თანამედროვე მონები და ყმები: რატომ საუბრობენ 2 დეკემბერს მონობაზე და რამდენი მონაა რუსეთში

 https://altapress.ru/amp/story/232873

თანამედროვე მონები და ყმები: რატომ საუბრობენ 2 დეკემბერს მონობაზე და რამდენი მონაა რუსეთში

რუსეთში ბატონყმობა 150 წელზე მეტი ხნის წინ გაუქმდა; 1981 წელს მსოფლიოს ბოლო ქვეყანამ, მავრიტანიამ, საკანონმდებლო დონეზე აკრძალა მონობა და მონებით ვაჭრობა. მონობა ოფიციალურად აკრძალულია დედამიწაზე. მაგრამ ამ დროისთვის ადამიანებით ვაჭრობა მსოფლიოში მესამე ადგილზეა მომგებიანობის თვალსაზრისით. სამხედრო ტყვეობა, იძულებითი შრომა და სექსუალური ექსპლუატაცია არის მხოლოდ ნაწილი იმისა, რაც ითვლება მონობის თანამედროვე ფორმებად. რატომ არსებობენ ჯერ კიდევ ყმები და მონები - altapress.ru-ს მასალაში.

მონობის გაუქმებისთვის ბრძოლის საერთაშორისო დღე 

1949 წლის 2 დეკემბერს გაეროს გენერალურმა ასამბლეამ მიიღო კონვენცია „ადამიანებით ვაჭრობის და მესამე პირთა პროსტიტუციის ექსპლუატაციის აღკვეთის შესახებ“. ამ დღეს მონობის წინააღმდეგ ბრძოლის საერთაშორისო დღე აღინიშნება.

დღე საჭიროა იმისათვის, რომ კიდევ ერთხელ გავიხსენოთ - დღემდე მსოფლიოში დაახლოებით 40 მილიონი მონაა. ეს მონაცემები მოგვაწოდა ორგანიზაცია Walk Free-მ. მისმა კვლევამ აჩვენა, რომ ექსპლუატირებულთა ან ძალის გამოყენებით დაკავებულთა დაახლოებით 70% ქალი და გოგოა.

მონობა თანამედროვე რუსეთში

ჯერ კიდევ 2003 წელს,  რუსეთის ფედერაციის ფედერალური ასამბლეის სახელმწიფო დუმის კომიტეტის თავმჯდომარემ ოჯახის, ქალებისა და ბავშვების შესახებ ელენა მიზულინამ გამოთქვა თავისი მოსაზრება გაეროს ანგარიშის მონაცემებზე და იმ ვითარებაზე, რომელიც არსებობს ქვეყანაში და მსოფლიოში: „დღეს ადამიანებით ვაჭრობიდან მიღებული შემოსავალი აღემატება ნარკოტიკებით ვაჭრობის შემოსავალს. თუ არაფერი გაკეთდა, მაშინ ყველა მონათმოვაჭრე ჩვენთან შეიკრიბება“. 

იმ მომენტიდან სიტუაცია არ გაუმჯობესებულა, რუსეთში უკვე მილიონზე მეტი მონაა. რუსეთის ფედერაცია მათი რაოდენობით მეხუთე ადგილზეა, აღნიშნავს theins.ru Global Slavery Index-ის ერთ-ერთ მოხსენებაზე დაყრდნობით. რუსეთს მხოლოდ ინდოეთმა, ჩინეთმა, პაკისტანმა და უზბეკეთმა გაუსწრეს. რუსეთში დაახლოებით 800 ათასი ადამიანია, რომლებიც სხვადასხვა სახის მონობაში იმყოფებიან, ნათქვამია Global Slavery Index фонда Walk Free-ს ანგარიშში.

ვინ შეიძლება გახდეს დღეს მონა?

მოსახლეობის იმ კატეგორიაში მოხვედრის დიდი ალბათობა, რომელსაც მონები ჰქვია, მიგრანტებისთვის არსებობს. დიმიტრი პოლეტაევი, მიგრაციის კვლევის ცენტრის დირექტორი: „ეს მოვლენა ზოგჯერ თან ახლავს მიგრაციას. როდესაც ჩვენი თანამემამულეები აღმოჩნდებიან საზღვარგარეთ, ეს მათაც შეიძლება დაემართოს. ან როცა ჩვენი თანამემამულეები საკუთარ ქვეყანაში მონობაში ჩავარდებიან, საბუთების, სამედიცინო დახმარების, ნორმალური კვებისა და შემოსავლის, ნათესავებთან კავშირის გარეშე“.

რისკის ქვეშ არიან მარტოხელა ადამიანები, ქვეყნის შორეული რეგიონებიდან ჩამოსული ადამიანები, ვინც ჩვეულებრივ ჩამოდის რუსეთის დიდ ქალაქებში ფულის საშოვნელად. ეს ფორმა უფრო გავრცელებულია, ვიდრე სხვა.

ძალაუნებურად ქორწინება და სექსუალური მონობა

ძალაუნებურად ქორწინება და პატარძლის გატაცება ჯერ კიდევ ხდება. ეს მოვლენა ასევე შედის თანამედროვე მონობის ვარიანტებში. ყველაზე ხშირად, ეს გვხვდება კავკასიის რესპუბლიკებსა და მიმდებარე რეგიონებში და ასოცირდება შემორჩენილ წეს-ჩვეულებებთან და ტრადიციებთან.

სექსუალური მონობა პირველ რიგში ასოცირდება „მონების იმპორტთან“. დამქირავებლები ცდილობენ განაწყონ თავის მიმართ, აღძრან მათ მიმართ ნდობა. შეცდომაში შეჰყავთ (პირდებიან მაღალანაზღაურებად სამსახურს, გაცნობას და ა.შ.), შემდეგკი მიჰყავთ ახლო აღმოსავლეთში.

სექსუალური იძულება ვრცელდება არა მხოლოდ დიდებზე, არამედ ბავშვებზეც. არის სიტუაციები, როცა ზოგიერთ ოჯახს შვილები სხვა ქვეყნების სხვადასხვა ბავშვთა სახლებიდან „მოჰყავს“ - სამშობლოში, რასაც უნდათ იმას აკეთებენ. ბოლო დროს საერთაშორისო ექსპერტებმა აღნიშნეს რუსეთში სექსუალური მონობის მსხვერპლთა რაოდენობის შემცირება პოლიციის აგრესიული გამოძიებებისა და რუსეთის თანამშრომლობის გამო უცხოურ სამართალდამცავ ორგანოებთან.