ადამიანს შეიძლება გააჩნდეს „მეექვსე გრძნობა“

ადამიანს შეიძლება  გააჩნდეს  „მეექვსე  გრძნობა“

 https://www.gismeteo.ru/news/sobytiya/31162-chelovek-mozhet-obladat-shestym-chuvstvom/

 დახუჭეთ თვალები, მოდუნდით და იფიქრეთ რამე სასიამოვნოზე. ამ მდგომარეობაში თქვენი ტვინი სავსეა ალფა ტალღებით, ელექტრული ტვინის ტალღის ტიპით, რომელიც დაკავშირებულია ფხიზლობის მოდუნებასთან. კალიფორნიის ტექნოლოგიური ინსტიტუტის მეცნიერებმა აღმოაჩინეს მტკიცებულებები, რომ დედამიწის მაგნიტური ველის ცვლილებებმა შეიძლება აღკვეთონ ალფა ტალღები ადამიანის ტვინში.

დიდი ხანია დადგენილია, რომ ცოცხალ არსებებს შეუძლიათ მაგნიტური ველების შეგრძნება. მაგალითად, ფუტკრები, თევზები, კუები, ფრინველები და ღამურები იყენებენ გეომაგნიტურ ველს სივრცეში ორიენტაციისთვის, ხოლო სპეციალურად გაწვრთნილ ძაღლებს შეუძლიათ მაგნიტის ადგილმდებარეობის განსაზღვრა.

„ბევრი ცხოველი ამას გრძნობს, ჩვენ რატომ არ ვგრძნობთ?“ - კითხულობს კონი ვანგი,  Caltech-ის ასპირანტი  და კვლევის წამყვანი ავტორი.

იმის გასარკვევად, გრძნობენ თუ არა ადამიანები მაგნიტურ ველებს, მკვლევარებმა ააგეს იზოლირებული კამერა რადიოსიხშირის დაცვით, სადაც ექსპერიმენტის მონაწილეები ერთი საათის განმავლობაში სრულ სიბნელეში ისხდნენ. როდესაც მაგნიტური ველები ჩუმად მოძრაობდნენ კამერის გარშემო, მონაწილეთა ტვინის ტალღები იზომებოდა თავზედამაგრებული  ელექტროდების გამოყენებით.

34 მონაწილიდან ზოგიერთს  ტვინის ალფა ტალღის სიმძლავრე 60%-ით შემცირდა, ველების გადაადგილების საპასუხოდ. კვლევის თანაავტორები ამტკიცებენ, რომ ეს არის ადამიანის კიდევ ერთი გრძნობის - მაგნეტორცეფციის - კონკრეტული მტკიცებულება.

აღსანიშნავია, რომ მონაწილეებმა, რომლებმაც განიცადეს ეს ცვლილება, განაცხადეს, რომ არაფერი შეუნიშნავთ. ამ ეფექტის შეუცნობლობამ აიძულა მკვლევარებს ევარაუდათ, რომ ეს შეიძლება იყოს ჩვენი წინაპრების ორიენტაციის უძველესი შესაძლებლობა ლოკალური მაგნიტური სიგნალების დახმარებით.

ნიშნავს ეს იმას, რომ ადამიანს შეუძლია გრძნობდეს გეომაგნიტურ ქარიშხალს? არ არის გარკვეული. როდესაც ისინი დედამიწას თავს დაატყდებიან, პლანეტის მაგნიტური ველი იწყებს რხევას. კომპასის ისრებს  შუა განედზე შეუძლიათ გადაადგილება 4 ან 5 გრადუსით. მაგრამ მაგნიტური ველები საცდელ კამერაში გადაადგილდა დაახლოებით 90 გრადუსით - ბევრად მეტი, ვიდრე ტიპიური გეომაგნიტური ქარიშხალის დროს. ამრიგად, ჯერჯერობით უცნობია, საკმარისად მგრძნობიარეა თუ არა ადამიანის მაგნიტოორეცეპტორი კოსმოსურ ამინდთან დაკავშირებული შედარებით სუსტი ცვლილებების აღმოსაჩენად.

კვლევა გამოქვეყნებულია ჟურნალში eNeuro.