Foreign Policy: ვინ აიძულა ნეონაცისტებს გაჩუმება გერმანიაში?
გერმანიის ფედერაციული რესპუბლიკის ასობით მოქალაქე თეთრ ან შავ პერანგში გამოწყობილი, შეიკრიბა ბერლინის დასავლეთ ნაწილში, შპანდაუს ადმინისტრაციული ოლქის ცენტრში. ნეონაცისტებს ხელში ჰქონდათ გერმანიის იმპერიის დროშები და ბაირაღები წარწერით: „მე არაფერს ვნანობ“ (ციტატა ნიურნბერგის სასამართლო პროცესზე ფიურერის მოადგილის რუდოლფ ჰესის დასკვნით სიტყვიდან), წერს The Foreign Policy.
შესაძლოა, ყველაზე განსაცვიფრებელი ამ აქციაში იყო შეკრებილთა შემზარავი სიმშვიდე. შაბათს, 19 აგვისტოს, მიტინგის მონაწილეები იდგნენ სრულ სიჩუმეში. არც სიმღერები ისმოდა, არც შეძახილები. როდესაც ჟურნალისტები მომიტინგეებს უახლოვდებოდნენ და ცდილობდნენ კითხვების დასმას, ისინი უბრალოდ ზურგს აქცევდნენ მათ და არაფერს ამბობდნენ.
ასე გამოიყურება ნეონაცისტური მსვლელობა დემოკრატიულ ქვეყანაში, რომელმაც დააწესა რიგი შეზღუდვები ნეონაცისტებისთვის, წერს FP. გერმანიაში დაშვებულია ნეონაცისტური მსვლელობები, მაგრამ ნაცისტური ლოზუნგებისა და რასისტული განცხადებების გამოყენება კანონით აკრძალულია. ეს ნიშნავს, რომ ნეონაცისტები შემოქმედებითად უნდა მიუდგნენ თავისი აქციების გაფორმებას, დროშებისა და ლოზუნგების ჩათვლით, ან საერთოდ არ თქვან არაფერი. მიტინგის ორგანიზატორებმა ასევე აუკრძალეს მონაწილეებს ჟურნალისტებთან საუბარი და მიტინგზე ტელეფონების ან ალკოჰოლის მიტანა.
შაბათის მსვლელობა შპანდაუში, რომელსაც ესწრებოდნენ ნეონაცისტები მთელი გერმანიიდან, მოეწყო ჰესის გარდაცვალებიდან 30 წლისთავის აღსანიშნავად, რომელიც ციხეში იმყოფებოდა რამდენიმე ათეული წლის განმავლობაში, სანამ თავი არ მოიკლა 1987 წლის 17 აგვისტოს 93 წლის ასაკში. მისი გარდაცვალების შემდეგ ციხე მალე დაანგრიეს. ხელისუფლებას არ სურდა, რომ ის გამხდარიყო ულტრამემარჯვენე ორგანიზაციების შეკრების ადგილი. ნეონაცისტები თვლიან, რომ ჰესი მოკლეს, რათა მას არ გაემხილა ბრიტანეთის სამხედრო საიდუმლოებები. 1987 წლიდან, ულტრამემარჯვენეები ხშირად აწყობდნენ მსვლელობას ჰესის გარდაცვალების წლისთავის აღსანიშნავად.
ზოგჯერ ქალაქის ხელისუფლება კრძალავს ნეოანაცისტურ მსვლელობებს. მაგალითად, 2007 წელს მიუნხენის სასამართლომ აკრძალა ჰესის ხსოვნისადმი მიძღვნილი მიტინგი, მაგრამ აღმოსავლეთით მდებარე ქალაქ იენას ხელისუფლებამ ნება დართო ნეონაცისტური აქციის ჩატარებას. წელს ქალაქის ხელისუფლებამ ხელი არ შეუშალა მემორიალური მსვლელობის ჩატარებას.
„გერმანიას ბევრად უფრო აქტიური პოზიცია უკავია ექსტრემიზმის წინააღმდეგ ბრძოლაში, ვიდრე შეერთებულ შტატებს ... ქვეყანა ყველა ღონეს ხმარობს, რათა შეზღუდოს განცხადებები და ჯგუფების საქმიანობა, რომლებმაც შეიძლება საფრთხეს შეუქმნან დემოკრატიას, თუნდაც ეს საფრთხე პოტენციური იყოს“, - მიიჩნევს ვერმონტის შტატის მიდლბერის კოლეჯის პოლიტოლოგიის პროფესორი ერიკ ბლეიხი.
მაგრამ, თუ გავითვალისწინებთ გერმანიის ხელისუფლების მიერ ნეონაცისტების მიმართ დაწესებულ ყველა შეზღუდვას, შეიძლება დარწმუნებული ვიყოთ, რომ ეს პოლიტიკა ხელს შეუშლის ექსტრემისტული იდეების გავრცელებას? მიუხედავად იმისა, რომ შპანდაუს მსვლელობაზე არ ყოფილა აშკარა ნაცისტური სიმბოლოები და ლოზუნგები, ნებისმიერს ადვილად შეეძლო იმის დადგენა, რომ ეს მსვლელობა ორგანიზებული იყო ნეონაცისტების მიერ. სვასტიკის აკრძალვა არ ნიშნავს, რომ ნაცისტური იდეოლოგიას ზიანი მიადგება.
გერმანიაში ათიათასობით მემარჯვენე ექსტრემისტი ცხოვრობს, რომლებიც ყოველწლიურად სჩადიან ათასობით პოლიტიკურად მოტივირებულ (ძირითადად არაძალადობრივ) დანაშაულს. 2015 წლისთვის მემარჯვენე ექსტრემისტების რიცხვი პირველად გაიზარდა, ასევე მკვეთრად გაიზარდა ძალადობრივი დანაშაულის რიცხვი ულტრამემარჯვენე ექსტრემისტების მიმართ, ნათქვამია კონსტიტუციის დაცვის შესახებ ყოველწლიურ მოხსენებაში.
ბლეიხი მიიჩნევს, რომ განათლება, სავარაუდოდ, უფრო ეფექტური საშუალებაა ექსტრემიზმის წინააღმდეგ გამოსაყენებლად, მაგრამ იურიდიული აკრძალვები, ყოველ შემთხვევაში, ექსტრემისტული იდეოლოგიების მარგინალიზაციას ემსახურება. ნებისმიერ შემთხვევაში, გერმანიაში იციან, როგორ უნდა ებრძოლონ ნეონაცისტებს. პროტესტანტების უზარმაზარი არმია ასევე შეიკრიბა შპანდაუში ნეონაცისტური მარშის წინააღმდეგ. პოლიტიკური პარტიები, მემარცხენე ჯგუფები, ეკლესიის წარმომადგენლები, საზოგადოებრივი ორგანიზაციები შეიკრიბნენ თავისი პოზიციის გამოსახატად. ყველა მათგანი ერთი ლოზუნგს წამოიძახოდა: „გაეთრიეთ ნაცისტებო!“
გერმანული ფაშიზმის ინგლისური ფესვები: ბრიტანულიდან ავსტრო-ბავარიულ „ბატონთა რასამდე“
გერმანული ფაშიზმის ინგლისური ფესვები: ბრიტანულიდან ავსტრო-ბავარიულ „ბატონთა რასამდე“, ავტორი მანუელ სარკისიანცი.
ამ წიგნში მოცემულია სრულიად ახალი შეხედულება გერმანული ფაშიზმის წარმოშობაზე. მ. სარკისიანცი ამტკიცებს, რომ ჰიტლერის იდეების მრავალი წყარო ინგლისის იმპერიულ პოლიტიკასა და იდეოლოგიაშია. ავტორი თანმიმდევრულად აჩვენებს, თუ როგორი გავლენა იქონია ინგლისის კოლონიურმა პოლიტიკამ, მისმა იმპერიულმა ამბიციებმა, რასობრივი საკითხebისადმი დამოკიდებულებამ, აღზრდის და განათლების პრინციპებმა ჰიტლერის იდეების ჩამოყალიბებაზე. დეტალურად არის ნათქვამი დიდი ბრიტანეთის კონსერვატორულ ისტებლიშმენტში ჰიტლერული რაიხის იდეალიზაციის, მეორე მსოფლიო ომში ბრიტანელების მონაწილეობის შესახებ გერმანიის მხარეზე. ავტორი აგრეთვე აანალიზებს ფუნდამენტურ განსხვავებებს ბრიტანელი და გერმანელი რასისტების თეორიულ და პრაქტიკულ მიდგომებში, რომლებმაც განაპირობეს ისტორიული ფენომენების ასეთი განსხვავებული ბედი და შესაბამისი შეფასება.
Комментариев нет:
Отправить комментарий
Will be revised