რადიაციისგან საუკეთესო დაცვაა სველი ხელსახოცები

 https://m.sputnik.by/technology/20181120/1038770836/Kosmicheskiy-layfkhak-luchshaya-zaschita-ot-radiatsii--vlazhnye-salfetki.html

 რადიაციისგან საუკეთესო დაცვაა  სველი ხელსახოცები

 ამ გზით საერთაშორისო კოსმოსური სადგურის ეკიპაჟი თავს იცავს  რადიაციული დასხივებისგან  მზეზე აფეთქების შემდეგ.

მინსკი, 20 ნოემბერი – Sputnik.  კოსმონავტებმა საერთაშორისო კოსმოსურ სადგურზე აღნიშნეს, რომ მზის აფეთქების შემდეგ ისინი თავს იცავენ რადიაციისგან სველი ხელსახოცებით.

ტრანსლაცია საერთაშორისო კოსმოსური სადგურის ეკიპაჟთან შედგა როსკოსმოსის ვებსაიტზე სამშაბათს. კოსმონავტმა სერგეი პროკოპიევმა დედამიწიდან მსმენელებს ამ უჩვეულო ლაიფჰაკის შესახებ უამბო.

„ეკიპაჟი ზოგჯერ ზრდიდა კაიუტებში დაცვის რაოდენობას, ანუ ზრდიდა სველი ხელსახოცების რაოდენობას პაკეტებში, რომლებიც კედლის გასწვრივ არის დაწყობილი, ეს ამცირებს რადიაციის შთანთქმის რაოდენობას“, - თქვა კოსმონავტმა და აღნიშნა, რომ წყალი რადიაციის შეღწევისგან დაცვის ერთ-ერთი საუკეთესო საშუალებაა.

მან აღნიშნა, რომ საერთაშორისო კოსმოსურ სადგურზე მისი ყოფნის დროს მზეზე ძლიერი აფეთქებები არ ყოფილა. აფეთქებების სერია მოხდა 2017 წლის სექტემბერში, მაგრამ როსკოსმოსმა მაშინ განაცხადა, რომ სადგური საკმარისად იყო დაცული რადიაციული გამოსხივებისგან.

20 ნოემბერს საერთაშორისო კოსმოსური სადგური აღნიშნავს 20 წლის იუბილეს. 1998 წლის ამ დღეს დაიწყო მისი მშენებლობა. სადგური კი საცხოვრებლად გამოსადეგი 2000 წელს გახდა. თავდაპირველად მისი მწყობრიდან გამოყვანა 2015 წელს იგეგმებოდა, თუმცა მოგვიანებით ვადები რამდენჯერმე გადაიდო. ჯერჯერობით ფიქრობენ სადგურის ორბიტაზე 2028 წლამდე დატოვებას.

საერთო ჯამში, საერთაშორისო კოსმოსური სადგური შედგება 15 განყოფილებისგან, რომელთაგან ხუთი რუსებს ეკუთვნის. დანარჩენი ეკუთვნის ევროპელებს, ამერიკულებს და ერთი იაპონელებს. რუსული სეგმენტი ჯერ არ არის დასრულებული, 2022 წლამდე გეგმავენ მისთვის კიდევ სამი მოდულის დამატებას.

===

https://collectedpapers.com.ua/ru/air_environment_of_the_earth/yak-vimiryuyetsya-intensivnist-sonyachnoyi-radiaciyi 

ელენა კირილიუკი

როგორ იზომება მზის რადიაციის ინტენსივობა

მზის რადიაციის ინტენსივობის საზომ ერთეულად მიღებულია სითბოს რაოდენობა კალორიებში2, რომელსაც იღებს 1 წუთში  მზის სხივების პერპენდიკულარული ზედაპირი 1 სმ2-ზე (კალ/სმ2 წთ). როგორც მრავალრიცხოვანი დაკვირვების დამუშავების შედეგები აჩვენებს, ატმოსფეროს არარსებობის პირობებში, მზის რადიაციის ინტენსივობა საშუალოდ შეადგენს დაახლოებით 2 კალ/სმ2 წთ. ამ სიდიდეს ჩვეულებრივ უწოდებენ მზის მუდმივას. მზის მუდმივას სიდიდე ექვემდებარება ცვლილებებს დედამიწასა და მზეს შორის მანძილის მიხედვით. ვინაიდან დედამიწის მოძრაობა მზის გარშემო ხდება არა წრეში, არამედ ელიფსის გასწვრივ, რომლის ერთ-ერთ ფოკუსში მდებარეობს მზე, დედამიწასა და მზეს შორის მანძილი იცვლება წლის განმავლობაში. მზესა და დედამიწას შორის ყველაზე მცირე მანძილია დაახლოებით 3 იანვარს, ყველაზე დიდი - 3 ივლისს. დედამიწის მზესთან ახლოს განლაგებისას მზის მუდმივი უდრის 1,94 კალ/სმ2 წთ, ხოლო შორს – 1,82 კალ/სმ2 წთ. მზის მუდმივის საშუალო მნიშვნელობა 1,88 კალ/სმ2 წთ.

       თუმცა უნდა აღინიშნოს, რომ მზის რადიაციის ინტენსივობა, რომელიც ხასიათდება მზის მუდმივით, განიცდის გარკვეულ, თუმცა ძალიან უმნიშვნელო, რყევებს და დამოკიდებულია მზის ლაქების რაოდენობის ცვლილებაზე.

==

https://hi-tech.mail.ru/card/kak-zashchititsya-ot-radiacii-vse-chto-mozhet-byt-vam-polezno/

როგორ დავიცვათ თავი რადიაციისგან: ეს უნდა ვიცოდეთ

ინტერნეტი სავსეა ახალი ამბებით, რომლებიც იუწყება არხანგელსკის მახლობლად რადიაციის უცნაური გამოყოფის შესახებ. არავინ იცის რა ხდება სინამდვილეში. მაგრამ, ყოველი შემთხვევისთვის, ჩვენ გასწავლით, როგორ უნდა მოიქცეთ, თუ არსებობს რადიოაქტიური ნივთიერებების გამოყოფის საფრთხე.

1.დაკეტეთ სახლი და ორიოდე დღე იზოლაციაში დარჩით

თუ ფიქრობთ, რომ სადმე მოხდა რადიაციის გამოყოფა, უმჯობესია სახლში დარჩეთ რამდენიმე დღე. ამ შემთხვევაში უმჯობესია ფანჯრები და კარები დახუროთ, გამორთოთ კონდიციონერი. თუ ძალიან ცხელა, დატოვეთ პატარა ხვრელი ვენტილაციისთვის.

2 გაიწმინდეთ ტანსაცმელი

თუ სახლში დარჩენა არ ხერხდება  და, ნებით თუ უნებლიეთ, ქუჩაში გასვლა გიხდებათ, სახლში შესვლამდე ტანსაცმელი კარგად გაიწმინდეთ. „პირობითად დასხივებული“ ნივთები და ფეხსაცმელი დატოვეთ ვერანდაზე ან ტამბურში, ანუ ბინაში ნუ შეიტანთ.

3 საგულდაგულოდ დაიბანეთ

ნაკლებად სავარაუდოა, რომ გქონდეთ ქიმიური დამცავი კოსტიუმი, რადიაცია რომ ვერ მოხვდეს თქვენს სხეულზე. ამიტომ ყოველ ჯერზე სახლში მისვლისას მიიღეთ შხაპი. განსაკუთრებული ყურადღება მიაქციეთ სხეულის იმ ნაწილებს, რომლებიც ქუჩაში არ იყო სამოსით დაფარული. არ ღირს ისტერიულად გაემართოთ შხაპისკენ, გააკეთეთ ყველაფერი გააზრებულად და მოწესრიგებულად.

4ჩაიტარეთ იოდის პროფილაქტიკა

გამოყოფის დროს იოდი ორგანიზმში შეიძლება შეიცვალოს მისი რადიოაქტიური ანალოგით, იზოტოპით I-131. ეს რომ არ მოხდეს, მიირთვით იოდის მაღალი შემცველობის პროდუქტები, თუნდაც ცოტაოდენი ზღვის კომბოსტო. იოდის პროფილაქტიკის კარგი საშუალება შეიძლება იყოს ლუგოლის ხსნარი: გახსენით 5 წვეთი ჭიქა რძეში ან წყალში და დალიეთ დღეში ერთხელ. ასევე შეგიძლიათ კონსულტაციისთვის მიმართოთ ექიმს სპეციალიზებული მედიკამენტების მიღების შესახებ.

5 მიიღეთ მეტი ცილა

ცხოველური წარმოშობის ცილებში შემავალი ზოგიერთი ამინომჟავა ხელს უწყობს ორგანიზმიდან ცეზიუმ-137 იზოტოპის გამოყვანას. ამიტომ, უარს ნუ იტყვით ხორცზე, თევზზე, კვერცხზე, ხაჭოსა და რძის პროდუქტებზე. აქედან მიიღებთ თქვენთვის საჭირო ამინომჟავებს: მეთიონინს და ცისტეინს.

6დაიცავით პროდუქტები და იქონიეთ მარაგი

იმ შემთხვევაში, თუ ამოფრქვევა განმეორდება, მოიმარაგეთ საჭირო საკვები. ყველაფერი, რის გარეცხვაც შეიძლება, გარეცხეთ. ბოსტნეულს (განსაკუთრებით ბაზარში ნაყიდს) მოაცილეთ კანი. უმჯობესია პროდუქტები შეფუთოთ ჰერმეტულ პარკებში და ღია ზედაპირიდან კარადაში ან მაცივარში გადაიტანოთ.

7  შეიძინეთ დოზიმეტრი

თუ პრესაში არსებული ცნობები ურთიერთგამომრიცხავია და გაუგებარია, რამდენად სერიოზულია სიტუაცია, შეიძინეთ პორტატული დოზიმეტრი. ეს სიამოვნება არც თუ ისე იაფია, ნორმალური მოწყობილობა ეღირება მინიმუმ 6-7 ათასი რუბლი. სამაგიეროდ, თქვენთვის ცნობილი იქნება, თუ  რამდენად სერიოზულია რადიაციული ფონი თქვენს გარშემო.