმარებელმა სუპერმარკეტის ხელმძღვანელობასთან იჩივლა, რომ მის შვილს ვადაგასული იოგურტი მიჰყიდეს. ამის გამო ქალის უმცროსი ვაჟი ძლიერ მოიწამლა და 39,7 ტემპერატურით საავადმყოფოში მოათავსეს. ირინა მამაევა ვადაგასული საქონლის გაყიდვისთვის დააჯარიმეს.

სასამართლოსთვის მიმართვა

თავდასხმის შემდეგ დაზარალებული რამდენიმე თვე ვერ მუშაობდა, მას თავის ტკივილი აწუხებდა. „სამოქალაქო ხელშეწყობის“ კომიტეტმა სამი თვის განმავლობაში გამოაცხადა სახსრების შეგროვების კამპანია მიგრანტისა და მისი შვილების მხარდასაჭერად. ჩვენ ასევე განვათავსეთ პეტიცია Change.org-ზე, სადაც „მაგნიტს“ მოვთხოვეთ  ბოდიშის მოხდა დაზარალებულისთვის და ფულადი კომპენსაციის გადახდა მიყენებული ზიანისთვის. ამ პეტიციას 55 ათასზე მეტმა ადამიანმა მოაწერა ხელი, მაგრამ პეტიციას სუპერმარკეტების ქსელის ხელმძღვანელობის მხრიდან რეაქცია არ მოჰყოლია.

ადვოკატი გულნარა ბობოჯანოვა დაეხმარა დაზარალებულს განცხადების დაწერაში მოსკოვის რეგიონის ქალაქ შჩელკოვოს პოლიციაში და პროკურატურაში. ასევე გაეგზავნა მიმართვა სს „ტანდერს“ შიდა გამოძიების ჩატარებისა და თავდასხმის დღეს მაღაზია „მაგნიტის“ ვიდეოკამერის ჩანაწერის მიწოდების მოთხოვნით, რომელიც უყურადღებოდ დარჩა და პასუხი არ იქნა მიღებული. შედეგად, შჩელკოვოს რაიონის სასამართლო ოლქის №280 მოსამართლემ სუპერმარკეტ „მაგნიტის“ თანამშრომელი ირინა მამაევა დამნაშავედ ცნო მომხმარებლისთვის ფიზიკური ტკივილისა და სხეულის დაზიანების მიყენებაში (რუსეთის ფედერაციის ადმინისტრაციულ სამართალდარღვევათა კოდექსის 6.1.1 მუხლი. „ცემა“). მას 5000 რუბლის ოდენობის ჯარიმა მიუსაჯეს.

სასამართლო სხდომაზე ცნობილი გახდა, რომ დამსაქმებელმა არა მხოლოდ არ ჩაატარა ოფიციალური გამოძიება ამ ინციდენტთან დაკავშირებით, არამედ დააწინაურა ირინა მამაევა და დანიშნა მაღაზია „მაგნიტის“ მიმდებარე მაღაზიის დირექტორად. ამის შესახებ გულნარა ბობოჯანოვამ ასევე ცალკე აღნიშნა შჩელკოვოს საქალაქო სასამართლოს სხდომაზე სს „ტანდერისგან“ მორალური ზიანის ანაზღაურების მოთხოვნის განხილვის შესახებ სასარჩელო განცხადების განხილვასთან დაკავშირებით. „ჩემი გამოსვლის დასასრულს, მე ხაზგასმით მინდა აღვნიშნო, რომ ეს, ალბათ, კომპანიის ასეთი პოლიტიკაა“ - სცემე მომხმარებელი - მიიღე დაწინაურება“. რჩება განცდა, რომ ირინა მამაევა ასრულებდა რაიმე სახის ქვესტს ან გადიოდა რაიმე სახის გამოცდას, რადგან ადმინისტრაციული წარმოების დროს ცემისთანავე, მან მიიღო დაწინაურება საქონელმცოდნედან დირექტორად“, - აღნიშნავს ადვოკატი.

მოსკოვის ოლქის შჩელკოვოს საქალაქო სასამართლოს მოსამართლემ ო.დ. კოლესნიკოვამ მორალური ზიანის ანაზღაურების სარჩელის განხილვისას გაითვალისწინა მომრიგებელი მოსამართლის გადაწყვეტილება „მაგნიტის“ თანამშრომლის ბრალის შესახებ მომხმარებლის ცემასთან დაკავშირებით. გარდა ამისა, თავის გადაწყვეტილებაში მოსამართლემ აღნიშნა, რომ ირინა მამაევასა და სს „ტანდერს“ შორის დაიდო შრომითი ხელშეკრულება და იურიდიულმა პირმა უნდა აანაზღაუროს თანამშრომლის მიერ სამსახურებრივი მოვალეობის შესრულებისას მიყენებული ზიანი. სს „ტანდერი“, თავის მხრივ, ამტკიცებდა, რომ მათი კომპანია არის არასათანადო მოპასუხე საქმეზე და მორალური ზიანის ანაზღაურება დამნაშავემ უნდა გადაიხადოს.

სასამართლომ დაადგინა სს „ტანდერისგან“ მორალური ზიანის ანაზღაურება 35 ათასი რუბლის ოდენობით. სასამართლოს გადაწყვეტილება კანონიერ ძალაში შევიდა.