გაერო: კლიმატურის კრიზისი უკვე დადგა - კატასტროფები ყოველ კვირას ხდება

 https://m.hightech.plus/2019/07/08/oon-klimaticheskii-krizis-uzhe-nastupil---katastrofi-proishodyat-kazhduyu-nedelyu

გაერო: კლიმატურის კრიზისი უკვე დადგა - კატასტროფები ყოველ კვირას ხდება

ისეთი კლიმატური კატასტროფები, როგორიცაა ციკლონები იდაი ან კენეტი აფრიკაში ან აუტანელი გვალვა ინდოეთში,  საერთაშორისო ახალი ამბების ყურადღების ცენტრში აღმოჩნდა. თუმცა, მცირე მასშტაბის ბუნებრივი მოვლენების დიდი ნაწილი ხშირია, მათ თან მოაქვთ სიკვდილი, ნგრევა და დაავადებები.

გაეროს შეფასებით, დათბობის გამო კლიმატური კატასტროფები კვირაში ერთხელ ხდება. ყველა მათგანი არ ხვდება მსოფლიო მედიის ყურადღების ცენტრში, მაგრამ ყველას თან მოაქვს ნგრევა და დაავადებები. მამი მიცუტორი, გაეროს გენერალური მდივნის თანაშემწე, ამბობს, რომ ტემპი ბევრად უფრო სწრაფად მატულობს, ვიდრე სპეციალისტები ვარაუდობდნენ: „საუბარი არ ეხება მომავალს, საუბარი ეხება აწმყოს“.

ეს ნიშნავს, რომ კლიმატური კრიზისისთვის მზადება აღარ შეიძლება ჩაითვალოს გრძელვადიან პრობლემად. ის მოითხოვს დაუყოვნებლივ ინვესტიციებს, თქვა მიცუტორიმ.

ექსპერტები კლიმატური კატასტროფების შედეგების ნეიტრალიზაციის ღირებულებას წელიწადში 520 მილიარდ დოლარად აფასებენ. ამავე გათვლებით, ინფრასტრუქტურის დამატებითი ღირებულება, რომელიც მდგრადია გლობალური დათბობის შედეგების მიმართ, ეღირება მშპ-ს მხოლოდ 3%, ანუ $2,7 ტრილიონი 20 წლის განმავლობაში, წერს Guardian.

„ეს არ არის ისეთი დიდი ფული ინფრასტრუქტურაზე ხარჯვის კონტექსტში, მაგრამ ინვესტორები საკმარისს არ აკეთებენ. გამძლეობა გარე ზემოქმედების მიმართ უნდა გახდეს საქონელი, რომელსაც ხალხი გადაიხდის“, - თქვა მიცუტორიმ.

ეს ნიშნავს, რომ შესაცვლელი გახდება ნორმატივები შენობების, საავტომობილო გზების და რკინიგზის, ფაბრიკების, ელექტროსადგურების და წყლის სისტემების ასაშენებლად.

დათბობასთან ბრძოლა ახალი გზით

ანგარიშში ხაზგასმულია, რომ, როდესაც საქმე ეხება კლიმატურ ცვლილებებთან ბრძოლას, პირველ რიგში, რაზეც ფიქრობენ, არის სათბურის გაზების ემისიების შემცირების ღონისძიებების გატარება. შედეგებთან ადაპტაციის საკითხი ნაკლებად მნიშვნელოვანი ჩანდა, ნაწილობრივ იმიტომ, რომ აქტივისტებსა და მეცნიერებს არ სურდათ, რომ ადამიანებს ჰქონოდათ მცდარი რწმენა, რომ უკვე უსარგებლო იყო CO2-ის გამონაბოლქვის შემცირება. ნაწილობრივ იმიტომ, რომ ემისიების შემცირება ადვილად შეიძლება გაიზომოს, ცვლილებებისადმი ადაპტაციისგან განსხვავებით.

მაგრამ ასეთი დისკუსიების დრო უკვე წარსულშია. „ჩვენ ვსაუბრობთ საგანგებო კლიმატური სიტუაციის და კლიმატური კრიზისის შესახებ, მაგრამ თუ ვერ შევძლებთ ადაპტაციას ამ შედეგებთან, ვერ გადავრჩებით, - განუცხადა მან Guardian-ს ინტერვიუში. - ჩვენ უნდა მივაქციოთ ყურადღება მდგრადობაში ინვესტიციების ჩადების უარყოფის რისკებს“.

ბევრი ნაკლებად გამანადგურებელი კატაკლიზმების თავიდან აცილება შეიძლებოდა, თუ ხალხი წინასწარ მიიღებდა გაფრთხილებას, ინფრასტრუქტურა უკეთესი რომ ყოფილიყო და მთავრობას რომ ჰქონოდა წარმოდგენა, რომელი რეგიონებია ყველაზე დაუცველია. და ეს პრობლემა არ შემოიფარგლება მხოლოდ მესამე სამყაროს ქვეყნებით, როგორც ეს აჩვენა შარშან შეერთებულ შტატებში გაჩენილმა ხანძრებმა და ევროპაში ჩამოწოლილმა ანომალურმა სიცხემ.

მსოფლიო მეტეოროლოგიური ორგანიზაციის შეფასებით, ბუნებრივი კატასტროფებით გამოწვეული სტიქიური უბედურებები 62 მილიონზე მეტ ადამიანს შეეხო. იაპონიაში, შეერთებულ შტატებსა და ევროპაში არანორმალური სიცხის გამო უკვე 1600 ადამიანი დაიღუპა.