მითი ეჭვიანებისთვის ან რეალობა: როგორ მოქმედებს მაგნიტური ქარიშხალი ადამიანების ცხოვრებაზე

 https://www.m24.ru/articles/obshchestvo/22102020/157277

მითი ეჭვიანებისთვის ან რეალობა: როგორ მოქმედებს მაგნიტური ქარიშხალი ადამიანების ცხოვრებაზე

რუსეთის მეცნიერებათა აკადემიის ფიზიკური ინსტიტუტის მზის რენტგენის ასტრონომიის ლაბორატორიის სპეციალისტებმა მრავალდღიანი მაგნიტური ქარიშხალი იწინასწარმეტყველეს. აფეთქებები 22 ოქტომბერს დაიწყო. მოგითხრობთ, როგორ მოქმედებს ეს ფენომენი ადამიანებზე და ტექნიკაზე.

აფეთქება ზემოდან

თავდაპირველად მეცნიერებს მიაჩნდათ, რომ მაგნიტური ქარიშხალი უნდა დაწყებულიყო 21 ოქტომბერს G1 კლასით და გაგრძელებულიყო 24-მდე, რის შემდეგაც ეს ფენომენი G2 კლასად გადაიზრდებოდა. დედამიწის მაგნიტოსფერო მხოლოდ 29 ოქტომბრისთვის დამშვიდდებოდა.

მაგრამ ცოტა ხნის რუსეთის მეცნიერებათა აკადემიის ფიზიკური ინსტიტუტის მზის რენტგენული ასტრონომიის ლაბორატორიის ექსპერტებმა მოახდინეს გამოთვლების კორექტირება. დედამიწას მხოლოდ G1 კლასის ქარიშხალი ელოდება, და ის მხოლოდ სამი დღე გაგრძელდება - 25 ოქტომბრამდე.

მაგნიტური ქარიშხლების კლასიფიკაცია გვთავაზობს ხუთ დონეს, სადაც G1 ყველაზე სუსტია. მეცნიერთა აზრით, მას შეუძლია მცირე შეფერხებების პროვოცირება ელექტრო სისტემების მუშაობაში და გავლენა მოახდინოს ფრინველებისა და ცხოველების მიგრაციის გზებზე. უფრო მაღალ დონეზე შეინიშნება მოკლეტალღური კავშირის დარღვევა, ძაბვის ვარდნა სამრეწველო ქსელებში და ნავიგაციის სისტემების არაკორექტული მუშაობა.

2020 წლის სექტემბერში კლიმატოლოგმა სან-ფრანცისკოდან მილა ზინკოვამ ივარაუდა, რომ მაგნიტური ქარიშხალი შეიძლება იყოს ცნობილი „ტიტანიკის“ დაღუპვის ერთ-ერთი მიზეზი. გემის დაღუპვის შემდეგ გადარჩენილები აცხადებდნენ, რომ ნახეს ჩრდილოეთის ციალი - ნათება, რომელიც გამოწვეული იყო ატმოსფეროს ურთიერთქმედებით მზის ქარის დამუხტულ ნაწილაკებთან. სწორედ ის იწვევს დედამიწაზე მაგნიტურ შტორმებს, რამაც შეიძლება ხელი შეუშალოს გემის სანავიგაციო სისტემის მუშაობას, აღნიშნავს კლიმატოლოგი.

ეშმაკი არც ისე საშიშია?

რუსეთის მეცნიერებათა აკადემიის დედამიწის მაგნიტიზმის, იონოსფეროსა და რადიოტალღების გავრცელების ინსტიტუტის კოსმოსური ამინდის პროგნოზირების ცენტრის ხელმძღვანელმა სერგეი გაიდაშმა „მოსკოვი 24-თან“ საუბარში აღნიშნა, რომ ამ მომენტისთვის ისინი პროგნოზირებენ მაგნიტური ველის სუსტ აღშფოთებასას, რომელიც არც კი მიაღწევს G1-ს.

„ჯერჯერობით, ჩვენი პროგნოზი ძირითადად არის სუსტად აღშფოთებული მაგნიტური ველია, შესაძლო ცალკეული აღშფოთებული პერიოდებით მცირე მაგნიტურ ქარიშხალამდე. იგივე სურათი შეიძლება დაფიქსირდეს ნებისმიერ მომდევნო დღეს“, - თქვა ექსპერტმა.

„ეს ნამდვილად არანაირად არ იმოქმედებს ადამიანებზე. მხოლოდ იმ შემთხვევაში, თუ მაგნიტური ქარიშხალი იქნება მაქსიმალური. ასეთი დარღვევები ასევე არ იმოქმედებს დედამიწაზე არსებული ტექნიკის მუშაობაზე. კოსმოსურზე - ცოტაოდენს, რაზეც გაფრთხილებულია შესაბამისი სამსახურები. - სერგეი გაიდაში - რუსეთის მეცნიერებათა აკადემიის დედამიწს მაგნიტიზმის, იონოსფეროს და რადიოტალღების გავრცელების ინსტიტუტის კოსმოსური ამინდის პროგნოზების ცენტრის ხელმძღვანელი.

მეცნიერის თქმით, დედამიწა ახლა მზის აქტივობის მინიმუმშია, პიკი დაახლოებით 2023 წელს დადგება.

„ახლა ქარიშხალი თვეში დაახლოებით ერთია. და ეს არ არის იმის გამო, რომ მზის აფეთქებები გავლენას ახდენს სხვა პროცესებზე. ახლა ქარიშხლები სუსტია. მაქსიმუმის შემთხვევაში მოსკოვში შეიძლება გვქონდეს ჩრდილოეთის ციალი, ეს უკვე მოხდა 2003 წლის ოქტომბერში“, - იხსენებს გაიდაში.

ითვლება, რომ მაგნიტური ქარიშხალი ნეგატიურად მოქმედებს მეტეომგრძნობიარე ადამიანების ჯანმრთელობაზე. ამასთან, ამ მოსაზრებას არ ეთანხმება უმაღლესი კატეგორიის ექიმი-თერაპევტი ალექსეი ვოდოვოზოვი.

 „ჩვენ დამოკიდებულნი ვართ ამინდის კონკრეტულ პირობებზე და ზოგიერთი დაავადება მართლაც შეიძლება იყოს პროვოცირებული სხვადასხვა ფაქტორებით. მაგალითად, ატმოსფერული წნევის მატება ყველაზე ხშირად იწვევს სიცხეს და მშრალ ჰაერს. მათთვის, ვისაც აქვს, მაგალითად, შაკიკი, ეს შეიძლება გახდეს ტრიგერი. და თუ უკან გადავახვევთ, მაშინ ჩვენ შეგვიძლია როგორმე დავაკავშიროთ თავის ტკივილი ატმოსფერულ წნევას ან ამინდს მზეზე, მაგრამ პირდაპირი ტრიგერი ცოტა განსხვავებულია“, - განუცხადა თერაპევტმა „მოსკოვი 24“-ს. 

 „მაგნიტური ქარიშხალი ამ თვალსაზრისით აბსოლუტურად არანაირ როლს არ თამაშობს. დიახ, ახლა ბევრი იტყვის, რომ მათ მართლა უარესად იგრძნეს თავი. მაგრამ თუ დავიწყებთ გარკვევას, და ასეთი კვლევები არაერთხელ ჩატარდა, მაშინ მაგნიტური ქარიშხალი საბოლოოდ არანაირად არ აღმოჩნდა დაკავშირებული კანმრთელობის გაუარესებასთან“. - ალექსწი ვოდოვოზოვი, უმაღლესი კატეგორიის ექიმი თერაპევტი 

ხშირად ასეთი რამ ემართებად მეტეოდამოკიდებულ ადამიანებს, რომლებიც ყურადღებით ადევნებენ თვალყურს ახალ ამბებს მაგნიტური ქარიშხლის შესახებ, განაგრძობს „მოსკოვი 24“-ის თანამოსაუბრე.

„და როდესაც იწყება მაგნიტური ქარიშხალი, მათი მდგომარეობა შეიძლება შეიცვალოს, მაგრამ ეს არ არის დაკავშირებული მასთან, არამედ ამინდის ცვლილებასთან. ადამიანები ამას მიაწერენ ქარიშხალს. თუ ადამიანმა იცის, რომ ქარიშხალი ახლა ხდება, აუცილებლად დაიწყებს რაღაცის ძებნას და აუცილებლად იპოვის რაღაცას. და თუ მან არ იცის, რომ ქარიშხალია, მაშინ ზოგადად შეიძლება ვერაფერი შეამჩნიოს“, - განაცხადა ვოდოვოზოვმა.

ექსპერტმა დასძინა, რომ ასევე არსებობს მოსაზრებები ადამიანის მდგომარეობაზე მაგნიტური ქარიშხლების უშუალო ზემოქმედების შესახებ, თუმცა, მისი თქმით, მათ, ძირითადად, არანაირი სამეცნიერო მტკიცებულება არ გააჩნიათ.