http://asylsoz.kz/ru/20-ochen-uvlekatelnyh-faktov-o-dojde-605/
20 ძალიან სახალისო ფაქტი წვიმის შესახებ
1. პორტუგალიაში წვიმა სამსახურის გაცდენის საპატიო მიზეზია.
2. ქალაქ პარაში მოსახლეობა საათებს წვიმის მიხედვით ამოწმებს, რადგან წვიმს ყოველდღე ერთსა და იმავე დროს.
3. თამაში დარტსი წვიმის გამო გაჩნდა. ერთ დღეს შეჯიბრზე მშვილდოსნებს წვიმამ მოუსწრო. ისინი ლუდხანაში წავიდნენ და დაიწყეს კედელზე მიზანში მოკლე ისრების სროლა.
4. სინამდვილეში წვიმას სუნი არ აქვს. არომატს, რომელსაც ჩვენ წვიმის სუნს მივაწერთ, რეალურად გამოყოფენ აქტინო- და ციანობაქტერიები. ნივთიერებას, რომელიც წვიმის სუნს აძლევს, გეოსმინი ჰქვია.
5. უგანდას მცხოვრებლებს ჭექა-ქუხილით არ შეაშინებ, რადგან ქვეყანაში ჭექა-ქუხილით წვიმს წელიწადში 250-ჯერ.
6. წვიმა გახდა რადიოში ამინდის პროგნოზების მიზეზი. როდესაც ამერიკული რადიოსადგურის მფლობელი წვიმაში მოყვა, მან დააწესა ამინდის პროგნოზის ახალი რუბრიკა, რომელიც წვიმის შესახებ დღეში რამდენჯერმე იტყობინებოდა.
7. გვალვიან ბოტსვანაში ხალხი ერთმანეთს ესალმება სიტყვით „პულა“, რაც „წვიმას“ ნიშნავს, ასევე ქვეყანაში ეროვნულ ვალუტას „წვიმასაც“ უწოდებენ.
8. კუბაში წვიმა მოდის მხოლოდ სიესტის დროს, ტაილანდში კი მხოლოდ ღამით.
9. მე-17 საუკუნეში დიდ ბრიტანეთში წვიმის კანონი მიიღეს, რომლის მიხედვითაც წვიმის არასწორად წინასწარმეტყველებისთვის ამინდის სინოპტიკოსი სიკვდილით დასაჯეს.
10. ადამიანს შეუძლია წვიმაში სრულიად მშრალი დარჩეს, თუ ის უდაბნოში იმყოფება. სინამდვილეში, უდაბნოში წვიმები მოდის, მაგრამ წვიმის შესახებ ვერ შეიტყობ, რადგან წვიმის წვეთები უბრალოდ არ აღწევს მიწამდე და აორთქლდება ცხელი ჰაერის გავლენის ქვეშ.
11. ჰიდრომეტცენტრის ყველა ფრაზას წვიმის შესახებ კონკრეტული მნიშვნელობა აქვს. მაგალითად, ფრაზა „ხანმოკლე წვიმა“ ნიშნავს, რომ წვიმა გაგრძელდება არაუმეტეს 3 საათისა. ფრაზა „მოსალოდნელია წვიმა“ ნიშნავს წვიმის ხანგრძლივობას არანაკლებ ნახევარი დღისა. ფრაზა „მნიშვნელოვანი ნალექის გარეშე“ არ ნიშნავს, რომ წვიმა არ იქნება, ეს ნიშნავს, რომ წვიმა კვადრატულ მეტრზე არაუმეტეს 0,3 ლიტრი იქნება.
12. ქალაქი ჩერაპუნჯი (ინდოეთი) ყველაზე წვიმიანია მსოფლიოში. წლის განმავლობაში იქ 26460 მმ წვიმა მოდის.
13. ჩვეულებრივი წვიმის მჟავიანობა არის pH 5,6. თუ მჟავიანობის დონე უფრო დაბალია, მაშინ წვიმას მჟავე ეწოდება. წვიმის pH 5.5 დროს ბაქტერიები იღუპება, ხოლო წვიმის pH 4.5 დროს იღუპებიან მწერები, წყალხმელეთა ცხოველები და თევზები.
14. ქალაქ უაინსბერგში, ოჰაიო, 29 ივლისს წლიდან წლამდე აუცილებლად მოდის წვიმა, ეს უკვე ასი წელია გრძელდება.
15. დღეს შეგიძლიათ მოაწყოთ ხელოვნური წვიმა. მშრალი ყინულის ნაწილაკები თვითმფრინავიდან პირდაპირ ქულა ღრუბელზე იყრება. ღრუბელში ნახშირორჟანგი წყალშია მოქცეული და თოვლის ფიფქივით ეცემა, გზად თბება და წვიმად იქცევა. ამ გზით შესაძლებელია გვალვის წინააღმდეგ ბრძოლა ან ღრუბლების გაფანტვა.
16. ყოველწლიურად დედამიწაზე 519000 კმ3 წვიმა მოდის (თითო კმ3 არის მილიარდი ტონა წყალი).
17. ას მილიონ ადამიანში დაახლოებით ერთი ალერგიულია წვიმის მიმართ. კანზე წყლის ნებისმიერი ზემოქმედება იწვევს სიწითლეს, შეშუპებას, ასეთი ადამიანი შეიძლება დაიღუპოს, თუ წვიმაში მოყვა.
18. სან-ფრანცისკოში მეტეოსადგური იტყობინება წვიმის შესახებ, მაგალითად, 4/6-ის ალბათობით. უბრალოდ, 10 ადგილობრივი მეტეოროლოგი კენჭს უყრის, იქნება თუ არა წვიმა, ხოლო შედეგს მსმენელებს აცნობენ ასეთი „შედარებითი სახით.
19. ყველაზე ძლიერი სეტყვა ციდან ჩამოვარდა ქალაქ გოფალგანჯში 14.04.1986 წ. ერთი სეტყვის წონამ 1 კგ-ს გადააჭარბა, ასეთი „წვიმისგან“ 92 ადამიანი დაიღუპა.
20. პლანეტის ყველაზე წვიმიანი ადგილები ზამთარში წყლის ნაკლებობას განიცდის. წვიმიანი სეზონის შემდეგ ზამთარი იმდენად მშრალია, რომ მოსახლეობას წყლის ყიდვა სხვა ქალაქებში უწევს.
==
https://habr.com/ru/post/598351/
2021 წლის 10 მნიშვნელოვანი წიგნი
ვაჯამებ გასული წიგნის წლის შედეგებს და ვირჩევ ყველაზე ღირსეულ სიახლეებს.
წლევანდელი არჩევანი განსაკუთრებულია. მეჩვენება, რომ ის კარგად ასახავს ზოგად განწყობას და საჭიროებებს, რომლებიც წარმოიქმნება ადამიანებში მწვავე გაურკვევლობის პირობებში. „კორონავირუსამდელი“ ცხოვრების სწრაფი დაბრუნების იმედები, რომლებიც გასული წლის ბოლოს არსებობდა, არ გამართლდა, და გაურკვეველია, რას უნდა ველოდოთ მომავლისგან. განსაკუთრებული მნიშვნელობა აქვს იდეებს იმის შესახებ, თუ როგორ უნდა გავიაროთ ეგზისტენციალური კრიზისი, მივიღოთ ცვლილებები, შევინარჩუნოთ ემოციური და ფიზიკური ჯანმრთელობა, ვიპოვოთ სანდო ინფორმაცია ამ ხმაურში. მაგრამ ამ ქაოსში არის ადგილი იმედისთვის, რთულ დროს უფრო ნათლად გვესმის, რა არის ჩვენთვის მნიშვნელოვანი, შეგვიძლია გადავხედოთ წარსულს, ვიწყებთ ახალი შესაძლებლობების დანახვას.
მომდევნო ათი წიგნი, რომელიც გამოვიდა ამ წელს, ჩემი აზრით, თქვენს ყურადღებას იმსახურებს.
„ოთხი ათასი კვირა“, ოლივერ ბურკემანი
ოთხი ათასი კვირა დაახლოებით ოთხმოცი წელია, სიცოცხლის საშუალო ხანგრძლივობა. ეს რიცხვები, თითქოს, შემაშფოთებელია, ირაციონალურად მცირე. როდესაც წიგნის ავტორმა, ოლივერ ბურკემანმა, ჰკითხა თავის ნაცნობს, თუ რამდენს შეადგენს ადამიანის საშუალო სიცოცხლე კვირებში, მან ივარაუდა 310 ათაშუ. თუმცა, ეს იმდენია, რამდენიც არსებობს ადამიანური ცივილიზაცია, შუმერებიდან დაწყებული. 100 წელიც რომ იცხოვროთ, სიტუაცია დიდად არ შეიცვლება - თქვენ გექნებათ ხუთ ათას კვირაზე უდნავ მეტი.
თავის წიგნში ბრიტანელი ჟურნალისტი ოლივერ ბურკემანი საუბრობს იმაზე, თუ რატომ, მიუხედავად მრავალი გამოგონებისა, რომლებიც აადვილებს რუტინას, მიუხედავად ტაიმ მენეჯმენტის და ეფექტურობის გაუმჯობესების ტექნიკისა, ადამიანები განიცდიან დროის ნაკლებობას და ცხოვრების უაზრობის განცდას.
„წესრიგის საზღვრებს მიღმა: ცხოვრების ახალი 12 წესი“, ჯორდან პიტერსონი
ჩვენ ხშირად ვცდილობთ ვაკონტროლოთ ის, რაც კონტროლს არ ექვემდებარება. სულ მალე მოდის გაგება იმისა, რომ გეგმები ისე არა და არასწორი მიმართულებით წავიდა. სიტუაციიდან გამოსასვლელად ადამიანმა ორივე ფეხი სწორად უნდა გამოიყენოს: ერთი მიწაზე მყარად დგას, მეორე ჰაერშია და ფრთხილად ეშვება, აკეთებს შემდეგ ნაბიჯს. ამ მეტაფორით წიგნის ავტორი ჯორდან პიტერსონი გვიჩვენებს, რომ ჩვენ უნდა დავეყრდნოთ უსაფრთხო ადგილს და არ მივცეთ შიშს ჩვენი პარალიზების უფლება. და ამავდროულად, მუდმივად ვისწავლოთ, როდესაც რაიმე უცნობი ან უსიამოვნო პირისპირ შეჯახებისას.
თავის მესამე წიგნში „წესრიგის საზღვრებს მიღმა: ცხოვრების 12 ახალი წესი“ ფსიქოლოგი და ბესტსელერების ავტორი ჯორდან პეტერსონი საუბრობს წესების სახით გაფორმებულ ცხოვრებისეულ პრინციპებზე, რომლებიც ცვლის პიროვნებას და გარე სამყაროსთან დამოკიდებულებას უკეთესობისკენ.
„მახვილი გონების შენარჩუნება“, სანჯაი გუპტა
წიგნის ავტორი, მედიცინის მეცნიერებათა დოქტორი, ცნობილი ამერიკელი ნეიროქირურგი და მწერალი სანჯაი გუპტა დარწმუნებულია, რომ ნებისმიერ ადამიანს შეუძლია თავისი ტვინი გახადოს უფრო ძლიერი, სწრაფი, უფრო გამძლე და მახვილი. დიდი ხანია ითვლებოდა, რომ ტვინის უჯრედებს, როგორიცაა ნეირონები, არ შეუძლიათ რეგენერირება და დროთა განმავლობაში ქრება. თუმცა, ეს ასე არ არის.
„კოდის გამტეხი“, უოლტერ აიზეკსონი
ჯენიფერ დაუდნა უოლტერ აიზექსონის წიგნის მთავარი გმირია. მისი სახელი სამუდამოდ უკავშირდება CRISPR-ის შესწავლას და ჩაწერილია მეცნიერების ისტორიაში. 2020 წელს მან და ემანუელ შარპენტიემ მიიღეს ნობელის პრემია ქიმიაში მათი კვლევისთვის.
CRISPR არის გენის რედაქტირების ინსტრუმენტი. ბიოლოგებმა ის შექმნეს ბაქტერიების დაცვის სისტემის საფუძველზე და შეძლეს მისი გამოყენება მცენარეების, ცხოველებისა და ადამიანების დნმ-ში ცვლილებების შესატანად. ეს ტექნოლოგია ხსნის გენების რედაქტირებისა და საკუთარ ევოლუციაზე ზემოქმედების ფანტასტიკურ შესაძლებლობებს.
„ხმაური. ნაკლი ადამიანის მსჯელობაში“, დანიელ კანემანი
წიგნში „იფიქრე ნელა... იმოქმედე სწრაფად“, დანიელ კანემანმა ისაუბრა სხვადასხვა სახის მიკერძოებებზე, რომლებიც ხელს უშლის ადამიანს რაციონალურად ფიქრსა და სწორი გადაწყვეტილებების მიღებაში. მაგრამ მიკერძოების თავიდან აცილება არ აღმოფხვრის ყველა შეცდომას.
წიგნში „ხმაური“ კანემანი და მისი თანაავტორები იკვლევენ შეცდომის მეორე კომპონენტს, განსჯათა ვარიატიულობა და სხვადასხვაობა, რომელიც იდეალურ პირობებში უნდა იყოს იდენტური. კერძოდ, ავტორები იკვლევენ ეგრეთ წოდებულ სისტემურ ხმაურს - ეს არის ის ხმაური, რომელიც არსებობს ორგანიზაციებში, სადაც მუშაობენ ურთიერთშემცვლელი პროფესიონალები, რომლებმაც განსჯის გამოტანისას ერთი და იგივე კრიტერიუმებით უნდა იხელმძღვანელონ, მაგრამ ეს ხშირად არ ხდება, რადგან ადამიანები განსხვავდებიან ერთმანეთისგან. მიუხედავად იმისა, რომ ხმაურის სრულად აღმოფხვრა შეუძლებელია, მისი დონის შემცირება შესაძლებელია.
„კიდევ ერთხელ დაფიქრდი“, ადამ გრანტი
თავის ახალ წიგნში ფსიქოლოგი და მწერალი ადამ გრანტი საუბრობს იმის შესახებ, თუ რაოდენ მნიშვნელოვანია მოსაზრებების, შეხედულებებისა და სიტუაციების დროში ახლებურად გააზრება, თუნდაც ისინი სავსებით გვაკმაყოფილებდეს, ასევე იმაზე, თუ როგორ შევცვალოთ სხვა ადამიანის აზრი კამათისა და კონფრონტაციის გარეშე.
ხელახლა გააზრების უნარი არ გვაძლევს ჩვენს რწმენაში დარჩენას, ის გვიხსნის ახალ იდეებს. ადამიანი წყვეტს ქადაგებას და სწავლებას და ყველა თავის ჰიპოთეზას ამყარებს ფაქტებით. ჩვენ არ უნდა დავემორჩილოთ ზედმეტ თავდაჯერებულობას და შეიძლება ეჭვი შევიტანოთ საკუთარ შესაძლებლობებში. დაე, ეს ეჭვები გახდეს ზრდის საფუძველი.
„მომავლისადმი მდგრადი: 9 წესი ადამიანებისთვის ავტომატიზაციის ეპოქაში", კევინ რუზი
ტექნოლოგიისა და ავტომატიზაციის შესახებ მრავალი წიგნისგან განსხვავებით, კევინ რუზის ნაშრომი გამოირჩევა წარმატებული სტილითა და გადმოცემის სიმარტივით, მკითხველს არ სჭირდება ღრმა ცოდნა კომპიუტერული მეცნიერების სფეროში, რომ გაიგოს წიგნის იდეები და ავტორის არგუმენტები.
კევინ რუზი უბრალოდ საუბრობს რთულ საკითხებზე და გვთავაზობს კონკრეტულ გადაწყვეტილებებს. ჩვენი მაღალტექნოლოგიური მომავალი გარდაუვალია, და ყველას მოუწევს ასე თუ ისე გაუმკლავდეს ავტომატიზაციის გაფართოებას და მის შედეგებს.
„ადამიანის საზღვრები. დიდი იდეების მომავალი მცირე აზროვნების ხანაში“, მაიკლ ბასკარი
კაცობრიობის ისტორია არის დიდი იდეების ისტორია, რომლებიც სცილდებიან შესაძლებლობის საზღვრებს. ბორბლის გამოგონებიდან თანდათან მივედით კოსმოსურ ფრენებამდე, კლდეზე ხატვიდან მრავალმომხმარებლიან თამაშებამდე, იმიერი ძალების რწმენიდან ფარდობითობის თეორიამდე. წიგნის ავტორი, მაიკლ ბასკარს აინტერესებს, ჯერ კიდევ დიდი აღმოჩენების, გარღვევის ინოვაციების ზღვარზე ვართ - თუ ეს ყველაფერი მხოლოდ მირაჟია?
გარკვეულწილად, ჩვენ ნამდვილად წინ წავედით, მაგრამ შორს ვართ გლობალური მიღწევებისგან. კიბოსგან განკურნების წამალი ჯერ კიდევ არ არსებობს. სიცოცხლის ხანგრძლივობა არ იზრდება კარდინალურად. ჩვენ ჯერ კიდევ ნახშირწყალბადებზე ვართ დამოკიდებული. Covid-19-ის პანდემიამ აჩვენა ჩვენი დაუცველობა და მისთვის წინააღმდეგობის გაწევის უუნარობა, ძირითადად იმიტომ, რომ მიჩვეულები ვართ წარსულის მოდელებში ცხოვრებას და არ შეგვიძლია სწრაფად შევქმნათ მომავლის მოდელები. თუ მსოფლიოში დიდი იდეები იბადება, ისინი არ ხორციელდება, ისინი არ ცვლიან ჩვენს სამყაროს. მაგრამ დღეს ისინი ისევე აუცილებელია, როგორც ადრე.
„მონაცემთა დეტექტივი“, ტიმ ჰარფორდი
სტატისტიკას ცუდი რეპუტაცია აქვს. როგორც ჩანს, მისი დახმარებით შეგიძლიათ დაამტკიცოთ ნებისმიერი რამ, თუნდაც ის, რომ ბავშვები წეროებს მოჰყავთ. ევროპაში საოცრად მკაფიო ურთიერთობა არსებობს - ქვეყნებში, სადაც წეროების პოპულაცია უფრო დიდია, უფრო მეტი ბავშვი იბადება, და პირიქით. თუმცა, ხრიკი მარტივია - დიდ ქვეყნებს ჰყავთ უფრო მეტი წერო და მეტი ჩვილი, ხოლო პატარა ქვეყნებში - ცოტა წერო და ცოტა ჩვილი. კანონზომიერებას არ აქვს მიზეზ-შედეფობრივი კავშირი.
წიგნში „მონაცემთა დეტექტივი“ ცნობილი ჟურნალისტი და ეკონომისტი ტიმ ჰარფორდი საუბრობს მონაცემების მნიშვნელობაზე იმის გასაგებად, თუ რა ხდება მსოფლიოში და რა შეგვიძლია გავაკეთოთ იმისათვის, რომ გამოვყოთ სწორი ინფორმაცია არასწორისგან.
„გელგოლანდი“, კარლო როველი
თავის წიგნში კარლო როველი, პოეტურად და ხელმისაწვდომად, რამდენადაც ამის საშუალებას თემა იძლევა, აღწერს ჩვენს სამყაროს, როგორც მოვლენათა და მუდმივ ცვლილებების უზარმაზარ ქსელს, რომლებშიც ჩვენ, როგორც დამკვირვებლები, ვავლენთ გავლენას იმაზე, რასაც აღვიქვამთ. ის კვანტური მექანიკის რელაციური ინტერპრეტაციის მომხრეა და მას რადიკალურ იდეად თვლის, რომელიც სხვა ინტერპრეტაციებისგან განსხვავებით საშუალებას აძლევს ადამიანს გადავიდეს რეალობის გაგების ახალ დონეზე. ავტორის გამორჩეული ერუდიციის მიუხედავად, წიგნში ქედმაღლობის კვალიც კი არ შეინიშნება, იგი დაწერილია დიდი პატივისცემით მკითხველისთვის, რომელიც კვანტური ფიზიკის ცნებებს ზედაპირულად იცნობს. მასში იგრძნობა მკითხველისთვის პარადოქსების ახსნის გულწრფელი სურვილი, აჩვენოს რეალობის საოცარი ბუნება, რომელსაც კვანტური თეორია ავლენს. კვანტური ფიზიკის საკითხების გარდა, როველი ბევრ სხვა თემასაც ეხება და, როგორი უცნაურაიც არ უნდა იყოს, წიგნის ერთ-ერთი ყველაზე რთულად გასაგებია თავი, რომელიც ეძღვნება არა კვანტურ ფიზიკას, არამედ ადამიანის გონებას.
Комментариев нет:
Отправить комментарий
Will be revised