ნიმფომანია ქალებში: ნიშნები და მიზეზები

 https://prodepressiju.ru/drugie-rasstrojstva/nimfomaniya-u-zhenshhin-priznaki.html

ნიმფომანია ქალებში: ნიშნები და მიზეზები

 ნიმფომანია ჰიპერსექსუალობის სახეობაა, რაც ნიშნავს მშვენირი სქესის წარმომადგენლებში ზენორმალურ სექსუალურ ლტოლვას.

ნიმფომანები ჯერ კიდევ ძველ ბერძნულ ნაწერებშია ნახსენები. ეს სახელი ეკუთვნოდა ტყის არსებებს, რომელთა შესახებაც ლეგენდები დადიოდა. ტყის ნიმფები შეიტყუებდნენ იმ მამაკაცებს, რომლებიც მოსწონდათ, ღრმად დაბურულ ტყეში და აცდუნებდნენ გარყვნილი მოქმედებებით.

კულმინაციური იყო ხანგრძლივი სექსი, რის შემდეგაც შეცდენილი მამაკაცები სამუდამოდ კარგავდნენ სექსუალური აქტისგან სიამოვნების განცდას. ასევე არსებობს მოსაზრება, რომ ნიმფები ადამიანებს სექსუალურ პოზებს ასწავლიდნენ.

ძველი რომაელი მმართველის კლავდიუსის ერთ-ერთი მეუღლე ასევე ნიმფომანი იყო. ქალს ბევრი სექსუალური ურთიერთობა ჰქონდა იმპერატორის დაცვის თითქმის ყველა წარმომადგენელთან, მუშაობდა ბორდელებში, როგორც ფარული მეძავი. მესალინას კომპლექსს მისი სახელი ეწოდა, რაც ნიმფომანიის სინონიმია. ანდრომანია ასევე ნიმფომანიის სინონიმია.

კლინიკური სურათი

ქალები, რომლებიც იღებენ დიაგნოზს „ნიმფომანი“, ხშირად ვერ იღებენ კმაყოფილებას ერთი პარტნიორისგან, ამიტომ მიმართავენ სხვა სექსუალურ პარტნიორებს. მთავარი განსხვავება შემთხვევითი სქესობრივი აქტებია. მკაფიო სექსუალური აქტივობის მქონე ქალებს შეუძლიათ აშკარად გააკონტროლონ თავიანთი სექსუალური კონტაქტები. ეს, როგორც წესი, გამოიხატება პარტნიორის არჩევისას.

 სიტყვა „ნიმფომანიას“ აქვს მოძველებული აღნიშვნა, კერძოდ, „საშვილოსნოს ცოფი“. დღეს ეს ტერმინი სინონიმად გამოიყენება.

აშლილობის მთავარი სიმპტომია გაზრდილი აგზნებადობა. პაციენტ ქალს შეუძლია აღიგზნას მამაკაცზე ერთი გულუბრყვილო შეხედვის, მასზე გაფიქრების შედეგად. ზოგიერთი პაციენტი ზოგჯერ ცდილობს დაკმაყოფილდეს ერთი მუდმივი პარტნიორის დახმარებით, მაგრამ ასეთი ზეწოლისგან მამაკაცი სწრაფად იღლება. სწორედ მაშინ იწყებს ქალი მსურველების ძებნას საკუთარი სექსუალური შიმშილის დასაკმაყოფილებლად და სექსუალურ კავშირს ამყარებს უცნობებტან.

ნიმფომანიამ შეიძლება ქალს წაართვას საღი აზრი და ზიზღიანობა. ტყუილად არ  მოხვდა ეს აშლილობა დაავადებათა საერთაშორისო კლასიფიკაცია-10-ის სიის F52.7 კლასში სახელწოდებით „გაზრდილი სექსუალური ლტოლვა“.

როგორც წესი, ნიმფომანებს არ აინტერესებთ პარტნიორი თავისუფალია თუ დაოჯახებული, უმცროსია თუ უფროსი, როგორია მისი სოციალური სტატუსი. ქალის სექსუალური პარტნიორის ხელში ჩაგდების აკვიატებული და უკონტროლო სურვილი აშლილობის მთავარი სიმპტომია.

შეიძლება ისეთი სიმპტომების გამოყოფა, როგორიცაა ეგოიზმი და ნარცისიზმი საწოლში. მთავარი მიზანი ნებისმიერი სახით კმაყოფილების მიღებაა. მიუხედავად იმისა, რომ ნიმფომანებმა იციან შიდსის და სქესობრივი გზით გადამდები ვენერიული დაავადებების არსებობის შესახებ, დაავადების შეძენის ალბათობას არ შეუძლია „მშიერი“ ქალის შეჩერება.

 პრობლემა გაცილებით ღრმა და ძლიერია, ვიდრე სირცხვილი და საღი აზრი, რადგან აშლილობის მქონე გოგონას სპეციალიზებული დახმარების გარეშე დამოუკიდებლად გაჩერება არ შეუძლია.

ნიმფომანიის მიზეზები

დაავადების წარმოქმნის ძირითადი მიზეზები:

თავის ტვინის უბნების, მისი სტრუქტურის, აგრეთვე ჰიპოთალამუსის დაზიანება (განსაკუთრებით ხშირად დაზიანებების გამო). ჰიპოთალამუსის ზოგიერთ უბანში არის სპეციალური ცენტრები, რომლებიც პასუხისმგებელი არიან წყურვილზე, შიმშილზე, ძილსა და რეაქციებზე, მჭიდრო კავშირში არიან ქცევით რეაქციებთან, გამრავლებასთან და აგრესიულობასთან. ლიბიდოს მატებას ჰიპოთალამუსის ჰიპერსექსუალობის სინდრომი იწვევს. აღინიშნება გადაჭარბებული სექსუალური აღგზნების შეტევები, რაც გამოწვეულია სასქესო ორგანოების ზონაში უჩვეულო შეგრძნებებით, სასქესო ორგანოების მომატებული მგრძნობელობით, რაც იწვევს სიცხის შეგრძნებას, ასევე ტკივილის შეგრძნებას წელის არეში, მუცლის ქვედა ნაწილში. ამას თან ახლავს შარდვის ხშირი სურვილი.

ჰორმონალური ფონის შეფერხება. კლიმაქსის დროს ქალის ორგანიზმში ხდება ჰორმონალური ცვლილებები, ხშირად ეს არის კლიმაქტერიული ნიმფომანიის წარმოშობის ერთ-ერთი მიზეზი. ასეთი დიაგნოზი პირდაპირ კავშირშია ქალისა და მამაკაცის ჰორმონების დისბალანსთან საკვერცხეების დისფუნქციის გამო. ხანშიშესულ გაუთხოვარ ქალებს აღარ აქვთ გარეგანი მონაცემები, რომლებსაც შეუძლიათ ახალგაზრდა მამაკაცის მოზიდვა, ხოლო გათხოვილ ქალებს ჰყავთ ხანდაზმულ ასაკში შემცირებული პოტენციის მქონე ქმრები. ამრიგად, ისინი ვერ ახერხებენ გაზრდილი სექსუალური მოთხოვნილებების დაკმაყოფილებას, ამიტომ დღეების განმავლობაში იტანჯებიან  დამაუძლურებელი სექსუალური ლტოლვისგან. ამ ყველაფერს თან ახლავს ძლიერი ქავილი სასქესო ორგანოებში.

ქალთა დაავადებები და ფსიქიკური აშლილობები. ხშირად ასეთი დიაგნოზი შეიძლება მიიღონ ქალებმა მანიაკალურ-დეპრესიული მდგომარეობებით, ფსიქოპათიით, შიზოფრენიით და ასევე საკვერცხის სიმსივნეებით. ახალი წარმონაქმნების ან სიმსივნეების განვითარების პროცესში ქალმა შეიძლება იგრძნოს მუდმივი სექსუალური სურვილი.

ნიმფომანიის ფორმები

არსებობს ნიმფომანიით დაავადების ორი ფორმა, რაც დამოკიდებულია პაციენტების ასაკზე.:

ნიმფომანია ახალგაზრდა ასაკში.  ახალგაზრდა გოგონებს უმეტეს შემთხვევაში არ აწუხებთ თავიანთი მდგომარეობა, არ თვლიან თავს ავადმყოფად. ისინი თავს ტემპერამენტულად თვლიან, ხოლო ლიბიდოს გაზრდილი დონეს აღიქვამენ  როგორც ქალის ღირსებას, როგორც ქალის დადებით თვისებას.

ზღვარი ნორმის უკიდურეს ვარიანტსა და პათოლოგიას შორის ყოველთვის არ არის მკაფიო ჰიპერსექსუალობის განსაკუთრებულ შემთხვევებში. ასეთი ნიმფომანია წლების განმავლობაში შეიძლება გადაიზარდოს კლიმაქტერიულში. ქალებში ნიმფომანიას აქვს შემდეგი მაგალითები ცხოვრებიდან. ერთი ამერიკელი ქალი ოფიციალურად 12-ჯერ დაქორწინდა, რადგან მისი ქმრები იძულებული იყვნენ დაშორებოდნენ მას ან მისი ზეწოლის გამო, ან კვდებოდნენ დაუძლურების შედეგად.

ნიმფომანია კლიმაქტერიული.  მენოპაუზის შემდეგ ქალების დიდ რაოდენობს ლიბიდო ან უმცირდება ან მთლიანად ქრება, რიგ შემთხვევებში შეიძლება დარჩეს იმავე დონეზე, რაც იყო მენოპაუზის დაწყებამდე. თუ ლიბიდოს მკვეთრი ზრდა ხდება, ამას თან ახლავს პოსტკლიმაქტერული ან კლიმაქტერული ნიმფომანია.

თუ პათოლოგიას არ უმკურნალეს, სიმპტომები სიბერემდე გამწვავდება. კლიმაქტერული ნიმფომანია იწვევს პერვერსიას (ცხოველმყოფელობას ან ტრიბადიას), გადაჭარბებულ მასტურბაციას.

ნიმფომანიას ხშირად ურევენ პრომისკუიტეტთან - პათოლოგიური ჰიპერსექსუალობის ფორმასთან, რომელიც მჭიდროდ არის დაკავშირებული ტვინის ორგანულ დაზიანებასთან.

არ არის აშლილობა: მაღალი ლიბიდო, გაზრდილი სექსუალური აქტივობა შეყვარების დროს, სიყვარულისადმი დამოკიდებულება, ქალების თვითდადასტურება ახალ პარტნიორებთან ურთიერთობის გზით.

სიმპტომატიკა

განსახილველი პათოლოგია ძალიან სერიოზული დაავადებაა, ვინაიდან ის განსაკუთრებულ ყურადღებას მოითხოვს, რაც სერიოზულ მკურნალობაში გამოიხატება.

ქალებში ნიმფომანიას აქვს შემდეგი სიმპტომები:

აკვიატებული აზრები სქესობრივი კავშირის შესახებ;

შემთხვევითი ინტიმური ურთიერთობები;

აგზნებადობა, ისტერია, აგრესია და დეპრესია, როგორც ხასიათის ცვლილება;

ხშირი უკმაყოფილება სქესობრივი აქტით;

სექსუალური პარტნიორების ხშირი შეცვლა;

სულიერი თვალსაზრისით მამაკაცით დაინტერესების არარსებობა, როგორც  ადამიანი, მისი გარეგანი მონაცემების უგულებელყოფა;

9. უკონტროლო მიზიდულობა მამაკაცების მიმართ.

დიაგნოსტიკა

დაავადების დიაგნოზს სექსოპათოლოგი სვამს, თუმცა იმ პირობით, რომ გოგონა დამოუკიდებლად მივიდეს სამედიცინო მკურნალობის აუცილებლობის აზრამდე.

პაციენტებისთვის, რომლებმაც არ აცნობიერებენ თავიანთ პრობლემას, დიაგნოზის დასმა ძალიან რთულია. დაავადების გამომწვევი მიზეზების დადგენა ფსიქოლოგიური ტესტის საშუალებით ხდება.

ფსიქოლოგები და სპეციალისტები ადასტურებენ, რომ ასეთი ტესტის გავლის პროცესში ადამიანს შეუძლია საკუთარ პრობლემებზე მოახდინოს ყურადღების ფოკუსირება. ტესტის წყალობით, შეიძლება საკუთარი თავის უკეთ შეცნობა და საკუთარი ქცევის და გრძნობების მკაფიოდ გააზრება. ზოგჯერ საჭიროა ინსტრუმენტული და ლაბორატორიული კვლევის მეთოდების გამოყენება, ექიმთან გულწრფელი საუბარი საბოლოო დიაგნოზის დასმაში დაეხმარება.

ნიმფომანიის მკურნალობა

დაავადებამ შეიძლება ადამიანი სერიოზულ პრობლემებამდე მიიყვანოს პირად ცხოვრებაში.

ამ დაავადების გეგმაზომიერი მკურნალობა მოითხოვს ასეთი სპეციალისტების თანმიმდევრულ, სისტემატურ მიდგომას:

მრტ-ს სპეციალისტი საჭიროა თავის ტვინში ნეოპლაზმის გამოსარიცხად, აუცილებელია მაგნიტურ-რეზონანსული ტომოგრაფიის ჩატარება.

ფსიქოთერაპევტი. მკურნალობა მოიცავს სექსუალური სურვილის შემცირებას დამამშვიდებელი პრეპარატების საშუალებებით, ხშირად ეს ტრანკვილიზატორებია.

იმუნოლოგი. მისი ამოცანაა დანიშნოს დიეტა, რომელიც რაციონიდან გამორიცხავს სექსუალური აღგზნების გამზრდელ პროდუქტებს. ეს არის ნიგოზი, ზღვის პროდუქტები, ყველი, სოკო, ნიახური და შოკოლადი. ასევე აკრძალულია ალკოჰოლური სასმელები და ცხარე საკვები.

ენდოკრინოლოგი იძლევა დანიშნულებას სისხლის სპეციალურ ანალიზზე - ჰორმონებზე. ანალიზის შედეგების წყალობით ექიმი ადგენს, აუცილებელია თუ არა პაციენტის ჰორმონალური ფონის მკურნალობა.

ვენეროლოგი. პარტნიორების ხშირი შეცვლის შემთხვევაში ქალს ემუქრება ინფექციის გადაცემის რისკი. სექსუალური ტიპის ინფექციების გამოვლენა გულისხმობს ექიმის მიერ სპეციალური მკურნალობის დანიშვნას.

მხოლოდ ყველა საჭირო ანალიზის ჩაბარების და სათანადო გამოკვლევის შემთხვევაში ექიმს შეუძლია საბოლოო დიაგნოზის დადგენა და დაავადების გამომწვევი მიზეზების გარკვევა და შემდგომში დანიშნოს მაღალი ხარისხის მკურნალობა.