Google-მა და Microsoft-მა ინვესტორები გააფრთხილეს, რომ „ცუდი“ ხელოვნური ინტელექტი ზიანს მიაყენებს მათ ბრენდს

 Google-მა და Microsoft-მა ინვესტორები გააფრთხილეს, რომ „ცუდი“ ხელოვნური ინტელექტი ზიანს მიაყენებს მათ ბრენდს 

ხელოვნური ინტელექტი ისეთი მსხვილი IT გიგანტების ბიზნესის სერიოზული ნაწილია, როგორიცაა Google და Microsoft. კომპანიები უზარმაზარ რესურსებს დებენ ხელოვნური ინტელექტის შემუშავებაში, მაგრამ ორივე კომპანიის ბოლოდროინდელი ფინანსური დოკუმენტები თანახმად, ხელოვნურმა ინტელექტმა, რომელიც განსაკუთრებით მიკერძოებულია და არასწორ გადაწყვეტილებებს იღებს, შესაძლოა ზიანი მიაყენოს ბრენდებს და მათ სახელებს.

გამომცემლობა Wired–მა გაანალიზა იურიდიული დოკუმენტები ფორმა K-10-ს მიხედვით, რომლებიც კომპანიებმა ყოველწლიურად უნდა მიაწოდონ თავის ინვესტორებს, რათა მათ მიიღონ ბიზნესისა და ფინანსების შესახებ სრული წარმოდგენა. იმ ნაწილში, რომელიც ეხება რისკფაქტორებს, ორივე კომპანიამ პირველად მიუთითა ხელოვნურ ინტელექტზე.

Alphabet-ის ანგარიშიდან კ-10 (Google-ს მშობელი კომპანია), რომელიც გამოქვეყნდა გასულ კვირას:

 „ახალი პროდუქტები და მომსახურება, მათ შორის ისეთები, რომლებიც მოიცავს ან იყენებს ხელოვნურ ინტელექტს და მანქანურ სწავლებას, შეიძლება გახდეს ახალი ან გაამძაფროს არსებული ეთიკური, ტექნოლოგიური, იურიდიული და სხვა პრობლემები, ისინი კი, თავის მხრივ, ნეგატიურ გავლენას მოახდენს ჩვენს ბრენდებზე და ჩვენი პროდუქტებისა და მომსახურების მოთხოვნაზე, ასევე ნეგატიურად აისახება ჩვენს შემოსავლებსა და ჩვენი მუშაობის შედეგებზე“. 

Microsoft-ის აგვისტოს კ-10 ანგარიშიდან:

 „ხელოვნური ინტელექტის ალგორითმები შეიძლება მცდარი აღმოჩნდეს. ხელოვნური ინტელექტის მონაცემთა ნაკრები შეიძლება არასაკმარისი იყოს ან შეიცავდეს მიკერძოებულ ინფორმაციას. Microsoft-ის ან სხვა კომპანიების მიერ ამ მონაცემების არასწორმა ან ურთიერთსაწინააღმდეგო გამოყენებამ შეიძლება უარყოფითად იმოქმედოს გადაწყვეტილებების მიღებაზე. ხელოვნურ ინტელექტთან დაკავშირებულმა ამ პრობლემებმა შეიძლება გამოიწვიოს არასწორი გადაწყვეტილებების, პროგნოზების ან ანალიზის პროვოცირება, განაპირობოს კონკურენციით გამოწვეული ზარალის, იურიდიული პასუხისმგებლობის, ასევე ბრენდისთვის ან რეპუტაციისთვის ზიანის მიყენება. ხელოვნური ინტელექტის ზოგიერთ სცენარს შეუძლია წარმოქმნას ეთიკური პრობლემები. თუ ჩვენ შევიმუშავებთ ან შემოგთავაზებთ ხელოვნურ ინტელექტთან დაკავშირებულ გადაწყვეტილებებს, რომლებმაც შეიძლება გამოიწვიოს კამათი მათი გავლენის გამო ადამიანის უფლებებზე, კონფიდენციალურობაზე, დასაქმებაზე ან სხვა სოციალურ პრობლემებზე, ამან შეიძლება ზიანი მიაყენოს ჩვენს ბრენდს ან რეპუტაციას. საერთოდ, ამ დოკუმენტებში არაფერია ზებუნებრივი. როგორც წესი, რისკფაქტორების ჩამონათვალი მაქსიმალურად დეტალურად შედგება ინვესტორების სრულყოფილად ინფორმირების მიზნით, ასევე მომავალში შესაძლო სასამართლო პროცესების შესამსუბუქებლად, რომელიც დაკავშირებული იქნება ხელმძღვანელობისთვის ბრალდების წაყენებასთან დაკავშირებით პოტენციური პრობლემების დამალვის გამო“.

როგორც ტომ სიმონიტი აღნიშნავს Wired–იდან, ცოტა უცნაურია, რომ Google–მა და Microsoft–მა ახლახანს აღნიშნეს ხელოვნური ინტელექტი, როგორც პოტენციური რისკფაქტორი, ამ მიმართულებით მუშაობა ხომ საკმაოდ დიდი ხანია მიმდინარეობს. და საკმაოდ მრავალი მაგალითი არსებობს, როდესაც ხელოვნურ ინტელექტს ზიანი მოაქვს რეპუტაციისთვის. რად ღირს მხოლოდ Microsoft Tay-ს ჩატ-ბოტი, რომელმაც არსებობის პირველ დღესვე დაიწყო რასისტული სისულელეების განთავსება, ან Amazon-ის მიკერძოებული სახის ამოცნობის ალგორითმები.