გაწმენდა მზის დახმარებით, ამ პლანეტაზე სიცოცხლე მზის წყალობით არსებობს, რადგან ცოცხალ ორგანიზმებს მზის ენერგიის დაჭერა და გამოყენება შეუძლია.

 გაწმენდა მზის დახმარებით

           ამ პლანეტაზე სიცოცხლე მზის წყალობით არსებობს, რადგან ცოცხალ ორგანიზმებს მზის ენერგიის დაჭერა და გამოყენება შეუძლია. მზე ასუფთავებს აურას, ცნობიერებას, სხეულს, სულს. მისი დახმარებით შინაგანი ალქიმიის მრავალი პროცესი ხორციელდება, რომელიც იწვევს პიროვნების გარდაქმნას ადამიანების ენერგეტიკული დონის ამაღლების თვალსაზრისით. მზესთან ნებისმიერი კონტაქტი გარდაქმნის კურთხევაა.

        მაგრამ უმეცარი ცნობიერებისათვის, რომელიც ფსიქიკური ვირუსების ზემოქმედებას განიცდის, მზე სასიკვდილოა. ვირუსებს მზის ციკლებთან აქვს კავშირი; მათზე მზის ენერგიის სწორად ზემოქმედებით შეიძლება მათი ცირკულაციის მართვა.

         ჰელიოფსიქოლოგია (მეცნიერება, რომელიც სწავლობს მზის გავლენას ადამიანის სიცოცხლეზე) ამტკიცებს, რომ მზის აქტივობის ციკლი განსაზღვრავს ისეთ რამეს, როგორიცაა განქორწინების სიხშირე, სერიული მკვლელობების აფეთქება და რეკლამის ეფექტურობა. კვლევამ აჩვენა, რომ მზის აქტივობის 11- წლიანი ციკლი პირდაპირ კავშირშია საერთო სიკვდილიანობის (შიმშილი, მკვლელობა, თვითმკვლელობა, დაავადება) გაზრდასთან. ძველ დროში სხვადასხვა ხალხში წინასწასმეტყველების მრავალი ფაქტი მზესთან ასოცირდებოდა, მის მდებარეობასთან ცაზე, სიკაშკაშესთან. თანამედროვე მეცნიერებამ დაადასტურა, რომ დედამიწაზე ცოცხალი ორგანიზმების ფიზიკურ-ქიმიური პროცესებისა და კოლექტიური რეაქციების აბსოლუტური უმრავლესობა მზის გამოსხივების ზემოქმედებით არის გამოწვეული.

         მზეზე ლაქების რაოდენობის მრუდის სინქრონული ცვლილებები განსაზღვრავს ადამიანების ქცევით რეაქციებს და მათ პიროვნულ ურთიერთობებს. არსებობს სპეციალური ვირუსები, რომლებიც მზეზე ცხოვრობენ და დედამიწაზე მზის რადიაციის გზით გადადიან. ის ცვლის პიროვნების ნერვულ-ფსიქიკურ ტონუსს და არღვევს მრავალი ადამიანის არამყარ ფსიქიკურ წონასწორობას, იწვევს მათ დესტრუქციულ მოქმედებებს.

       თუ რევოლუციების, ჯვაროსნული ლაშქრობების, ომების და ფსიქიკური ეპიდემიის თარიღებს ასტრონომიულ მონაცემებს შევადარებთ, რომლებიც მზის მდგომარეობას ითვალისწინებს, ეს ტენდენცია საკმაოდ მკაფიოდ შეინიშნება.

       მზე თავისთავად მკვლელი არ არის: მას მხოლოდ ფიზიკურ და სულიერ ურთიერთობებში დასუსტებული ორგანიზმის სიკვდილის გამოწვევა შეუძლია. ინფიცირებული ადამიანი უკვე აღარ აღიქვამს მზეს, როგორც მაცოცხლებელი ენერგიის წყაროს: ის საშინელი იარაღია, რომელიც მის სიცოცხლეს ემუქრება. მზის აფეთქებების შემდეგ, ჩვეულებრივ, იღუპებიან შერყეული ნერვული სისტემის და თავის ტვინის დაავადებების მქონე ადამიანები. მათ კვალდაკვალ, მზის ამოფრქვევებიდან 3-5 დღის შემდეგ, სიკვდილიანობა იზრდება სისხლის მიმოქცევის დაავადებების მქონე ადამიანებში, ასევე მკვეთრად იზრდება თვითმკვლელობების რიცხვი. როგორ დავიცვათ თავი მზის დამღუპველი  გავლენისგან და როგორ გამოვიყენოთ მისი ენერგია სასიკეთოდ?

         მზეზე ყურადღების გადატანით, მზის ტალღებთან შეწყობის გზით, ადამიანები ერთიან არსებად გარდაიქმნებიან. სინათლე სამყაროს თავდაპირველი საზრდოა. ჭრილობების განკურნებაში მზის ძალა ადამიანმა მრავალი ათასი წლის წინ აღიარა. მზის სხივების გარეშე ჩვენი სხეულები ბევრად უფრო სწრაფად დაჭკნებოდა და დაიღუპებოდა; ჩვენს პლანეტაზე მთელი ცხოვრება მზის გარეშე მალე დასრულდებოდა. ორგანიზმში ბიოლოგიური მოვლენები პირდაპირ კავშირშია მზის აქტივობასთან. მზის სხივები შეიცავს ფერების სრულ სპექტრს, მათგან ადამიანს მხოლოდ რამდენიმეს დანახვა შეუძლია. დოქტორ ედუარდ ბახის გამოკვლევიდან ცნობილია, რომ მცენარეთა ფორმების თერაპიის დროს, ნამი, რომელიც განიცდის მზის სინათლის ზემოქმედებას, უფრო ძლიერ ზემოქმედებას ახდენს ორგანიზმზე, ვიდრე ჩვეულებრივი ნამი. გნოსტიკოსები მზის თითოეულ სხივს წარმოიდგენენ როგორც ძალას. კარგი ჯანმრთელობის შესანარჩუნებლად, ჩვენს სხეულებს უნდა შეეძლოს მზის სინათლის საჭირო რაოდენობით შთანთქმა და გამოყენება. სხეული თვალებისა და კანის საშუალებით შთანთქავს მზის სხივებს. ტანტრიკულ ალქიმიაში თესლი მზის სხივის სიმკვრივედ ითვლება.

         ინდოეთში ხშირად ამბობენ, რომ თუ დღეში მხოლოდ ერთი ასანას გაკეთებას შეძლებთ, ეს მზის თაყვანისცემა უნდა იყოს. მზის თაყვანისცემა განსაკუთრებით მათთვის არის საჭირო, ვისაც ძალიან ბევრი დრო არ აქვს რთული რიტუალების შესასრულებლად. სამყაროს ჰელიოცენტრული გაგება ქმნის ცოცხალ ერთობას ცხოვრების სხვადასხვა ასპექტებს შორის.

       მზე არ არის მხოლოდ გიგანტური ვარსკვლავი, მატერიის თავმოყრა, რომლის შინაგანი წვის შედეგად წარმოიქმნება სინათლე და სითბო, არამედ გონიერი არსებაა. სამყაროში ყველაფერი ცოცხალი, ცხოველმყოფელი ან სულიერია; ყველაფერში იმალება დიდი გონება, რომელიც თავს იჩენს არსებებსა და საგნებში, რამდენადაც მათი ორგანიზმების განვითარების დონე იძლევა ამის საშუალებას.

        ხილული მზის სფერო არის არსების ფიზიკური სხეული, რომელსაც ჩვენ მზეს ვუწოდებთ. მის უკან დგას მაღალგონიერი არსება, რომლის ერთადერთი მიზანია შეუდარებელი თანაგრძნობისა და სიყვარულის საშუალებით კოსმოსის მაცოცხლებელი ენერგიებით უხვად განათება. მზე, რომელიც ძალიან გონიერი არსებაა, გულისხმიერია  ადამიანის სულიერი მისწრაფებების მიმართ.

         შინაგანი ჭვრეტა და მზის თაყვანისცემა მშვენიერი პრაქტიკაა საკრალურ მედიცინაში. რიგ-ვედა ამბობს, რომ მზე იმის სულია, ვინც მოძრაობს და რაც არ მოძრაობს. მზე ჩვენი პლანეტის სიცოცხლის ყველა ფორმის უსასრულო რეზერვუარია.

       ფსიქიკური ვირუსების პროფილაქტიკისას მზეს თაყვანს სცემენ, როგორც ჯანმრთელობისა და უკვდავი ცხოვრების სიმბოლოს. ქვემოთ მოცემულია მზის თაყვანისცემის ძლიერი დამცავი რიტუალი, რომელიც ემსახურება სამკურნალო ენერგიის ფოკუსირებას, ფსიქიკური დაცვისა და კეთილდღეობის მოპოვებას.

       მზის თაყვანისცემისას პატივს სცემენ როგორც გარე, ისე შინაგან მნათობს, სამყაროში ცხოვრების შემოქმედებით ძალას, რომელიც ბინადრობს ადამიანის სხეულის შიგნით და მის გარეთ. მზის ენერგია წარმოჩნდება სინათლის სახით, რომელიც იყოფა შვიდ შემადგენელ სხივად: წითელი, ნარინჯისფერი, ყვითელი, მწვანე, ცისფერი, ლურჯი, იისფერი. სხვადასხვა ტრადიციებს ზიარებული დიადნი სპექტრალური ენერგიის მართვის საიდუმლოს ფლობდნენ. ისინი ამტკიცებდნენ, რომ დადგება დღე, როდესაც კაცობრიობა შეწყვეტს ხის და ნახშირის მოხმარებას და იმუშავებს მხოლოდ მზის სხივებთან. ძველი დროის ბრძენები და წინასწარმჭვრეტები მზეს განსაკუთრებულ ცოცხალ არსებად თვლიდნენ. თანამედროვე ადამიანები, ჩვეულებრივ, უარყოფენ ასეთ დამოკიდებულებას, განიხილავენ მას როგორც პრიმიტიულ თაყვანისცემას, მაგრამ ამ დამამცირებელი იარლიყის გამო, ისინი ვერ ამჩნევენ ძველ ზიარებულთა მზის სიღრმისეულ ხედვას.

        მზის თაყვანისცემა მთელ სხეულს კოსმოსის მაცოცხლებელი ენერგიის აღქმისთვის ამზადებს, ხოლო გონებას პარაზიტებისგან ასუფთავებს.

       მზის თაყვანისცემის რიტუალის შესრულებამდე სასარგებლოა შემდეგი ვარჯიშის შესრულება. დილით, მზის ამოსვლისას, შეეცადეთ ყურადღებით დაათვალიეროთ პირველი სხივი, დაიჭიროთ იგი. მთელი დღე ამ პირველ სხივზეა დამოკიდებული: წარმატება, შთაგონება, გაბრწყინება. როდესაც იგრძნობთ, რომ მზესთან ხართ დაკავშირებული, მიხვდებით, რომ თქვენი პიროვნება მის ნაწილს შეიცავს. თუ მზისგან მომდინარე კოსმიურ ენერგიას შეუერთდებით, იქიდან მიიღებთ გამოულეველ ძალას და სილამაზეს. თქვენ იცურავებთ სხივმოსილ შუქში.

         საკრალური მეცნიერების მნიშვნელოვან ნაწილს სწორედ მზის ამოსვლისას მასთან შეერთება წარმოადგენს, რომელიც შესაბამის გონებრივ მომზადებას მოითხოვს. თქვენში სიმშვიდის დამყარების შედეგად თქვენი ენერგიის შეკრება და მზეზე გადატანა შეგიძლიათ. ეს გადატანა შესაძლებელია იმიტომ, რომ არსებობის სათუთ პლანზე ჩვენ უკვე მზის არსებასთან სრულფასოვან შეხებაში  ვიმყოფებით.

        ლოცვის დროს, როდესაც უმაღლეს გონებასთან დაკავშირებას გადაწყვეტთ, წარმოიდგინეთ ცოცხალი, გაბრწყინებული ცენტრი, საიდანაც უმაღლესი ძალა მოედინება. ამ ცენტრიდან სინათლის სხივები მოედინება და ყველა მიმართულებით ვრცელდება, ყველა ცოცხალ არსებას ასაზრდოებს. ყველა დიდი ოსტატი და ზიარებული ამ ცენტრშია  კონცენტრირებული და მისკენ მიმართავს თავის აზრებს.

        ცნობიერების შეზღუდვებისგან გასათავისუფლებლად საჭიროა ფიქრების ამქვეყნიური პრობლემებიდან მაღალი ფიქრების არეალში გადატანა. მზის არსი თქვენს მთელ არსებას მოიცავს და აავსებს მას ღვთიური სინათლით. თუ მზის ენერგიასთან კავშირის ეს მეთოდი ჩვეული გახდება, თქვენ თანდათანობით შეძლებთ გააცნობიეროთ თქვენი ნამდვილი მოთხოვნილებები, ასევე გაიგოთ სხვადასხვა დაავადებების თვისებები, შეცდომები და მიზეზები.

          თუ ღვთის შემეცნების ამ მეთოდს ცხოვრებას დაუდებთ საფუძვლად, მოიპოვებთ მოთმინებასა და სიყვარულს, რომლებიც დაგეხმარებათ ცნობიერების გაფართოებასა და უსასრულობასთან შერწყმაში, მაშინ შეძლებთ მიაღწიოთ ყველაფერს, რასაც მოისურვებთ.

        თითოეულ ადამიანში ძალიან დახვეწილი ელემენტი არსებობს, რომელიც ასევე მზეშიც არის. ადამიანის ეს ნაწილი, რომელიც მზეში ცხოვრობს, ადამიანის უმაღლეს ბუნებას წარმოადგენს.

         ბულგარელი ბოგომილები რეკომენდაციას უწევენ „გრაალის თასის“ მარტივ და ეფექტურ ტექნიკას. მზის ამოსვლისას მიესალმეთ მზეს, როგორც საყვარელ არსებას. შემდეგ ნელა ასწიეთ ხელები მაღლა. წარმოიდგინეთ, რომ ერთი მეტრის დიამეტრის მქონე დიდი თასი გიპყრიათ ხელში. ვიზუალურად წარმოიდგინეთ, რომ იგი მზის ამბროზიით ივსება. შევსების შემდეგ, თქვენს წარმოსახვაში ეს თასი გადაისხით. შემდეგ ისევ ასწიეთ. ისევ შეავსოს მზემ, და ამჯერად თქვენს ახლობლებს დაასხით, მთელ მსოფლიოს. მადლობა მოახსენეთ მზეს. ისწავლეთ მზისგან გულუხვობა.

       თუ თვალდახუჭული მზეს დილით „შეხედავთ“, თქვენი შიდა მზერით დაინახავთ ცენტრალურ წერტილს. იგი სულს წარმოადგენს. ყოველთვის, როდესაც მზეს მიმართავთ, მას სიკეთისა და სიყვარულის სურვილით უნდა შეხედოთ: ამ გზით შეძლებთ მიუახლოვდეთ სიხარულსა და ბედნიერებას. თქვენი ცნობიერება თანდათან მიუახლოვდება ამ სულიერ სფეროს, და მთელი თქვენი პიროვნება სინათლეს, მშვიდობას, თავისუფლებას და სასიცოცხლო ენერგიას მიიღებს. ერთ მშვენიერ დღეს იგრძნობთ, რომ თქვენსა და მზეს შორის განსაკუთრებული ტალღები ცირკულირებენ, რომლებიც ქმნიან ყველა ხილულ ფორმას, ფერს და ვიბრაციას ფიზიკურ სამყაროში, ასუფთავებენ მიმდებარე სივრცეს და ავსებენ მაცოცხლებელი ენერგიით.