სიხარბის პანდემია: აშშ, როგორც საცდელი მოედანი ტოტალური ვაქცინაციისთვის
https://octagon.media/istorii/pandemiya_zhadnosti_ssha_kak_poligon_dlya_totalnoj_vakcinacii.html
კორონავირუსული ინფექციის პანდემიას მთელს მსოფლიოში, რაც არ უნდა პარადოქსულად ჟღერდეს ეს, მხოლოდ უბედურება არ მოუტანია. შეერთებულ შტატებში გლობალურმა საფრთხემ გააცოცხლა ფარმაცევტული ბაზარი, გაუხსნა მას მრავალმილიარდიანი პერსპექტივები. ახალი ინფექციის გაჩენა კოლოსალურ ბიზნესს იწყებს ამერიკაში.
ის, რაც ხდება, ცნობილ ტექნოლოგიურ ხერხს წააგავს. თავდაპირველად, მოსახლეობას მაქსიმალურად აშინებენ - აჰყავთ ახალი კორონავირუსი უკიდურესად საშიში საფრთხის სტატუსამდე, ამძაფრებენ სიტუაციას ინფორმაციულ სივრცეში, დემონსტრირებენ დაავადებულებით სავსე ჰოსპიტლებს და დამკრძალავ პროცესიებს. და ამ საშინელების შემდეგ, როგორც ფილმში „ინფიცირებულნი“, სადაც ნაჩვენებია დღეს განცდილი სიტუაცია, რა თქმა უნდა, ჰეპი-ენდი უნდა მოხდეს, რომელიც დაკავშირებულია სასწაულმოქმედი ვაქცინის შემუშავებასთან.
ექსპერტების შეფასებით, უკვე უახლოეს მომავალში ფარმაცევტული ინდუსტრიის ლობი კიდევ ერთ ექსპერიმენტს ჩაატარებს ამერიკელებზე და შესთავაზებს მოსახლეობის ტოტალურ ვაქცინაციას კორონავირუსის წინააღმდეგ. თუმცა, უვნებელ ვაქცინაციებს შეიძლება ჰქონდეს გვერდითი ეფექტი, რომელთა სიმძიმის შეფასება ჯერ კიდევ წინ არის.
ექსპერიმენტის პირას
ფარმაცევტულ ბიზნესზე ორიენტირებული ამერიკელი მეცნიერები აძლიერებენ დისკუსიებს საყოველთაო ვაქცინაციის აუცილებლობის შესახებ. აშშ-ში მრავალი წლის განმავლობაში არ აძლევენ მსვლელობას ბავშვთა MMR ვაქცინაციის სრულმასშტაბიან შესწავლას (წითელა, წითურა, ყბაყურა), რომელსაც, როგორც ზოგიერთი კვლევა აჩვენებს, შეუძლია გამოიწვიოს ბავშვის ორგანიზმში შეუქცევადი პროცესების პროვოცირება. MMR ვაქცინა გამოიყენება შეერთებულ შტატებში ბავშვების ვაქცინაციისთვის, დაწყებული ცხრა თვის ასაკიდან.
თუ რამდენად ძლიერად არის დამუხტული ამერიკული საზოგადოება ტოტალური ვაქცინაციის თემით, კარგად ჩანს ლეგენდარული ოსკაროსანი რობერტ დე ნიროს გახმაურებულ ფილმი „ვაქცინირებულები: სიყალბიდან კატასტროფამდე“. მოკლე დროში ფილმა მიიღო სერიოზული რეზონანსი. ეს იმისდა მიუხედავად, რომ ფილმში არ არის სრულ ვაქცინაციაზე უარის თქმის პროპაგანდა.
დე ნირომ კონკრეტულ ფაქტებზე დაამტკიცა სამედიცინო მონაცემების ფალსიფიკაცია და ნათლად აჩვენა, რომ ამგვარი ფალსიფიკაციების შედეგებით მთელი მსოფლიო სამედიცინო პრაქტიკა ყალიბდება.
ფარმაცევტულმა ინდუსტრიამ ფილმი აღიქვა, როგორც გამანადგურებელი დარტყმა. ფილმის დემონსტრირებას და ფესტივალზე ჩვენებას პრობლემები შეექმნა პრემიერისთანავე. დე ნირო გეგმავდა ფილმის ჩვენებას ნიუ იორკის კინოფესტივალზე გახსნის დღეს, მაგრამ ღონისძიებამდე რამდენიმე საათით ადრე ფილმი მოხსნეს ჩვენებიდან. მსახიობის თქმით, ფილმი უნდა ენახათ ადამიანებს, რადგან მასში გამოთქვამენ თავის მოსაზრებებს სპეციალისტები, ვირუსოლოგები, მსოფლიო რეპუტაციის მქონე ექიმები, რომლებსაც აქვთ უდავო მტკიცებულებები.
„ფილმში დასმული კითხვები თქვენ, ჟურნალისტებმა, თავად უნდა დასვათ საკუთარ. რატომ არ დაიწყებთ ჟურნალისტურ ძიებას? რატომ არცერთ თქვენგანს არ სურს თქვენი საქმის კეთება?“ - განაცხადა დე ნირომ.
ახლა გახმაურებულ ფილმში დასმული კითხვები აქტუალობას იძენს.
მასობრივი აუტიზმი
ვაქცინაციის თემაზე ყურადღების ხელახლა გამახვილება დაიწყო იმით, რომ ამერიკელმა მეცნიერებმა შესთავაზეს ადამიანების დაცვა კორონავირუსისგან არაპროფილური ვაქცინით. მკვლევარებმა ფაქტობრივად აღიარეს: არ არსებობს იმის გაგება, თუ როდის შეიქმნება სპეციფიკური ვაქცინა, მაგრამ დღეს უკვე არსებობს MMR. იგი დამტკიცებულია აშშ -ს ჯანდაცვის სამინისტროს მიერ, იგი გამოიყენება (ზოგჯერ ნებადართულია, ზოგჯერ აკრძალული) მთელს მსოფლიოში, რათა დაიცვას ადამიანები სამი საშიში დაავადებისგან - ყბაყურა (ეპიდემიური პაროტიტი), წითურა და წითელა.
CNN–მა გამოაქვეყნა ლუიზიანის შტატოს უნივერსიტეტის მეცნიერთა კვლევის ტექსტი. მათ დაასკვნეს, რომ MMR-ს ვაქცინა იცავს ბავშვებს ინფექციისგან, რომლებიც სცილდება სამი ვირუსის ჩაროებს, რომლისკენაც მიმართულია პრეპარატი: „თეორია მდგომარეობს იმაში, რომ ვაქცინა აძლიერებს საერთო იმუნიტეტს, ასწავლის ორგანიზმს გარკვეული ვირუსების ამოცნობას“.
პოლ ფიდელმა ლუიზიანის შტატის უნივერსიტეტიდან აღნიშნა: „ჩვენ თუ შევცდებით კიდეც, ადამიანებს გაუჩნდებათ ახალი ანტისხეულები წითელას, ეპიდემიური პაროტიტის და წითურას მიმართ. ასე რომ, ზიანის მომტანი არ არის“.
ანუ, მკვლევარები წინასწარ აღიარებენ, რომ MMR-ის ეფექტურობა ამ შემთხვევაში დამტკიცებული არ არის, მაგრამ მისი გამოყენება ვაქცინაციისთვის აუცილებელია. ამ ლოგიკის თანახმად, აუცილებელი იქნება თითქმის ყველას ზედიზედ აცრა - ეს კი, გაზვიადების გარეშე, კოლოსალური ბიზნესია.
ეს არც კი არის მნიშვნელოვანი. აღნიშნული ვაქცინა მრავალი წლის განმავლობაში ბადებდა ბევრ კითხვას. MMR ვაქცინის დანერგვისა და შეერთებულ შტატებში მისი იმუნიზაციის ეროვნულ გრაფიკში შეტანის შემდეგ, ათასობით მშობელმა დაიწყო ჩივილი, რომ მათი შვილი მკვეთრად შეიცვალა იმუნიზაციის შემდეგ. მშობლები თვლიან, რომ ბევრი ფაქტის უბრალოდ დამალვას ცდილობენ. დადგენილია, რომ ზოგიერთი ვაქცინა შეიცავს ნივთიერებას ტიმერაზოლს - ვერცხლისწყლის შემცველ კონსერვანტს, არის სხვა ნივთიერებებიც, რომლებიც ნეგატიურ გავლენას ახდენენ ორგანიზმზე - ე.წ. ქრონიკული ტოქსიკურობის ელემენტები.
„შეერთებულ შტატებში ყველა ბავშვი უნდა აკმაყოფილებდეს ვაქცინაციის სტანდარტებს, რომ დაშვებული იქნას სკოლაში და საბავშვო ბაღში. ყველას გირჩევთ: გადახედეთ კვლევებს, გადახედეთ ფაქტებს, რომლებიც ამბობენ, რომ ვაქცინები უსაფრთხოა თქვენი შვილებისთვის. დაავადებათა კონტროლისა და პროფილაქტიკის ცენტრები (CDC) იძლევა დამაჯერებელ ფაქტებს“.
აშშ-ს ხელისუფლება ჯიუტად ხუჭავს თვალს ამაზე, საუბრობს მრავალრიცხოვან კვლევებზე, რომლებმაც დაადასტურეს ვაქცინის უსაფრთხოება. მაგრამ შევხედოთ ციფრებს: 1977 წელს აუტიზმი ძალიან იშვიათი დაავადება იყო ამერიკაში - 1:15 000 ბავშვი. 1990 წელს MMR ვაქცინის შემუშავებასა და პოპულარიზაციასთან ერთად ბავშვებში აუტიზმით დაავადების ზრდა ისეთი იყო, რომ ექიმი-ფსიქიატრები ვეღარ გაუმკლავდნენ პაციენტების შემოდინებას. დღეს შეერთებულ შტატებში აუტიზმით დაავადებულია ყოველი მეშვიდე ბავშვი.
ამერიკელი ექიმები, რომლებიც მიბმული არიან „დიდ ფარმაციაზე“, ამტკიცებენ, რომ ვაქცინასა და აუტიზმს შორის კავშირი არ არსებობს.
მილიონების მოტყუება
ხანგრძლივი დროის განმავლობაში შეერთებულ შტატებში ითვლებოდა, რომ ბავშვთა აუტიზმში მშობლები არიან დამნაშავე. ვერსია გაჩნდა კვლევის ჩატარების შემდეგ, რომლის შედეგების შემეგ გაკეთდა დასკვნა, რომ აუტისტური ბავშვების ყველა მშობელი წარმატებული, მაღალი განათლების მქონე ადამიანია, რომლებიც ძალიან მცირე ყურადღებას უთმობენ საკუთარ შვილებს.
„კვლევები“ გადაიზარდა „ახალი ნორმალურობის“ იდეოლოგიაში, როდესაც აუტისტ ბავშვებს, რომლებიც მრავლადაა შეერთებულ შტატებში, წარმოადგენენ როგორც „ჯანმრთელებს“. ამერიკული აუდიტორიისთვის ამ იდეოლოგიის პროპაგანდას ჰოლივუდიც კი უწევს: ფილმები „სამაგიერო“ ბენ აფლეკთან და „ღამის პორტიე“ ანა დე არმასთან ერთად აუტისტ გმირებს სუპერგმირებად, უბრალოდ განსაკუთრებულ ადამიანად წარმოადგენენ.
1970-იან წლებში მეცნიერებმა დაამტკიცეს, რომ აუტიზმი მშობლების ქცევასთან არ არის დაკავშირებული, ხოლო მიზეზი მდგომარეობს ბავშვების თავის ტვინშია, სადაც გამოგონილ MMR ვაქცინასთან ერთად აღწევს ქიმია „ქრონიკული ტოქსიკურობით“.
ახლა „დიდი ფარმის“ ლობი ისევ იწყებს გემრიელი ლუკმისთვის ბრძოლას. MMR–ს სრული ვაქცინაცია გვპირდება, რომ თავისი მასშტაბით უნიკალური პროექტი გახდება.
გამოიყენება „მძიმე არტილერია“ - ამ დღეებში ახალი კვლევების სულ უფრო მეტი მონაცემი იდება საზოგადოებრივ სივრცეში.
ერთ-ერთი უკანასკნელი ცნობების თანახმად, ლიტველ და ერაყელ მეცნიერთა ჯგუფმა (ლიტვისა და ერაყის მედიცინა დიდი ხანია აღარ არის სუვერენული) ასევე წამოაყენა ჰიპოთეზა, რომ წითელას, ყბაყურას და წითურას საწინააღმდეგო კომბინირებულ ვაქცინას შეუძლია კორონავირუსისგან დაცვა. დასკვნა ემყარება 30 ამინომჟავის ნარჩენების თანმიმდევრულ მსგავსებას ატიპიური პნევმონიის (SARS-CoV-2), წითელასა და წითურას ვირუსის გლიკოპროტეინებს შორის. აღინიშნა, რომ ერაყის ჩარმოს უნივერსიტეტსა და ლიტვის კაუნასის ტექნოლოგიურ უნივერსიტეტში ჩატარებულმა კვლევებმა თითქოს აჩვენა, რომ MMR ვაქცინაციამ შეიძლება გახდეს ბავშვების დაავადებისადმი შეუვალობის მიზეზი.
„ბავშვებში MMR ვაქცინით წარმოქმნილ ანტისხეულებს შეუძლიათ ამოიცნონ ცილის გარკვეული ნაწილები (ეპიტოპები) SARS-CoV-2-ის ცილა-წვეტებზე. ეს ანტისხეულები, განსაკუთრებით სასუნთქი გზების ეპითელურ ფენაში, ბლოკავს ვირუსის შეკავშირებას და უჯრედებში მოხვედრას“, - განმარტავს ასეთ თეორიას პროფესორი რიმანტას კოძიუსი, რომელიც მონაწილეობდა კვლევაში.
თუმცა, მეცნიერებათა დოქტორი, ბიოლოგ-ეკოლოგი, აუტიზმის სინდრომის მქონე ბავშვის მამა ბრაიან ჰუკერი, რომელიც იკვლევს ბავშვთა ავადმყოფობასა და ვაქცინაციას შორის შესაძლო კავშირს, კატეგორიულად აღნიშნავს: ეს ყველაფერი ტყუილია. სწორედ ჰუკერი გახდა დე ნიროს ფილმის ორი მთავარი პერსონაჟიდან ერთ-ერთი.
ჰუკერს უკვე ჰქონდა 60–ზე მეტი სამეცნიერო სტატია ამ თემაზე მსოფლიო სამედიცინო ჟურნალებში, როდესაც დაუკავშირდა CDC–ს, რათა გაეკრიტიკებინა მათი დასკვნები ვაქცინისა და დაავადებების შემთხვევების შესწავლასთან დაკავშირებით. ჰუკერმა გააკრიტიკა კვლევის შედეგებში მოყვანილი სტატისტიკა. მაშინ დაავადებათა კონტროლისა და პროფილაქტიკის ცენტრებმა გაგზავნეს ჰუკერთან თავიანთი თანამშრომელი უილიამ ტომპსონი, რათა გარკვეულიყო პრობლემაში. ტომპსონი დე ნიროს ფილმის მეორე მთავარი გმირია. 2004 წელს ჰუკერმა მიიღო წერილი ცენტრების იურისტისგან, სადაც ნათქვამი იყო, რომ მას აღარ ჰქონდა უფლება დაკავშირებოდა მათ ორგანიზაციას.
ათი წლის შემდეგ ტომპსონმა ჰუკერს საკუთარი ინიციატივით დაურეკა.
„მე დიდხანს ველოდებოდი მომენტს ჩემი ისტორიის გასაზიარებლად, და ახლა მინდა გითხრათ მთელი სიმართლე. მე ჩართული ვარ მილიონობით გადასახადის გადამხდელის მოტყუებაში ვაქცინების პოტენციურ ნეგატიურ გვერდით ეფექტებთან დაკავშირებით. ჩვენ მოვიტყუეთ კვლევის შედეგების შესახებ. CDC–ის ნდობა აღარ შეიძლება ვაქცინების უსაფრთხოების შემოწმების მიზნით“, - განაცხადა მეცნიერებათა დოქტორმა, დოქტორი, დაავადებათა კონტროლისა და პროფილაქტიკის ცენტრების უფროსმა მეცნიერმა მკვლევარმა უილიამ ტომპსონმა.
ტომპსონი შემდგომ გახდა მთავარი ფიგურა და ინფორმატორი CDC– ს არაკეთილსინდისიერების და ფაქტების დაფარვის საქმეში.
ექიმთა ჯგუფის კიდევ ერთი წევრი, რომელიც მონაწილეობდა აუტიზმსა და ვაქცინებს შორის კავშირის ფაქტების დადგენაში, ექიმი გასტროენტეროლოგი ენდრიუ უეიკფილდია. 1995 წლიდან უეიკფილდი იკვლევს აუტიზმის მქონე ბავშვებში სამჯერ MMR ვაქცინის გამოყენებას. სინდრომის პარალელურად მათ განუვითარდათ საჭმლის მონელების მწვავე პრობლემები. უეიკფილდმა, სპეიალისტმა გასტროენტეროლოგის სფეროში, აღმოაჩინა ნაწლავის ანთების ახალი ტიპი, რომელიც უკავშირდება აუტიზმის სინდრომის ერთდროულ განვითარებას ადრე სრულიად ჯანმრთელ ბავშვებში (იზოლირებული აუტიზმი).
გასაკვირი არ არის, რომ უეიკფილდი გახდა, ყოველგვარი გაზვიადების გარეშე, CDC-ის და აშშ-ში ყველა ფარმაცევტული ორგანიზაციის მთავარი მტერი.
ათასობით საჩივარი
ახლა ძნელი მისახვედრი არ არის, რატომ სწორედ დე ნიროს ფილმა მოახდინა ამერიკულ საზოგადოებაში აფეთქებული ბომბის ეფექტი. არსებითად, საჯაროდ და ფაქტებით ხელში დამტკიცდა, რომ ამ მომენტამდე მხოლოდ მშობლებთან განიხილებოდა ინტერნეტ ფორუმებზე.
უნდა აღინიშნოს, რომ უეიკფილდმა და ჰუკერმა, სხვადასხვა დარგის სხვა მეცნიერებთან ერთად, მოახერხეს იმ მშობლებისგან საჩივრების ათიათასობით მტკიცებულების შეგროვება, რომელთა შვილებიც დაზარალდნენ MMR ვაქცინაციის შედეგად. ყველა მშობელი ერთსა და იმავეზე ლაპარაკობდა: დილით გაკეთდა ვაქცინაცია, საღამოს ტემპერატურამ აიწია, მეორე დილით ბავშვმა დაკარგა მეტყველების უნარი, სივრცეში ორიენტაცია, შეწყვიტა სიარული და მოწყდა სამყაროს, რის შემდეგაც მხოლოდ უძლიერესი ანტიბიოტიკებით თერაპია დაეხმარა.
რუსი პედიატრები, რომლებთანაც „ოქტაგონმა“ მოახერხა დაკავშირება, ამტკიცებენ: ახლაც კი, თითქმის ნებისმიერი კვლევა, რომელიც განსხვავდება CDC დასკვნებისაგან დაავადებებსა და ვაქცინაციებს შორის კავშირის შესახებ, მსოფლიო ჯანდაცვის ორგანიზაციებმა დაუსაბუთებლად მიიჩნიეს, ხოლო თავად ექიმები თითქმის თაღლითებად აღიარეს.
მაგრამ, უკვე 2000 წლისთვის ენდრიუ უეკფილდის მოხსენება, რომელიც მან წარუდგინა აშშ-ს კონგრესს, შეიცავდა დასკვნებისა და ფაქტების 2000-ზე მეტ გვერდს, რომლებიც ადასტურებდა უშუალო კავშირს ვაქცინასა და აუტიზმს შორის. ანგარიშის მოსმენის შემდეგ, კონგრესმა დაავალა CDC- ს ამ საკითხის გამოძიება, არის თუ არა სინამდვილეში კავშირი დაავადებებსა და ვაქცინაციებს შორის. უფრო მეტიც, უეიკფილდისა და მეცნიერთა ჯგუფის მოხსენებაში მთავარი დასკვნა იყო რეკომენდაცია უარი ეთქვათ სამმაგ ვაქცინაზე ერთჯერადის სასარგებლოდ და გაეგრძელებინათ MMR-ს კვლევა.
სწორედ იმ მომენტში გაჩნდა მოკრძალებული იმედი საზოგადოებაში: იქნებ აშშ-ს ხელისუფლებამ საბოლოოდ მოუსმინოს ექსპერტების აზრს და გამოიტანოს დასკვნები? დასკვნები მართლაც გაკეთდა, თუმცა ისეთი არა, რასაც ხალხი ელოდა.
ერთი ყველასათვის
სკანდალური მოხსენების შემდეგ, აშშ-ს ხელისუფლებამ გადაწყვიტა ცალმაგი ვაქცინის იმპორტის აკრძალვა. ფარმაცევტულმა კომპანიებმა, მათ შორის Merck-მა (რომელიც აწარმოებს MMR ვაქცინას), გადაწყვიტეს ერთჯერადი ვაქცინების გამოშვება, რამაც არ დაუტოვა მშობლებს არჩევანის უფლება: მხოლოდ სამმაგი MMR ვაქცინა!
მაშინვე უეიკფილდმა ჰკითხა CDC–ის ერთ–ერთ ხელმძთვანელს: თუ მათი ამოცანაა ბავშვების ინფექციური დაავადებებისგან დაცვა, მაშინ რატომ ჩამოართვეს მათ მშობლებს უფლება აირჩიონ ერთჯერადი ვაქცინები სამმაგი ვაქცინის ნაცვლად? პასუხი იყო ძალიან გულწრფელი: თუ მშობლებს ქნებათ არჩევანის უფლება, ეს გაანადგურებს აშშ-ს ჯანდაცვის სამინისტროს პროგრამას, რომელიც მიმართულია MMR-ის საყოველთაო ვაქცინაციაზე.
CDC–ის ოფიციალური დასკვნა სკანდალის შემდგომ ასე ჟღერდა: „იმუნიზაცია უნდა გაგრძელდეს უცვლელად და უკუჩვენებების გათვალისწინების გარეშე, პარალელურად ვიმუშაოთ აუტიზმის სინდრომით ინფიცირების გაზრდილი შემთხვევების შესწავლაზე“. ამავე დროს, CDC „შესაფერისი“ დოკუმენტების საფუძველზე, ნათლად მიუთითა: ვაქცინაციასა და აუტიზმის განვითარებას შორის კავშირი არ არის დადგენილი. ასეთ დასკვნაში უკვე შეუძლებელი იყო ცვლილებების შეტანა, ამ დოკუმენტის საფუძველზე ცენტრმა გამოაცხადა MMR ვაქცინა უსაფრთხოდ. სახეზე იყო სურვილი სამუდამოდ დახურულიყო დისკუსია სამმაგი ვაქცინის უსაფრთხოების შესახებ.
ამერიკაში MMR ვაქცინა შესულია ვაქცინაციის კალენდარში, რომელიც ყველა მშობელმა უნდა დაიცვას და აცრას ბავშვები მკაცრი გრაფიკით: 12-დან 15 თვემდე.
ექსპერტები აღიარებენ, რომ CDC–ის ფინანსური დაინტერესების დამტკიცება ვაქცინების პოპულარიზაციაში ადვილი არ არის. დაავადებათა კონტროლისა და პროფილაქტიკის ცენტრს არ შეუძლია პირდაპირ ფულის აღება კერძო ფარმაცევტული კომპანიებისგან, მაგრამ მას შეუძლია შექმნას ამისთვის ფონდები, რომლის საშუალებითაც ხდება ფულადი სახსრების მოდინება. ფარმაცევტულ ორგანიზაციებს (Merck, Pfizer, Sanofi-Aventis, GSK) აქვთ მრავალმილიარდიანი ინვესტიციების ვაქცინის შესაქმნელად. ასევე მნიშვნელოვანია სხვა რამის გაგება: თუ მინიმუმ ერთ კომპანიას შეუძლია დაამატოს ერთი ვაქცინა სავალდებულო ვაქცინაციის კალენდარში, მაშინ მისი სარგებელი შეადგენს მინიმუმ $ 30 მილიარდ დოლარს წელიწადში!
არც ისე დიდი ხნის წინ, ვაქცინის ლობიმ რუსეთიც კი შეიყვანა მათ რიცხვში, ვინც ეწინააღმდეგება მის ტოტალურ დანერგვას. The Times-მა დაადანაშაულა „პრორუსული“ ჯგუფები სოციალურ ქსელებში თეორიების გავრცელებაში MMR ვაქცინის საშიშროების შესახებ, რომელიც გამოიყენება წითელას, ყბაყურასა და წითურასგან ბავშვთა ვაქცინაციისთვის. გამოცემამ განაცხადა, რომ ზოგიერთმა ჯგუფმა სოციალურ ქსელში წამოიწყო კამპანია ექიმ ენდრიუ უეკფილდის მიერ შექმნილი ფილმის მხარდასაჭერად, რომელიც 1998 წლიდან თანმიმდევრულად გამოდის MMR ვაქცინის წინააღმდეგ. როგორც გაზეთი მიიჩნევს, ყველა ეს ჯგუფი მოქმედებს „რუსული ჩარევის“ ფარგლებში. პუბლიკაციაში არ არის მოცემული ამ განცხადებების მტკიცებულება, მითითებულია ზოგიერთი დაუსახელებელი „ექსპერტი“, რომლებმაც შეძლეს ამ ჯგუფების წყაროს და შემადგენლობის „განსაზღვრა“.
რუსეთის პედიატრთა კავშირის წევრმა დიმიტრი მალიხმა დაადასტურა, რომ ბავშვებში აუტიზმის გამოვლენილი შემთხვევების რიცხვი მართლაც სტაბილურად იზრდება ბოლო ათწლეულების განმავლობაში. მისივე თქმით, დაავადების დიაგნოსტიკისადმი მიდგომაც შეიცვალა, ამ დიაგნოზის კრიტერიუმები გაცილებით გასაგები გახდა, პედიატრებისა და ბავშვთა ფსიქიატრების მომზადების დონეც უმჯობესდება.
ამავე დროს, მან ხაზი გაუსვა, რომ ყველა წამყვანმა საერთაშორისო სამედიცინო ასოციაციამ არაერთხელ გააკეთა განცხადება, რომ კავშირი აუტიზმსა და ვაქცინაციას შორის არ არსებობს.
„MMR ვაქცინის ფასი 1000 რუბლზე ნაკლებია, ხოლო ერთი სტაციონარული პაციენტის მკურნალობა ამჟამად მძვინვარე კორონავირუსისგან სულ მცირე 200 000 რუბლს შეადგენს. სამედიცინო ბიზნესისათვის გაცილებით მომგებიანია არა პროფილაქტიკა, არამედ მკურნალობა“.
ამავე დროს „პაციენტთა დამცველთა ლიგის“ პრეზიდენტი ალექსანდრე სავერსკი „ოქტაგონთან“ საუბარში აცხადებს, რომ ახლა საჭიროა მედიცინის რეალური მიღწევების ძალიან სერიოზული გადაფასება.
–ფაქტობრივად, ჩვენ არ გვაქვს სტატისტიკა, რომელიც დააფიქსირებდა ვაქცინაციის გვერდით ეფექტებს. ერთხელ მე მივიღე წერილი სურგუთიდან ერთი ქალისგან, რომლის შვილს აცრის შემდეგ დაუზიანდა ცენტრალური ნერვული სისტემა. მან გამომიგზავნა შვიდი საქმე ბავშვებთან დაკავშირებით: სამ შემთხვევაში ეს ეხებოდა ლეტალურ შედეგს, ხოლო ოთხში ცენტრალური ნერვული სისტემის დაზიანებას. გარდა ამისა თითოეულ ისტორიაში დაწერილი იყო ექიმის ხელით: „ვაქცინაციის შემდგომი გართულებები“. ჩამოსულმა კომისიამ გამოიტანა დასკვნა: ვინაიდან ასეთი შემთხვევები არ არის აღწერილი მსოფლიო ლიტერატურაში, ჩვენ არ შეგვიძლია მიზეზობრივ-შედეგობრივი კავშირის დადგენა, - ამბობს სავერსკი.
მისი თქმით, ასეთი ისტორიები არ არის ერთეული. სავერსკიმ დაადასტურა, რომ დღეს არსებობს მრავალი სამეცნიერო ნაშრომი, რომელიც ადასტურებს კავშირს ვაქცინაციასა და აუტიზმს შორის. და მთავარი არსებულ სიტუაციაში არის რუსული ჯანდაცვის დაცვა „დიდი ფარმაციის“ გავლენისგან. რუს სპეციალისტებს უნდა მიეცეს შესაძლებლობა დამოუკიდებლად გაეერკვენ ვაქცინაციის გლობალურ გვერდით მოქმედებაში.
