რესურსული ქალი საოცარი ძალაა: საკუთარი თავისთვის, მამაკაცისთვის და საზოგადოებისთვის

 https://5sfer.com/resursnaya-zhenshhina-myagkaya-s-muzhchinoj-i-nastojchivaya-v-realizaczii-czelej/

ვიქტორია ილიაშენკო 

რესურსული ქალი საოცარი ძალაა: საკუთარი თავისთვის, მამაკაცისთვის და საზოგადოებისთვის

რესურსული ქალი: ვინ არის, რა დამოკიდებულება აქვს ცხოვრების, ფულის და მამაკაცის მიმართ? 

თითოეული ჩვენგანი ოცნებობს, რომ იყოს ბედნიერი და იყოს რესურსში. შეიძლება იყო მდიდარი და წარმატებული, ჯანმრთელი ან პოპულარული, მაგრამ ამავე დროს იყო  ღრმად უბედური.

თითოეულ ჩვენგანს აქვს საკუთარი წარმოდგენა ბედნიერებაზე. ზოგისთვის ბედნიერება წყნარი და მშვიდი ოჯახური ცხოვრებაა, ვიღაც ეძებს საკუთარი თავის რეალიზაციის შესაძლებლობას შემოქმედებაში ან ბიზნესში, ვიღაცას კი ბედნიერებისთვის ესაჭიროება უსახლკარო ცხოველთა დახმარება. ავადმყოფისთვის ბედნიერება ნიშნავს ჯანმრთელობას, მშიერისთვის - პურის ნაჭერს, უსახლკაროსთვის კი - თავშესაფარს.

დარწმუნებული ვარ, რომ თითოეულ ჩვენგანს ექნება საკუთარი განმარტება, მაგრამ, მიუხედავად ამისა, ყოველთვის სასარგებლოა იმის ცოდნა, თუ რას ამბობენ კაცობრიობის დიდი მოაზროვნენი ამის შესახებ. გამონათქვამები და აფორიზმები ზოგჯერ გვეხმარება უფრო ღრმად გავერკვეთ, რა არის ბედნიერება ჩვენთვის. 

 „ბედნიერი ის კი არ არის, ვისაც ყველაფერი საუკეთესო აქვს, არამედ ის, ვინც ყველაფერს საუკეთესოს იღებს იმისგან, რაც აქვს“. — კონფუცი, უძველესი ჩინეთის მოაზროვნე და ფილოსოფოსი

სინამდვილეში რა გვაქვს? რა არის ჩვენი რესურსი? მოდით ვიმსჯელოთ ამ თემაზე. რესურსი არის პოტენციალი. ფრანგულიდან ressource - ნიშნავს მარაგს, შესაძლებლობებს, სახსრების წყაროს. ეს არის ის, რაც გვეხმარება რთულ სიტუაციებში გადასარჩენად. ეს არის შინაგანი ძალა, რომელიც გვეხმარება დაღლილობისა და სასიცოცხლო ენერგიის დაქვეითების პერიოდში. მაგრამ ახლა იმ ძალაზე კი არ ვსაუბრობ, რომელიც ქალს საფორანე ცხენად აქცევს და აიძულებს ცეცხლმოკიდებულ ქოხში შესვლას. ქალებიდან ძალიან ცოტა თუ აცნობიერებს მათ ძალას და იცის, როგორ გამოიყენოს იგი.        

რესურსული ქალი: ვინ არის ის ? 

არსებობს ბევრი ძალის მოსამატებელი ეფექტური ტექნიკა, მაგრამ არცერთი ტექნიკა არ  იმუშავებს, თუ ქალი არ იმყოფება სიამოვნების, ჰარმონიის, მადლიერების და ნდობის მდგომარეობაში. ეს არის ქალის „რესურსული“ მდგომარეობის მოკლე აღწერა. როცა ქალი „რესურსულ“ მდგომარეობაშია, წარმოუდგენელ ძალას იძენს.

ასეთი ქალი სამყაროს უფრო ლამაზს და ჰარმონიულს ხდის. ასეთ ქალს აქვს მკაფიო მე-კონცეფცია:

მკაფიო გაგება იმისა, თუ ვინ ვარ,

როგორი ვარ,

რა მინდა,

რა მომწონს,

რა არ მომწონს,

რა მიყვარს,

რას ვერ ვიტან

რას ვაფასებ

რა მაკავებს დედამიწაზე,

როგორი მინდა სხვებმა რომ მიხილონ,

საით მივდივარ,

რას მინდა მივაღწიო.

 და ეს ყველაფერი მხოლოდ შვილების გაჩენით და შთამომავლობის აღზრდით არ შემოიფარგლება. მამაკაცი აფასებს ქალს, რომელმაც გააჩინა და აღზარდა მისი შვილები, მაგრამ, ნაკლებად სავარაუდოა, რომ ეს საკმარისი აღმოჩნდეს ურთიერთობების შესანარჩუნებლად. აკავებს სხვა რამ. ქალური. რასაც ბევრი აქტიური ქალი უარყოფს.

როდესაც ქალი სოციალურად რეალიზებულია, ის კარგავს სინაზეს, სითბოს და სიყვარულის მინიწების უნარს. ყველას არ შეუძლია მიიღოს სხვა და სიყვარული აჩუქოს მას. მამაკაცისთვის ტკბილი ქალურობა ღრმაა, საკუთარი თავის თავდაჯერებული გაგებიდან გამომდინარე. ჩნდება მასში შესვლის, ჩაძირვის, დამშვიდების სურვილი. ამავდროულად, თვითრეალიზაცია და სოციალური აქტივობა არ არის უარყოფილი, არამედ მისასალმებელიც კი არის. 

რესურსული ქალი გატაცებულია საყვარელი საქმით და იცის, რას იმსახურებს

ჩამოყალიბებულ, თვითკმარ მამაკაცს სურს იამაყოს თავისი ქალით. მას სურს პატივი სცეს მას. იხილოს რბილი მის მიმართ და მომთხოვნი მიზნების განხორციელებაში. არ არის აუცილებელი იყო რაღაცაში საუკეთესო, საკმარისია მხოლოდ  იყო ძალიან გატაცებული.

„ნამდვილი ქალი არ ღელავს, ის მღელვარებას იწვევს“. - მარლენ დიტრიხი, გერმანელი და ამერიკელი მსახიობი

ძალიან მნიშვნელოვანია გქონდეს საქმე, გატაცება, იყო დაკავებული. პიროვნებით სავსეობა უბრალოდ აუცილებელია. მუდმივად ცოდნის და უნარების გაფართოება. გქონდეს წარმოდგენა ცხოვრების სხვადასხვა ასპექტზე და გიყვარდეს მისი სხვადასხვა გამოვლინებები. გიყვარდეს სამყარო და ხალხი. დაინტერესდე იმით და ამით და ძალიან შეიყვარო რაღაც. გიყვარდეს ის, რასაც ქალი გამოხატავს, ​​აჩვენებს, რაშიც ის პოულობს საკუთარ თავს.

ქალმა ზუსტად უნდა იცოდეს, რომ სიყვარულისა და პატივისცემის ღირსია. მას უყვარს საკუთარი თავი. იცავს თავის სხეულს და სულს. არ უშვებს იქ შემთხვევით გამვლელებს. რესურსულ ქალს გააჩნია ღირსება და თვითპატივისცემა.

რესურსული ქალი  კომუნიკაბელური და მიმზიდველია

კიდევ ასეთ ქალს აქვს ისეთი სივრცე, რომელშიც მას შეუძლია დიდი რაოდენობით ადამიანების შენარჩუნება. მას შეუძლია გავლენა ჰქონდეს საზოგადოებაში და მის ოჯახში. ასეთი ქალები არიან გალაქტიკების ცენტრი: მათ ირგვლივ იკრიბებიან ბავშვები, ძმისშვილები, ბავშვებისა და ძმისშვილების მეგობრები, მეზობლები და თანამშრომლები. ისინი იდეებისა და ადამიანების მიზიდულობის ცენტრია.

მამაკაცები გრძნობენ პოტენციალს და ესმით, რომ ასეთ ქალს შეუძლია ახალი იმპულსი მისცეს, ახალი ბრუნი, ახალი მსოფლშეგრძნება და სხვა დონეზე გადასვლა. მაგრამ ყველა მამაკაცს შესწევს უნარი ჰყავდეს ასეთი ქალი? არა. ყველას არც სჭირდება. რესურსები ეძლევა მათ, ვინც მზად არის მიიღოს ისინი და იცის, როგორ გამოიყენოს ისინი. 

საჭიროა კი ამ ყველაფრის გაკეთება მამაკაცისთვის? არ არის საჭირო. უნდა განავითაროთ საკუთარი თავი თქვენთვის. ჩვენ უნდა გემრიელად ვგრძნობდეთ თავს, საინტერესოდ, მრავალფეროვნად და სულ ცოტა ამაღელვებლად. და მე ვიცი, რომ ნებისმიერ ქალს შეუძლია გააღვიძოს, შეინარჩუნოს და გაზარდოს თავისი უსაზღვრო ძალის რესურსი, როგორც კი გადაწყვეტილებას მიიღებს და არ გადაუხვევს სწორ გზას.

=========

ქალი ბუნებით იმდენად ძლიერია, რომ ცოდნისა და სიბრძნის გარეშე მას შეუძლია საკუთარი თავის და გარშემო ყველაფრის განადგურება.

„ქალურობა არ არის პრანჭიაობა, მაქმანები და ვარდისფერი წვინტლი.

ეს არის ქალის მდგომარეობა, ხარისხი, კვალიფიკაცია და მისი სიმწიფის ატესტატი.

ეს არის უნარი მიიღო სამყარო და მასში შემავალი ადამიანები ისეთი, როგორებიც არიან და გულწრფელად გაიხარო იმით, რაც გაქვს.

ეს არის ოკეანის სიმშვიდის შენარჩუნების უნარი, როცა ირგვლივ სიცოცხლე ბობოქრობს.

ეს არის მკლავებში მტირალი ბავშვის და  მამაკაცის რისხვის მისი ნაზი ღიმილით დამშვიდების უნარი.

ეს არის შთაგონების და ფრთებზე აფრენის უნარი მხოლოდ ერთი შეხედვით.

ეს არის თქვენი ხმით განკურნების უნარი. ეს არის გამარჯვების უნარი ბრძოლისა და წინააღმდეგობის გარეშე. 

ეს არის მიღების და არა მიღწევის და მოთხოვნის უნარი.

ეს არის სიტუაციის შეცვლის უნარი საკუთარი სიმშვიდისა და ყოფნის ძალით.

ქალურობა არის სიღრმე, რომელიც ინახავს ცხოვრების უთვალავ საგანძურს და სიმდიდრეს.

ეს არის უფსკრული, რომელსაც შეუძლია შთანთქას ნებისმიერი ნეგატივი, მიიღოს  ყველა ნასროლი ქვა და აქციოს ის საძირკველის ნაწილად.

ეს არის სინაზე, რომელიც ბასრ კლდეებს გლუვად გადააქცევს. ეს არის სიცარიელე, რომელიც იღებს და აძლევს სივრცეს ზრდისათვის და ადგილს გმირობისთვის.

ეს არის ცოცხალი წყლით სავსე ჯადოსნური ჭურჭელი, რომელსაც შეუძლია უდაბნო აყვავებულ ბაღად აქციოს. 

ქალურობა ყოველთვის საუკუნეების სიღრმიდან მოსული სიბრძნეა. ქალი სიბრძნის გარეშე იგივეა, რაც მანქანა მძღოლის გარეშე, უმართავი მოდელი, საშიში საკუთარი თავისთვის და საზოგადოებისთვის.

სტრესის ქვეშ მყოფი ქალი ორმაგად სახიფათოა, რადგან უხვი, მიმცემი, შთამაგონებელი საწყისის მქონე არსებიდან ის მომხმარებელად, შფოთვისა და დეფიციტის წყაროდ გარდაიქმნება.

შემთხვევითი არ არის, რომ უხსოვარი დროიდან ქალებს ყოველთვის უფრთხილდებოდნენ და მარტო არ ტოვებდნენ. შემთხვევით არ არის ნათქვამი ვედებში, რომ დეგრადაცია სწორედ ქალიდან იწყება.

მაშ, ვისგან, თუ არა ქალისგან, უნდა დაიწყოს აღორძინება?

როდესაც ვიღებთ პასუხისმგებლობას  საკუთარ ცხოვრებაზე, საკუთარ რეაქციებზე და გადაწყვეტილებებზე, ეს ნიშნავს, რომ ჩვენ ზრდასრულები ვხდებით.

როდესაც ჩვენთვიც ნათელი ხდება, რომ ყველაფერი ურთიერთკავშირშია, რომ ნებისმიერ მოქმედებას აქვს თავისი შედეგი მომავალში, რომ ყოველ წამს ჩვენ თვითონ ვაკეთებთ საკუთარ არჩევანს და რომ სწორედ ეს არჩევანი განსაზღვრავს ჩვენს ბედს, ჩვენ რეალურად ვხდებით გაცნობიერებულები.

გაცნობიერებულები ჩვენ ვპოულობთ საკუთარ თავს და ვიძენთ ჭეშმარიტ სიბრძნეს.

და მაშინ ჩვენ შეგვიძლია დავიკავოთ ჩვენი, როგორც ქალღმერთის,  კანონიერი პოზიცია, ჩვენი ეკოლოგიური ნიშა, ჩვენი ადგილი სამყაროში, სადაც ის ხელი, რომელიც აკვანს არწევს, მთელ სამყაროს მართავს!

საიტი  "OMAR TA SATT"

რას ნიშნავს ქალი რესურსში?

ეს არის ქალის „რესურსული“ მდგომარეობის მოკლე აღწერა. როდესაც ქალი „რესურსულ“ მდგომარეობაშია, ის წარმოუდგენელ ძალას იძენს. ასეთი ქალი სამყაროს უფრო ლამაზს და ჰარმონიულს ხდის. და მე ვიცი, რომ ნებისმიერ ქალს შეუძლია მოიპოვოს უსაზღვრო ძალაუფლების რესურსი, მან უბრალოდ უნდა მიიღოს გადაწყვეტილება და არ გადაუხვიოს სწორ გზას.

==

https://www.admagazine.ru/design/zhenschiny-v-teni-muzhskogo-dizajna#intcid=_ad-ru-right-rail_27ea1458-21b9-478c-9c67-2b72fc5c0cf4_cral-top2-2

ქალები მამაკაცთა დიზაინის ჩრდილში: 6 ამბავი

 ბოლო დროს ტრენდად იქცა საუბარი ქალებზე არქიტექტურასა და დიზაინში, თითქოს ხდება იმ წლების კომპენსირება, როცა მათ დამსახურებას სათანადო ყურადღება არ ექცეოდა.

ელენა კარცევა 

დროდადრო გვესმის, რომ ყველა დიდი მამაკაცის უკან დიდი ქალი დგას. თუმცა, ეს დიდი ქალები არ იდგნენ ვიღაცის უკან, არამედ საკმაოდ დამოუკიდებლები იყვნენ, მაგრამ მათგან რამდენიმემ თუ შეძლო დამსახურებული აღიარების მოპოვება. გაუბედავი მსჯელობა განსაკუთრებული „ქალის დიზაინის“ შესახებ კიდევ უფრო ამძაფრებს სიტუაციას, თითქოს მამაკაცებს აქვთ ნამდვილი დიზაინი,  ხოლო ქალის დიზაინი - თამაში და სრული გაუგებრობაა. შევეცდებით აღვადგინოთ ისტორიული სამართლიანობა და ჩამოვთვალოთ ისინი, ვინც დიზაინის „არაგენდერულ“ პროფესიად გადაქცევის რთულ გზაზე იდგა.

                                                                ლილი რაიხი 

იცოდით, რომ ლუვიგ მიეს ვან დერ როჰეს არ შეუქმნია რაიმე მნიშვნელოვანი ავეჯი არც ლილი რაიხთან თანამშრომლობამდე და არც მის შემდეგ პერიოდში? ლილი რაიხი არა მხოლოდ ერთადერთი ქალი იყო გერმანულ ვერკბუნდეში, არამედ პირველი, ვინც გახდა მისი დირექტორი. ვან დერ როჰესთან ერთად იგი მუშაობდა 13 წლის განმავლობაში, მათ შორის მონაწილეობა მიიღო ავეჯის შექმნაში ბარსელონაში გერმანული პავილიონისთვის. იგი პროფესიონალურად იყო დაკავებული სამრეწველო ნაქარგებით, ვიტრინების და გამოფენების გაფორმებით, დააპროექტა „სარკის ბინა“ შტუტგარტში, ხოლო ვან დერ როეს შეერთებულ შტატებში ემიგრაციის შემდეგ, იგი იზოლაციაში აღმოჩნდა ნაცისტურ გერმანიაში და ომის შემდეგ მალევე გარდაიცვალა.

                                                               მარიანა ბრანდტი 

მისი ვერცხლის ჩაიდანი შევიდა „ბაუჰაუსის“ ყველა სახელმძღვანელოში და გამოფენილია ბრიტანეთის მუზეუმში. პირველი ქალი, რომელიც დაშვებული იქნა ლითონის სახელოსნოში და პირველი ქალი შემდგომში მათი დირექტორი. პროფესიულ წრეებში მისი საფერფლეები, ნათურები, ყავის და ჩაის სერვიზები განიხილება ვაიმარისა და დესაუს პერიოდის ბაუჰაუსის საუკეთესო ნიმუშებს შორის, მაგრამ ფართო საზოგადოების თვალში პირველ ადგილს სამუდამოდ იკავებს მისი მასწავლებელი ლასლო მაჰონი-ნაგი. ნიჭიერმა მხატვარმა, მოქანდაკემ და ფოტოგრაფმა, „ბაუჰაუსის“ გარეთ, მან ვერასოდეს შეძლო დამოუკიდებელი დიზაინერული კარიერის შექმნა და მუშაობდა მასწავლებლად.

                                                                  ეილინ გრეი 

1920-იან და 1930-იან წლებში მან გააფორმა ბინა პარიზში, რუ დე ლოტაზე და ორი სახლი საფრანგეთის ალპებში, რისთვისაც მან დააპროექტა ავეჯი, ნათურები და კედლის პანელები, რისთვისაც გამოიყენა მისი საყვარელი გეომეტრიული ორნამენტები. მას განუვითარდა „ლაქის დაავადება“ - კანის პროფესიონალური დაავადება მათთვის, ვინც მუშაობს ლაქის მინიატურებთან, და რომელსაც მან მთელი ახალგაზრდობა მიუძღვნა. მას ჰქონდა წადგენილი თავისი ნამუშევრები ლე კორბუზიეს მოწვევით 1937 წლის პარიზის გამოფენაზე. თანამედროვეები მას მოდერნიზმის ერთ-ერთ საკვანძო ფიგურად თვლიდნენ, მაგრამ მეორე მსოფლიო ომის შემდეგ იგი თითქოს წაშალეს მეხსიერებიდან, და მთელი დიდება მისი თანამოაზრეებსდაითმო - ლე კორბუზიეს და მალე-სტივენსს. სამწუხარო ირონიით, მისი კარიერა დაიწყო იმით, რომ მან გახსნა საკუთარი გალერეა პარიზში მამაკაცის გამოგონილი სახელით - ჟან დეზერტი.

                                                                     შარლოტა პერრიან 

1927 წელს ლე კორბუზიემ მას ცხვირწინ დაუკეტა თავისი პარიზის სტუდიის კარი: „ჩვენ აქ ბალიშებს არ ვქარგავთ“. ის 24 წლის იყო. იმავე წელს მან შექმნა „ბარი სახურავის ქვეშ“ - სასტუმრო  ოთახი ალუმინის, ფოლადისა და მინისგან. კორბუმ ბოდიში მოიხადა, და ისინი წლების განმავლობაში ერთად მუშაობდნენ. მან დააპროექტა სკამები ქრომირებული ფოლადის მილებიდან, დაინტერესებული იყო ერგონომიკით და ადამიანის სხეულის მდგომარეობით შეზლონგებში, მუშაობდა მასობრივი წარმოების ავეჯის ბიუჯეტზე და ხარჯებზე, 1937 წლის პარიზის გამოფენის, სავოიაში სათხილამურო კურორტის, Cite Universitaire და „მარსელის ერთეულის“ ოთახების გაფორმებაზე. მას უყვარდა აღმოსავლეთი, ცხოვრობდა თითქმის ასი წელი, ახლა კი მის ავეჯს ამზადებს ბრენდის Cassina.

                                                                      რეი იმზი

იმისდა მიუხედავად, რომ ალექსანდრა ბერენის იმზის სახელი ყოველთვის მოიხსენიება მისი ცნობილი ქმრის სახელთან ერთად, შეიძლება შეგექმნათ მცდარი შთაბეჭდილება, რომ ის მხოლოდ მეუღლის ჩრდილი და თანაშემწე იყო. თითქმის მთელი მათი ერთობლივი მუშაობის განმავლობაში, ბიზნესმენებს სურდათ მხოლოდ ჩარლზთან ურთიერთობა, და კრიტიკოსები ყველა ნივთს მხოლოდ მას მიაწერდნენ. თუმცა, Time-Life chair-ის გარდა, რომელიც, მრავალი წყაროს ვერსიით, მთლიანად ალექსანდრას დიზაინი იყო, ის იყო მხატვარი, რომელიც ყურადღებას ამახვილებდა ფერზე, მასალასა და ნახატზე, ქმნიდა ტექსტილის კოლექციებს აბსტრაქტული გეომეტრიული ფორმებით და ძირითადი პალიტრით. ერთ-ერთი გვიან ინტერვიუში ჩარლზ იმზმა თქვა თავის მეუღლეზე: „მე ვამბობ, რომ ეს ყველაფერი გავაკეთე მე, მაგრამ სინამდვილეში მან ჩემზე ნაკლები არ გააკეთა, უბრალოდ, მისი შრომა იმალება იმავე „კორპორატიული“ სახელით“.

                                                                    ფლორენს ნოლ ბასეტი 

ფლორენს ნოლ ბასეტი არქიტექტურულ წრეებში ჯერ კიდევ სკოლის წლებიდან შევიდა ფინელ არქიტექტორთან ელიელ საარინენთან და მის შვილთან მეგობრობის წყალობით. მოგვიანებით ის სწავლობდა XX საუკუნის ისეთ ოსტატებთან, როგორებიც იყვნენ ვალტერ გროპიუსი, მარსელ ბრეერი და ლუდვიგ მიეს ვან დერ როე. თავის მეუღლესთან ჰანს ნოლთან ერთად ჩამოაყალიბა ავეჯის ერთ-ერთი ყველაზე მძლავრი კომპანია და მსოფლიოს აჩვენა რევოლუციური მიდგომა ინტერიერის დაგეგმარებაში - მან არა მხოლოდ მოახდინა სივრცის დეკორირება, არამედ შექმნა იგი. მისი წინადადებით გაჩნდა ახალი ტიპის ოფისი - მარტივი, თანამედროვე, უზარმაზარი მუხის მაგიდები და არასაჭირო ტიხრების გარეშე.

ფლორენსი აქტიურად იყო ჩართული ავეჯის დიზაინში და მისი ზოგიერთი ნამუშევარი უნივერსალური დიზაინის წყალობით XX საუკუნის დიზაინისა და მარადიული ჰიტების ნამდვილ სიმბოლოდ იქცა. 1955 წელს, ქმრის გარდაცვალების შემდეგ, იგი გახდა Knoll-ის პრეზიდენტი, შემდეგ კი გადავიდა კომპანიის დიზაინისა და განვითარების დეპარტამენტის მართვაზე. იგი გარდაიცვალა, როგორც რევოლუციონერი ქალი დიზაინის ინდუსტრიაში, რომელმაც შექმნა სრულიად ახალი სახის საოფისე გარემო და გახდა მოდერნის სტილის „მბრძანებელი“.

ფლორენს ნოლ ბასეტის პატივსაცემი პოსტი: ცხოვრების ისტორია და საარქივო ფოტოები

ზუსტად ერთი კვირის წინ, 25 იანვარს, 101 წლის ასაკში გარდაიცვალა დიზაინერი, არქიტექტორი, ლეგენდარული კომპანია Knoll-ის თანადამფუძნებელი ფლორენს ნოლ ბასეტი. ჩვენ ვიხსენებთ ფაქტებს მისი ბიოგრაფიიდან და ვამბობთ, რატომ ითვლება იგი დამსახურებულად ერთ-ერთ ყველაზე ძლიერ ქალად დიზაინის ინდუსტრიის ისტორიაში.