შეუძლია თუ არა კოსმოსურ ამინდს გაანადგუროს თქვენი ღრუბლოვანი მონაცემთა დამუშავების ცენტრი?

 https://telecombloger.ru/28870

შეუძლია თუ არა კოსმოსურ ამინდს გაანადგუროს თქვენი ღრუბლოვანი მონაცემთა დამუშავების ცენტრი? 

მონაცემთა დამუშავების ცენტრის დამპროექტებლებმა და მშენებლებმა, ისევე როგორც მათმა დამკვეთებმა, არც კი იციან, რომ კოსმოსში ძლიერმა ელექტრომაგნიტურმა იმპულსმა შეიძლება რეალური ზიანი მიაყენოს მათ მიერ აშენებულ სერვერული ფერმის ელექტრო ინფრასტრუქტურას. მაგრამ, ამ პრობლემის არსებობის შესახებ გაგების შემდეგაც, ისინი არასაკმარის ყურადღებას აქცევენ მას, რადგან მიაჩნიათ, რომ მოვლენების ამ ვარიანტის განვითარების ალბათობა ნულოვანია. თუმცა, არიან სპეციალისტებიც, რომლებმაც  ადრეულ ეტაპზევე მიიღეს მონაცემთა დამუშავების ცენტრების აგების პროექტების გაყინვის გადაწყვეტილება, მათი მნიშვნელოვნად დახვეწის და ელექტრომაგნიტური იმპულსებისგან მიღებული შესაძლო ზიანის მინიმუმამდე დაყვანის მიზნით, რომელიც გამოწვეულია კოსმოსური ამინდის ან ადამიანის ქმედებებით.

ცხადია, ეს სიამოვნება იაფი არ არის. პრაქტიკა აჩვენებს, რომ მონაცემთა დამუშავების ცენტრის პროექტის ასეთმა დახვეწამ შეიძლება გამოიწვიოს მისი ღირებულების 60 პროცენტზე მეტი ზრდა, ხოლო პროექტის რეალიზაციის ვადები შეიძლება მთელი წლით გაიზარდოს.

საფრთხე ზემოდან

        ელექტრომაგნიტური იმპულსის ფენომენის მკვლევართა საზოგადოებას არ შეიძლება ეწოდოს დიდი. მასში შედიან მეცნიერები, საჯარო მოხელეები და თანამდებობის პირები, ასევე კერძო სექტორის წარმომადგენლები, რომლებიც შეშფოთებულნი არიან 1921 წელს მომხდარი კატასტროფული გეომაგნიტური ქარიშხლის განმეორების შესაძლებლობით, რომელმაც სერიოზულად დააზიანა პლანეტის ინფრასტრუქტურა. ცნობისთვის: ის მზის ქარიშხალი ათჯერ უფრო ძლიერი იყო, ვიდრე 1989 წლის გეომაგნიტური ქარიშხალი, რომელმაც კვებეკში 6 მილიონი ადამიანი ელექტროენერგიის გარეშე დატოვა.

ჩვენ ძალიან ვართ დამოკიდებულნი ელექტროენერგიაზე - რა თქმა უნდა, ბევრად უფრო მეტად, ვიდრე 1921 წელს. სოციალური ინფრასტრუქტურის ყველა ძირითადი ელემენტი ახლა უფრო ურთიერთდაკავშირებულია, ვიდრე ოდესმე. NASA-ს მიერ დაფინანსებულმა კვლევამ იწინასწარმეტყველა, რომ ამ მასშტაბის მზის ქარიშხლის ზემოქმედებამ შეიძლება მწყობრიდან გამოიყვანოს ენერგეტიკული სისტემების დიდი უმრავლესობა მთელს პლანეტაზე. ელექტროენერგიის გათიშვა სწრაფად გამოიწვევს წყალმომარაგებას შეწყვეტას, გაანადგურებს მალფუჭებადი საკვები პროდუქტებისა და მედიკამენტების მარაგს, მწყობრიდან გამოიყვანს გათბობისა და ჰაერის კონდიცირების, ჩამდინარე წყლების,  საწვავის მიწოდების სისტემებს და ა.შ.

როგორც ცნობილია, მონაცემთა დამუშავების ცენტრის ინფრასტრუქტურის ბევრ ელემენტს ახასიათებს ურთიერთდამოკიდებულება, ამიტომ, თუ წყალი მიუწვდომელია წყალმიმღების სადგურებზე ელექტროენერგიის ხანგრძლივი შეწყვეტის გამო, არაპრაქტიკული ხდება ელექტრო გენერატორების გაშვებაც (წყლის არარსებობის შემთხვევაში მონაცემთა დამუშავების ცენტრში).

კიდევ ერთი მნიშვნელოვანი მომენტი არის ის, რომ ჩვენ სულ უფრო მეტად დამოკიდებულები ვხდებით ღრუბელზე, რომელიც ასევე, სავარაუდოდ, ოფლაინში წავა მზის ძლიერი ქარიშხლის შემთხვევაში. რიგი უმსხვილესი Amazon Web Services გამოთვლითი კლასტერები, ასევე Microsoft-ისა და Google-ის მონაცემთა დამუშავების ცენტრები განლაგებულია „ენერგეტიკული სისტემის სავარაუდო კოლაფსის ადგილებში“. ამ სერვერული ფერმების დაუნტაიმის შემთხვევაში არასაკმარისი რესურსების გამო კრიტიკულად მნიშვნელოვანი ინფრასტრუქტურის შესანარჩუნებლად, თავისი ინტერნეტ-ინფრასტრუქტურის გარეშე შეიძლება დარჩეს ავარიულ-სამაშველო სამსახურები, საავადმყოფოები, კომუნალური საწარმოები, თავდაცვითი ინფრასტრუქტურის ობიექტები და მსხვილი ფინანსური ორგანიზაციები.

მაგრამ არ უნდა დაგვავიწყდეს, რომ არსებობს არა მხოლოდ ჩვეულებრივი ელექტრომაგნიტური იმპულსის რისკი, რომელიც გამოწვეულია კოსმოსური ამინდით და იწვევს იმ გარემოებას, რომ მზის ქარი ან მზიდან კორონალური მასის გამოდევნა აღწევს და არღვევს დედამიწის მაგნიტოსფეროს. არამეგობარ სახელმწიფოებს სავსებით შეუძლიათ მიზანმიმართული ელექტრომაგნიტური იმპულსის განხორციელება სხვა ქვეყნებზე თავდასხმის დროს, რათა გამოიყვანონ მწყობრიდან კრიტიკულად მნიშვნელოვანი ინფრასტრუქტურის ერთი ან მეტი ელემენტი.

 თუმცა ჯერ არ არსებობს მსგავსი თავდასხმების დადასტურებული შემთხვევები, მაგრამ, ტექნოლოგიური თვალსაზრისით, ეს სავსებით შესაძლებელია. თუმცა, ზოგიერთი ექსპერტი ამტკიცებს, რომ კიბერშეტევა ბევრად უფრო მარტივი გზაა მტრის ინფრასტრუქტურის გასანადგურებლად, ამიტომ ელექტრომაგნიტური იმპულსის გამოყენებით თავდასხმები ნაკლებად სავარაუდოა.

ელექტრომაგნიტურ იმპულსს ჯობია არ ეხუმრო

 ექსპერტების აზრით, თითქმის შეუძლებელია არსებული მონაცემთა დამუშავების ცენტრის  მოდიფიცირება ელექტრომაგნიტური იმპულსისგან დასაცავად. ამიტომ, ასეთი ინციდენტის შესაძლებლობა „ნულიდან“ უნდა იქნას გათვალისწინებული მონაცემთა ცენტრების პროექტირებისა და აშენებისას, მისგან დაცვის საშუალებების ეფექტურად დანერგვის გზით.

არსებობს ორი ძირითადი კონსტრუქციეული თავისებურებები, რომლებიც უზრუნველყოფენ მონაცემთა დამუშავების ცენტრის ელექტრომაგნიტური იმპულსებისგან გაცვას: მთელი შენობა, ასევე მისი სარეზერვო გენერატორები და გაგრილების სისტემები უნდა იყოს ჩასმული ლითონის გარსის ქვეშ, ხოლო შემომავალი ელექტროგადამცემი ხაზები უზრუნველყოფილი უნდა იყოს სპეციალური ფილტრებით, რომლებიც შექმნილია იმისათვის, რომ მან გაუძლოს ელექტრომაგნიტური იმპულსებით გამოწვეული ძაბვის სწრაფ  ცვალებადობას.

====

https://cae-club.ru/publications/modelirovanie-elektromagnitnyh-impulsov-emp

ელექტრომაგნიტური იმპულსების მოდელირება (EMP)

დღეს სულ უფრო აქტუალური ხდება ელექტრომაგნიტური იმპულსების გავლენისგან დაცვის შემუშავების საკითხი, რამაც შეიძლება გამოიწვიოს ინფრასტრუქტურის ელექტრო მოწყობილობების შეუქცევადი დაზიანება უზარმაზარ ტერიტორიებზე, მაგალითად, ქალაქებში. ასეთი დაზიანების აღმოფხვრა შესაძლებელია მხოლოდ შეზღუდული შესაძლებლობის მქონე აღჭურვილობის სრული ჩანაცვლების გზით. შედეგად, ელექტრომაგნიტური იმპულსების ზემოქმედება შეიძლება გახდეს სერიოზული საფრთხე ეროვნული უსაფრთხოებისა და ეკონომიკური საქმიანობისთვის. გარდა ამისა, საყოფაცხოვრებო ტექნიკის რიგითი მომხმარებლები ასევე განიცდიან ელექტრომაგნიტური იმპულსების ზემოქმედებას.

             ელექტრომაგნიტურ იმპულსებთან დაკავშირებული ხელსაწყოების კომპლექსი ANSYS HFSS ამ მოვლენის შესასწავლად ყველაზე უსაფრთხო და ეფექტური გზაა, რომელიც დაგეხმარებათ განსაზღვროთ ზომები ძვირადღირებული აღჭურვილობის განადგურების რისკის თავიდან ასაცილებლად.

აღწერილი პროგრამული კომპლექსი იძლევა ტექნოლოგიების, აღჭურვილობისა და პროტოკოლების  შემუშავების დაჩქარების და გამარტივების საშუალებას, რომლებსაც შეუძლიათ წინასწარ განსაზღვრონ და ავტომატურად მოახდინონ რეაგირება ელექტრომაგნიტური იმპულსების მზარდ ალბათობაზე, ასევე კოორდინაცია გაუწიონ აღდგენის სამუშაოებს ასეთი ინციდენტის შედეგების აღმოსაფხვრელად.

ელექტრომაგნიტური იმპულსების მოდელირების გავლენა ელექტრონიკაზე 

ელექტრომაგნიტური იმპულსები-ეფექტები ელვის დარტყმის მსგავსია, მაგრამ მათი გავლენა ელექტრონულ ქვესისტემებზე შეიძლება იყოს ბევრად უფრო ფართო:

ელექტრომაგნიტური იმპულსები შეიძლება ბუნებრივად წარმოიშვას მზის აქტივობის აფეთქების დროს. ერთ-ერთი ყველაზე ცნობილი ინციდენტი 1989 წელს კანადაში, კვებეკში მოხდა. მაშინ მზის ქარიშხალმა გაანადგურა კვებეკის ჰიდროელექტროსადგურის ენერგოსისტემა. მზის აქტივობამ ასევე გამოიწვია 1859 წლის კერინგტონის მოვლენა, რომლის შედეგადაც მთლიანად დაიწვა ტელეგრაფის ხაზები.

   ელექტრომაგნიტური იმპულსების მიზეზი ასევე შეიძლება გახდეს   ატმოსფერული ბირთვული აფეთქება. მაგალითად, 1962 წელს აშშ-ს ატმოსფერული ბირთვული გამოცდის დროს, აფეთქებამ 400 კმ სიმაღლეზე (250 მილი) გამოიწვია მოულოდნელი შედეგი 1400 კმ-ს (870 მილი) მანძილზე. აფეთქებამ წარმოქმნა ელექტრომაგნიტური იმპულსი, რომელმაც დააზიანა ჰავაის ქუჩების განათების სისტემა, ელექტროენერგიის მრიცხველები, სატელეკომუნიკაციო აღჭურვილობა და სხვა ელექტრომოწყობილობები კუნძულებზე. ელექტრომაგნიტური იმპულსების გავლენა თანამგზავრების მუშაობაზეც კი აისახა.

საჭიროა თუ არა ელექტრომაგნიტური იმპულსების მოვლენის გათვალისწინება ელექტრონული მოწყობილობების შემუშავებისას?

         იმის გაგება, არის თუ არა ელექტრომაგნიტური იმპულსები პრობლემა ელექტრონიკის შემმუშავლებისთვის, ყველაზე მარტივია, თუ შესაძლებელი იქნება მათი გაჩენის შანსების განსაზღვრა.

ბუნებრივი ელექტრომაგნიტური იმპულსების გაჩენის ალბათობა საკმაოდ მაღალია. NASA-ს შეფასებით, დედამიწაზე ელექტრომაგნიტური იმპულსების დარტყმის ალბათობა ათი წლის განმავლობაში შეადგენს 10-დან 12 პროცენტამდე. ასე რომ, პრობლემა ის კი არ არის, რომ ჩვენ არ ვიცით, მოხდება თუ არა ელექტრომაგნიტური იმპულსების დარტყმა, არამედ ის, რომ ჩვენ არ ვიცით, როდის მოხდება ეს. ამიტომ, ელექტრომაგნიტური იმპულს-ეფექტების გათვალისწინება უნდა მოხდეს  ელექტრონიკის შექმნისას, განსაკუთრებით ისეთ მნიშვნელოვან სისტემებსა და მოწყობილობებში, რომლებსაც ადამიანების სიცოცხლეს ანდობენ.

          ANSYS-ის სტრატეგიული პარტნიორობისა და ბიზნესის ტექნიკური დირექტორის მარკ რავენშტალის თქმით, „აშშ სერიოზულად უნდა მოეკიდოს ელექტრომაგნიტური იმპულსების ზემოქმედებას ენერგომომარაგების ეროვნულ ქსელებზე. საჭიროა დამატებითი ექსპერიმენტების ჩატარება, და HFSS-ს შეეძლება მნიშვნელოვნად შეუწყოს ხელი ასეთი კვლევების ჩატარებას. HFSS საშუალებას აძლევს ინჟინრებს გააუმჯობესონ ელექტრომაგნიტური იმპულსების ზემოამქდებისგან დაცვის საშუალებების პროექტირების მეთოდები.

         ელექტრომაგნიტური იმპულსების მოდელირება შეიძლება გამოყენებულ იქნას ინჟინრების მიერ ელექტრონიკის დაცვის საშუალებების შესამუშავებლად.

 შესაძლებელია ელექტრომაგნიტური იმპულსების  ზემოქმედებასთან დაკავშირებული პრობლემების გადაჭრის ორი ვარიანტი. პირველი არის ეკრანირება, მეორეა გადამეტძაბვისგან დამცავი მოწყობილობების გამოყენება, რომლებიც გათვლილია ელვის დარტყმაზე, როგორიცაა, მაგალითად, ლითონის ოქსიდებზე დაფუძნებული ვარისტორები. 

ეკრანირება დაცვის ეფექტური მეთოდია, მაგრამ რთული და ძვირადღირებული. უნდა დარწმუნებული იყოთ, რომ ეკრანირება შერჩევით სიხშირიანია, ხელს არ უშლის უსადენო კავშირის ტექნოლოგიების სიგნალების გავრცელებას. მეორე მეთოდი არის ელექტრომაგნიტური იმპულსის სიგნალის მიმართვა ელექტრო კომპონენტების გარშემო. ეს მეთოდი ანალოგიურია იმისა, თუ როგორ  გადამისამართებს მეხამრიდი ელვის მუხტს მიწაზე. შესაძლებელია გადამეტძაბვისგან დამცავი მოწყობილობების დაყენება გამტარის ორივე ბოლოზე, და როდესაც ხდება ელექტრომაგნიტური დაბრკოლების სიმძლავრის ხანმოკლე ადიდება, რაც ხდება ელექტრომაგნიტური იმპულსის დროს, გადამეტძაბვისგან დამცავი მოწყობილობები ამიწებენ არასასურველ სიგნალს. ამ შემთხვევაში მოწყობილობა, დიდი ალბათობით, დაკარგავს ენერგოდამოკიდებულ მეხსიერებაში შენახულ ინფორმაციას და შეიძლება საჭირო გახდეს გადატვირთვა პროგრამული შეცდომების გამო, მაგრამ მოწყობილობის მიერ მიღებული ზიანი არ იქნება გამოუსწორებელი.

ელექტრომაგნიტური იმპულსების მოდელირების აუცილებლობა

შემოთავაზებული გადაწყვეტილებები ელექტრომაგნიტური იმპულსების ნეგატიური გავლენის თავიდან ასაცილებლად საჭიროებს შემდგომ კვლევას და დამუშავებას. გადამეტძაბვისგან დაცვა მოითხოვს ჩინებულ დამიწებას, რაც არ გამოიყენება აეროკოსმოსური აპატარების დაცვისთვის. ამავდროულად, ეკრანირება მოითხოვს უნიკალური მასალების და რთული კონსტრუქციების გამოყენებას, რომელთა რეალიზაცია პრაქტიკაზე, ალბათ, ძვირადღირებული იქნება. თუმცა, HFSS-ის გამოყენება ამ გადაწყვეტილებების ტესტირებისთვის დაზოგავს სახსრებს დაცვის სისტემების შემუშავებაზე. HFSS საშუალებას მოგცემთ იპოვოთ ასობით შესაძლო გადაწყვეტა, რომელიც განსხვავდება ზემოთ აღწერილი გადაწყვეტილებებისგან, და შეიძლება უფრო რენტაბელური აღმოჩნდეს. HFSS არის სწრაფი, ზუსტი და ხელმისაწვდომი ინსტრუმენტი ასეთი გადაწყვეტილებების მოსაძებნად და ტესტირებისთვის.

ელექტრომაგნიტური იმპულსების მოდელირება HFSS-ში იძლევა ელექტრომაგნიტური ველისა და ხმაურის ეფექტის მოწყობილობებზე გავლენის გამოთვლის საშუალებას. დაცვის საშუალებების ტესტირების კიდევ ერთი გზაა ფიზიკური გამოცდების ჩატარება ელექტრომაგნიტური იმპულსების გამოყენებით ძვირადღირებული აღჭურვილობის განადგურების მიზნით. ელექტრომაგნიტური იმპულსების მოდელირების გამოყენებით, ინჟინრებს ეძლევათ შესაძლებლობა შეამოწმონ დამცავი აღჭურვილობის საიმედოობა პროტოტიპების განადგურების გარეშე. ამით მათ შეუძლიათ სწრაფად გააუმჯობესონ პროტოტიპი, სანამ გამოცდების შედეგები დამაკმაყოფილებელი არ იქნება. დამატებითი ინფორმაცია, მაგალითად, ელექტრომაგნიტური ველების და დენის ვექტორების ვიზუალიზაციის შესახებ, ადვილად მიიღება HFSS-ის გამოყენებით.

==

როგორც სინათლის მრავალგანზომილებიანი არსება, თქვენ არსებობთ უამრავ გამონათქვამში თითქმის უსასრულო ვიბრაციულ კონტინუუმზე.

თქვენ დააპროეცირეთ ან ჩასვით თქვენი ცნობიერებისა და გაცნობიერების ნაწილი ამ ჰოლოგრამაში, მაგრამ ამავე დროს თქვენ შორს იმყოფებით მის ფარგლებს გარეთ.

ტოტალურობა იმისა, რაც ხართ, ვერასოდეს  მოთავსდება ასეთ ჩარჩოებში. თქვენი ნამდვილი წარმოშობა მოიცავს გალაქტიკებს, სამყაროებს, განზომილებებს.

დაიწყეთ ნაკადის თვალყურის დევნება იმ ადამიანისგან, რომელმაც სიზმარი ნახა, ვიბრაციულ კიბეზე უკან ასვლით მის კინომექანიკოსებამდე.

თქვენი უმაღლესი გამონათქვამები გელოდებათ.

და ამ გაერთიანებაში, ყველა შეზღუდვა და წესი იწყებს ნგრევას და წელში მოხრას თქვენს წინაშე.

თქვენ სამყაროების შემოქმედი ხართ.