ევროსაბჭომ გაანალიზა ხელოვნური ინტელექტის ნეგატიური გავლენა ადამიანის უფლებებზე

 ევროსაბჭომ  გაანალიზა ხელოვნური ინტელექტის ნეგატიური  გავლენა ადამიანის უფლებებზე

ხელოვნური ინტელექტის (MSI-AUT) სხვადასხვა ფორმების და მონაცემების ავტომატიზებული დამუშავების სამართლებრივი ასპექტების ექსპერტთა კომიტეტმა მოამზადა ხელოვნური ინტელექტის ნეგატიური გავლენისგან ადამიანის უფლებების დაცვის რეკომენდაციების პროექტი.

დოკუმენტის მომზადებაში კონსულტაცია გაუწია ვიკიმედიის ფონდმა და საერთაშორისო სამართალდამცავმა ჯგუფმა Access Now.

ავტორების თქმით, დოკუმენტის შექმნას წინ უძღოდა საზოგადოებრივი დისკუსია ალგორითმული სისტემების პოტენციური ნეგატიური გავლენის შესახებ დემოკრატიასა და თვითგამოხატვაზე.

ექსპერტთა რეკომენდაციები მოიცავს ალგორითმული სისტემების პროექტირების, შემუშავებისა და დანერგვის ასპექტებს: მონაცემთა მართვა, მოდელირება, ანალიზი, გამჭვირვალობა, ანგარიშვალდებულება, უსაფრთხოების ზომები, კვლევა და საზოგადოების ინფორმირება.

მაგალითად, კერძო სექტორის სუბიექტებმა „უნდა გააცნობიერონ მონაცემთა ხარისხთან, ბუნებასთან და წარმოშობასთან დაკავშირებული რისკები, რომელსაც ისინი იყენებენ თავისი ალგორითმების მოსამზადებლად, რათა უზრუნველყონ შეცდომების, მიკერძოების და პოტენციური დისკრიმინაციის ადეკვატურად განხილვა კონკრეტულ კონტექსტებში.

თავის მხრივ, სახელმწიფოებმა უნდა გააკონტროლონ, რომ „ალგორითმული სისტემების შესყიდვების, შემუშავების, დანერგვისა და შეფასების პროცესში ჩართული პერსონალი კომპეტენტური იყოს ადამიანის უფლებებსა და არადისკრიმინაციაში და აცნობიერებდეს თავის პასუხისმგებლობას, უზრუნველყონ არა მხოლოდ მკაცრი ტექნიკური შეფასება, არამედ ადამიანის უფლებების დაცვაც“.

ჯერჯერობით, დოკუმენტი დამტკიცების ეტაპს გადის სამართალდამცავთა გარემოში. მოსალოდნელია, რომ დამატებითი შესწორებები შეიძლება შეტანილი იქნას დეკემბერში, მედიისა და ინფორმაციის საზოგადოების კომიტეტის ანგარიშის განხილვის შემდეგ.

ევროპასთან ერთად, რუსეთი ასევე შეისწავლის ხელოვნური ინტელექტის გამოყენების პერსპექტივებსა და რისკებს. ოქტომბერში რუსეთის პრეზიდენტმა ვლადიმერ პუტინმა დაამტკიცა ხელოვნური ინტელექტის განვითარების ეროვნული სტრატეგია 2030 წლამდე.

=================

ხელოვნური ინტელექტის ტექნოლოგიების დანერგვა სურთ სოფლის მეურნეობაში, მრეწველობაში, ტრანსპორტსა და ენერგეტიკაში=

ულიანოვსკის ოლქში სტარტი აიღო დისკუსიამ ეკონომიკისა და სახელმწიფო მართვის ციფრული ტრანსფორმაციის სტრატეგიის პროექტთან დაკავშირებით (პროექტის ბმული).

8 თებერვალს პროფილურ თათბირზე გუბერნატორმა შესთავაზა დაედგინათ ის დარგები და მიმართულებები, სადაც ხელოვნური ინტელექტის ტექნოლოგიების დანერგვაა შესაძლებელი.

როგორც ულიანოვსკის რეგიონის ციფრული ეკონომიკისა და კონკურენციის მინისტრმა რუსტემ დავლიატშინმა აღნიშნა, ფედერალურ დონეზე წარდგენილია რამდენიმე პროექტი, რომელთა საქმიანობაშიც შეიძლება ჩაერთოს რეგიონი. კერძოდ, „ციფრული სოფლის მეურნეობა“, „ციფრული მრეწველობა“, „ციფრული ტრანსპორტი და ლოჯისტიკა“ და “ციფრული ენერგეტიკა“.

ნათქვამია, რომ ულიანოვსკის ოლქი უკვე მუშაობს პროექტებზე „ჯანდაცვის ციფრული კონტური“, „ციფრული საგანმანათლებლო გარემო“, „ციფრული კულტურა“, „ჭკვიანი ქალაქი“.

=============

მეცნიერებმა საშუალება მისცეს რობოტს შეეცნო საკუთარი თავი და ამის წყალობით ბურთები კალათში ჩაეყარა

ამერიკელმა მეცნიერებმა რობოტიზებულ მკლავს სიტყვების წერა და ბურთების ჩაყრა ასწავლეს. პირველ რიგში, მან შეისწავლა მის გარშემო არსებული სამყარო და საკუთარი საზღვრები.

ამის შესახებ გამოცემამ „N+1“ 30 იანვარს გვაცნობა. დავალების შესრულების დაწყებამდე რობოტმა გააკეთა ათასი მოძრაობა, დააფიქსირა თავისი მდგომარეობა საბოლოო წერტილში და ამით შეძლო საკუთარი ზომების გაგება. მოგვიანებით მან ეს მონაცემები ორი დავალების შესასრულებლად გამოიყენა - მისალმების დასაწერად და ბურთების გადასატანად. საკუთარი თავის შეცნობის საშუალება რობოტიზებულ ხელს მისცეს  კოლუმბიის უნივერსიტეტის ინჟინრებმა რობერტ კვიაკოვსკიმ (Robert Kwiatkowski) და ჰოდ ლიპსონმა (Hod Lipson). წარმატებული ექსპერიმენტის შემდეგ, მათ შეიცვალეს რობოტის სტრუქტურა და მასზე სპეციალური შემზღუდველი განათავსეს. მან შეამჩნია ცვლილებები და კვლავ ისწავლა თავისი პოზიციის განსაზღვრა.